: Song recommended [Celine Dion - my heart will go on ]☆☆☆☆☆
"အိမ်ကနည်းနည်းတော့ဟောင်းနေပေမယ့် နေရတာတော့အဆင်ပြေမှာပါ"
"ဦးလေးအာမခံတယ် ... ကလေးကဒုတိယထပ်ထောင့်စွန်းခန်းမှာနေလို့ရတယ် "
"အဲ့အခန်းက အဲ့အိမ်တစ်ခုလုံးမှာသက်တောင့်သက်သာအဖြစ်ဆုံးဘဲ သားလာမယ်ကြားလို့ အဲ့အခန်းကိုရှင်းပေးခိုင်းထားတယ်"
"အဲ့မှာ အိမ်စောင့်အဖိုးကြီးသားအဖနေတယ် တစ်ခါလေ သူ့မြေးအငယ်လေးပါ လာနေတတ်လို့ သူ့တို့ကိုလိုတာကူညီခိုင်းလို့ရတယ်နော်"
ဆောင်းချန်းကအဆိုတော်သရုပ်ဆောင်တစ်ယောက်ဖြစ်တယ်။ အခုလည်းသူမလုပ်တဲ့ကိစ္စတစ်ခုအတွက်သတင်းတွေ သို့လောသို့လောထွက်နေတာမို့ အခြေအနေတည်ငြိမ်အောင်လို့ အဖေ့ရဲ့သူငယ်ချင်းရှိတဲ့နယ်မြို့လေးလို့ရောက်လာခြင်းဖြစ်သည်။ ရှောင်နေတာလည်းပါတာပေါ့။
ဒီလောကကရှုပ်ထွေးနက်နဲလွန်းသည်။ ဆွဲတင်ပေးမယ့်သူထက် ဆွဲချပေးမယ့်သူတွေသာများသည်။ ပြဿနာတစ်ခုဖြစ်ပြီဆို မှားတာမှန်တာစိတ်မဝင်စား သူတို့ကျေနပ်တဲ့အဖြေတစ်ခုရဖို့ဘဲသူတို့စိတ်ဝင်စားသည်။
တစ်ခါတစ်ရံ သူဒီအလုပ်ဒီရပ်ဝန်းကြီးကိုစိတ်ကုန်လာသည်။ ကိုယ်ပိုင်လွတ်လပ်ခွင့်တွေအကုန်ဆုံးရှုံးပြီး သူ့ဘဝတစ်ဝက်စာလောက်ကြိုးစားခဲ့သည့် သူဝါသနာပါသည့် ဒီအလုပ်ဟာ သူ့အတွက်တော့ကြာလေအဆိပ်သင့်လေဖြစ်လာရသည်။
ဒီတစ်ခေါက်ပြဿနာတွေရှင်းပြီးရင်တော့ သူတစ်ခုခုကိုသေချာဆုံးဖြတ်ချက်ချရလိမ့်မည်ဟု တွေးထားလိုက်တယ်။
ဒီရောက်တော့ ဦးလေးကသူ့အိမ်နဲ့ခပ်ဝေးဝေးမြို့စွန်လေးတစ်ခုကအိမ်ကိုညွှန်းပေးလာသည်။
ဒီအိမ်ကဆုံးသွားတဲ့ဦးလေးရဲ့ဇနီးဘက်က အမွေရထားသည့်အိမ်ဖြစ်ကြောင်းလည်းပြောသေးသည်။
"ကောင်းပါပြီ ကျွန်တော့်ကိုကူညီပေးလို့ကျေးဇူးတင်ပါတယ်"
"ဦးလေးသာမကူညီရင် ကျွန်တော်အခက်တွေ့နေမိမှာ "
သူ့အပြောကို ဦးလေးကအပြုံးပါးပါးလေးတစ်ပွင့်ဖြင့် ခေါင်းညိမ့်ပြလာသည်။
![](https://img.wattpad.com/cover/363730719-288-k172984.jpg)
YOU ARE READING
Once upon a time
Horror{ Jung SungChan & Park WonBin } ✿ ချစ်ရသူနဲ့သေကွဲကွဲခဲ့ရတဲ့ ဆံပင်ရှည်သခင်လေးက ✿ ချစ်ရသူ သူ့ဆီပြန်လာမယ့်နေ့ကို တစ်ယောက်ထဲအထီးကျန်စွာစောင့်နေခဲ့တယ် ✿ စွဲလမ်းတစ္ဆေအဖြစ် နှစ်ပေါင်း100ကျော်တဲ့အထိ အိမ်ကြီးထဲမှာမကျွတ်မလွတ်နဲ့ စောင့်နေတဲ့သခင်လေးဆီ ✿ 21ရ...