عشق الاسد

pr. 7

الكاتبه: بنين علي
المؤلفة: نبأ عقيل

عندك شامه مثل الجنه و النار سامع بيها بس ما واصللها...♡
.
.
.
.
.
.
.
.
.
.
.
غرام: مفهمتك...

فهد: مو مهم تفهميني المهم كلبج يدكلي..

غرام: هو منو انتَ حتى يدكلك كلبي..؟

فهد: انتِ و كلبج و شامتج ملكي...

غرام:..؟ اختصر لا تبلع بلوك...

فهد: اكسرها الايدج..

غرام: يمه رجفتني..

فهد: نجره..

غرام: تاج راسك...

فهد: طبعاً...

غرام: استغربت شلون ماخذ ميانه هيج لو ما يعرفني ما جان هيج اخذ راحته بالحجي.. عفته و طلعت رحت رتبت الغرفه و نمت...
                           ♡♡♡♡
عشق: رتبت غرفتي و توني دا انام جان يجيني اشعار من اسد

اسد: حضري روحج باجر جايين خطابه..

عشق: شنووووو..؟

اسد: ايي عليش مستغربه..؟

عشق:  لا بس ؏ بالي حتاخذني هيج بلا خطوبه..

اسد: و ليش يمه فصليه..؟

عشق: لا.. هيج بس مجرد اعتقاد..

اسد: لا تعتقدين هيج.. و لا تصغرين من نفسج..

عشق: تمام..

اسد: عفيه.. بعشقي.. تصبحين ؏ خير...

عشق: و انت من اهله..
نزلت ركض لامي: مامه.. مامه..

لجين: ها يمه..

عشق: يمه اسد يكول باجر نجي نخطب...

لجين: شنووو..؟ بصدمه..

عشق: ايي يمه توه كال..

لجين: ياا... لعد خلي نكوم نحظر الصخام البيت.. ابوج يتسوك
عيني ابو عشق باجر روح اتسوك باجر يجي الظابط اسد...

احمد: ليش اكو شي..؟

لجين: يكول باجر اجي اخطب...

احمد: اييي صدك كالي العصر...

لجين: لعد ليش ما كلتلي من العصر لعد صدك جذب..؟

احمد: نسيت.... خليها باجر ترا الساعه بـ11 هسه روحي نامي و عيفي الشغل حتى تكعدين نشيطه و اني الصبح اتسوك..

لجين: هم صدك.. و انتِ روحي نامي باجر وراج دوام

عشق: صار مامه.. صعدت بدلت ملابسي و نمت..
                               ♡♡♡♡
اسد: كعدت بـ7 غسلت و بدلت و رحت لبيت عشق اريد اني اوصلها اليوم... اخذت السويج نزلت صبحت ؏ الكل و رحت للسياره صعدت و اتوجهت لبيت عشقي...