بقـَلم 𓆪 نـور العـلي 𓆩
روايـة : في قبضة الأجرام 𓍯
" يوُن گـَلبي
ومعـاني وإنـت بيّهـا .
_ ويتيمَة سنيِن عمَـري
وإنـت بيّهـا .
عُيـوني أسالهـا عنَك ...
وإنـت بيّهـا .
كـَل نظره َ....
يتجدد عمـري ليـهِ!
"""""""""""""""""""
مـلاّذ ﮼⊱
الدم مطشر بكل مكان الدرج أنترس مخليه راسها بحضني وأبجي .
_ يماا يايمه يابعد روحي لاتكسرين ضهري عليج .
ركض عمي سحبها من أيدي وصاح .
_ جيبيلها عبايه .
رجلي أنشلت ماكدر اكوم كوه احاول وهوه واكف فوك راسي باوعتله وعيوني مغورگه .
_ ما أكدر رجلي رجلي الله عليك اخذها راح تموت .
صاح بمرته تجيبله راحت ركض جابتله لفلفوها وطلع يركض طلعت وراه وأني اعرج ساعدتني مرته .
- الطريق كله واني مخليتها بحضني وابجي سبحت بدمها شكد مانزف راسها .
وصلنة وركض أجو ساعدونه من شافوها بأيد عمي وهوه يصيح عليهم أخذوها وكعت بالكاع يابعد أختج هيج سوو بيج هيج دمروج شفتي من حياتج يابعد روحي اروحلج فدوه كومي والله مابيه حيل والله تعب كلبي .
- كعدت كدام الباب الي اخذوها منه واني أدعيلها تكوم وتصير زينه . أنداريت العمي الي واكف بأرتباك وبصفه زوجته أجه تقرب كعد بصفي وحجه .
_ أذا احد سألج شبيها شلون صار وياها هيج كولي طلعت تشر ملابس ووكعت من الدرج .
_ اذا صار بيها شي أقسم الك بالله اخليك تخيس بالسجن أنت والي وراك روح ادعيلها تكوم وتصير زينه .
خزرني ووخر مني لو بالبيت جان خنكي والله أنداريت للباب ودموعي عشره عشره على عيوني .
- تقريبا أربع ساعات يلا طلع الدكتور ركضت ركض علي أبجي واحجي .
_ دكتور شلونها أختي شلونها زينه الله عليك احجي .
- زينة كدرنه نوقف النزيف الي صار عندها متعرضه لضربة قويه ممـا أده لتهشم الجمجمة وصار عندها نزيف حاد بالصعوبة كدرنة نوقفة بس .
جنت أستمع اله بتركيز واني اهزله براسي بس من كال بس كلبي دك بقوه لا ياربي لا بس لايكولها .
_ اي احجي دكتور بس شنو شبيها . حجه عمي بدالي باوعله الدكتور بأسف شديد .
- مريضتنة ممكن دخلت غيبوبة مو محدده المده الزمنية الي تكعد بيها الله يشافيها .
أنت تقرأ
فـي قبضة الأجرام
Romance#رواية _ حقيقية ها أنا الآن ينتابني الندم الهائل بأني أسرفت، بالغت، تماديت كثيرًا في رفع أشياءٍ لا تستحق الصعود، وفي الإنتباه لأيام لا تستحق سوى النسيان.وحدي، دائمًا كنت وحدي في مواجهة الخوف والألم والإرتباك والحزن والصدمة والخيبة والإنكسار، في كل...
