عشق الاسد

pr. 1

لكاتبه: بنين علي
المؤلفة: نبأ عقيل
عشق...
يل جمالك سومري ونضرات عينك بابلية.. ♡
.
.
.
.
.
.
.
.
.
.

اسد: جنت كاعد بـ المكتب فجئه دخل عليه ياسر الغثه
ياسر: اكلك اسد اليوم تجي للشقه محضر شلون بنات يطكن بـ لكاع
اسد: ما ادري اشوف بس هو بيش الساعه
ياسر: الساعه بـ 12 بـ ليل
_طلع ياسر من مكتب اسد
اسد: اتصلت ؏ احمد الكلب يلي صاله جم يوم مغلس ؏ الفلوس
اتصلت:
احمد: الو سيدي
اسد: حضرت الفلوس لو بعدك مغلس
احمد: سيدي بس مهلت اسبوع
اسد: اذا ما جبتهن اليوم اخيسك بـ لسجن
احمد: سيدي بداعت امك بس اسبوع
اسد: طاحظك وطاح حظ امي وياك ابنل النعال عندك بس اسبوع والكه الفلوس يمي
سديت الاتصال:
اسد: خلصت شغلي وطلعت من الكتب تلكاني ياسر
ياسر: هاا اسد تجي اليوم
اسد: الله كريم
رجعت للبيت:
كلعاده لكيت فهد وتر يتكافشون عفتهم لان مالي خلكهم صعدت لغرفتي سبحت وبدلت وجفيت ؏ وجهي من التعب
                         ♡♡♡
عشق
كعدت روحي طالعه من دفرات امي
لجين(ام عشق): ولج كعدي الوصخه وراج دوام راح تنفصلين
عشق: يمه مو حتى احلامي طفرن من وراج والله كمت شوفي انوب ابدل وانام احسن
لجين: ايي احسن ولو تكعدين من الخمسه احسلج
عشق: عفتها وكمت سبحت وطلعت كلعاده امي مكعدتني قبل الدوام بـ ساعه متبطل سوالفه رحت لغرفة غرام دفرت الباب وطبيت ركعته بـ الكوشه
ولج كعدي الزقجه ورانه دوام ياالله
غرام: اخخخ والله كمت طيرتي دماغي وكع من الجربايه اوكفي خلي ادوره
عشق: ياالله امر راح تجفتنه وتعلسنا بـ نعاله
غرام: لا وين ما نايمه اني اصلاً كاعده باعيلي هااا اهااا راح ابدل
عشق: ايي عفيه لا ننعلس و توكع افكارنا يمعوده حبابه لا نكتهن بتفله
لجين: عشق غرام يله تعالن تريكن وولن للمدرسه
عشق: اجينه والله هاي شوفي طولي
لجين: ولج لسانج طولان الوصخه يرادله كص
عشق: لا يمه وين هلكدوته احجي بيه يخلص
تريكنه وطلعنه وصلنه بابه ونزلت لكيت وتر بوجهي تعلف من صباح الله
عشق: ولج مو سنونج راح يوگعن
وتر: لا لا ميوكعن لتخافين ابوك فلوس اسد واسوي بيهن سنون من ذهب مو كلاوات
عشق: اوكفي راح اركعج بزي* ج افر اذانج بيه اخوج النفس ما يجره يخاف يخلص
دك الجرس دخلنه للصف مر اليوم طبيعي
                              ♡♡♡♡
لجين: جنت كاعده انضف المطبخ واحمد كاعد ؏ ميز الطعام الطعام يتصفح بـ الفون فجئه اجاه اتصال طلع بـ الطارمه علمود يجاوب وره خمس دقايق دخل احمد مو ؏ بعضه راح للغرفه رحت وراه علمود افتهم السالفه
احمد شبيك؟.
احمد: ما كوشي بس استوه اتصل عليه الظابط اسد يريد الفلوس ملاته خلال اسبوع واني هسه منين ادبرهن
لجين: لا ضوج عمري تنحل
احمد: ولج شلون تنحل منين ادبر تلث شدات
لجين: انشاءالله تنحل ليظل بالك
احمد: انشاءالله
                            ♡♡♡♡
عشق: حلينه ورجعنه للبيت اني و غرام ميتات تعب او مدخلنه صعدنه كل واحد لغرفته دخلت لغرفتي طبيت سبحت وبدلت نزلت جوه علمود اتغده كعدنه اني وغرام ؏ السفره بس امي وابويه مو ؏ بعضهم
عشق: مامه شكو ليش ضايجين
لجين: ما كو شي بس شويه تعبانه
عشق: زين لعد شبيه بابه
لجين: صحت بيه شبيج كافي اول مكعدتي بس تسألين ازقنبي وصعدي بغرفتج معليج
عشق: استهضمت من مامه لان زمخت بيه اكلت ورحت لغرفتي لان ميته تعب بسرعه نمت
                               ♡♡♡♡
اسد: كعدت ؏ دكت الفون قريت الاسم صهيب
اسد: الو
صهيب: شلونك حيوان وين مختفي
اسد: تما انته شلونك
صهيب: تمام اكلك اسد
اسد: كول
صهيب: اليوم تجي لولا لان ياسر كالو تعالوا للشقه لان محضر بنات النه تجي
اسد: جوز اجي اذا صار عندي مجال اخابرك اكلك راح اجي
صهيب: تمام لعد يله اني اروح اكمل شغلي
اسد: تمام باي
سديت الاتصال وشمرت الفون وكمت سبحت وبدلت وطلعت كلت اروح لاحمد لا اذا ما هدته راح يغلس ؏ الفلوس صالي شهر اكله هو كل ما اخابره يكلي اليوم باجر واني امشي مزاجي لان جان عندي شغل بس هسه ما عندي شي راح اتفضاله
اول ما وصلت لبيته دكيت الباب سمعت صوت بنيه كالت منو
اسد: اني طلعت بنيه مو بنيه تخبل حنطاويه وعيونه كبار جوزي مو كلش فاتح ولا كلش غامق وحلكه مرسوم ولوجه دائري وعده خدود قاطعت صفنتي وهي تكول تفضل عمو محتاج شي
اسد: ابوج موجود
عشق: ايي
اسد: تكدرين تصيحي اليه
عشق: ايي عمو ثواني
دخلت للبيت واني اصيح بابه بابه
احمد: هاا بويه شكو
عشق: بابه اكو رجال بـ الباب يكول اريد ابوج
احمد: تمام طلعت لكيت اسد بـ الباب
اليوم الظابط اسد مشرفنه اهلاً وسهلاً
اسد: بلا كلام زايد الك مهله منا لسبوع اذا ما وفيت الدين تعرف شسوي
احمد: انشاءالله سيدي
اسد: عفته وصعدت بـ سياره وشخطت السياره واني متوجه للمكتب
                            ♡♡♡♡
عشق: كعدت من النوم حوالي الساعه بـ5 كمت بدلت لبست تراك ولميت شعري سويته ذيل حصان وطلعت كتبي كعدت بـ لحديقه لقره لان احب العصريه اكعد بـ لحديقه اني ومندمجه بـ القرايه سمعت صوت الباب يندك
صحت منو سمعت صوت خشن يكول اني كمت فتحت الباب شفت شاب تقريبا يطلع عمره 28 او 27 هيج شي ضخم وطويل وصاحب عضلات واسمر وعيونه جوزي وشعره اسود كتله تفضل عمو محتاج شي رد هو يكول اريد ابوج صحت ابويه ربع ساعه دخل بابه ابين ضايج
عشق: بابه شبيك ومنو هذه يلي اجه
احمد: ما كو شي هذا.............

طبعاً هذي اول روايه اليه انشاءالله تعجبكم واسفه اذا صار عندي بـ الاملاء غطأ صوتوليي