عندما شاهدت

الـحـلـقـة الــ( 6 )

﷽

اللهم صلى ؏ محمد وال محمد 🤍🕊️

   
             ‏𓆪الكاتبة إيلان آل محمد𓆩

عندما شاهدت

_ ليش ماكو تفاعل بس مشاهدات ؟؟

..........................................

" زكريا "

من سمعت خبر وفاة جلال جذبت كلت مستحيل يموت هذا الانسان الطيب الخلوق

ركبت دراجتي طلعت من البيت ؏ سريع
خابرت ؏ قتيبة وكلتله طلعلي براس الشارع بسرعه صعد ورحنا للمكان الي انطاه الي رائد
قتيبة هوا ؏ دراجه اسمع بجيه جان يحب جلال ويعزه

وصلنا للمكان ما اسولف ؏ رائد وشصاير بي يصيح ما يدري بنفسه حتى الضباط خافو من صياحه وعصبية حاضن جلال وما يقبل ياخذونه من عنده

مثل الطفل اذا شاف لعبه وما يقبل ينطيها رائد كذالك
سحبناه اني وقتيبة من جلال الدم تارس جسمه والكاع

جان شكله كله نور وجمال حتى عطره من تقربت اوخر رائد جان عطره يخبل مو يكول اكو دم

المهم وصلنا للمستشفى وانكلبت الدنيا كلاب رائد ما خله دكتور دكتوره اذا ما غلط عليهم يصيح ما يدري بنفسه ما تقربنا عليه لن نعرفه اذا صار عصبي يفقد

ضلينا لل 5 الصبح جلال بالثلاجات واحنا كاعدين يمتى يسلموا النا

صارت الساعه بلـ7 يلا كدرنا نطلعه ورائد انضرب بي المثل من طلع جلال

كلب آلامه العربيه بلـ صياح والبجي جلال الوحيد لاهله وعنده ثنين اخوات بس عمامه هواي ولد عمامه كلهم موجودين

جابو تابوت محد يتقرب عليه فقط رائد شاله وحطاه بالتابوت صعدت بالسيارة يم رائد ويانا واحد من ولد عمه طلعنا من المستشفى

رائد :: ولككككككككك خوووووووويههه وسفاا تنام هيج نومهه

تقرب ؏ تابوت حجه بهدوء ::- انه اخوك اكعد اكعد

جر حصره وكام يلطم ؏ صدره

رائد :: كلهه من ورااي كله من وراي شجابكك عليهه اااخخخ

نام ؏ تابوت ::- بيه ولا بيك بيه ولا بيككك

اني لازم وصله وابجي وصلنا لبيتهم

نزلنا اني ورائد وعثمان وحسين
دخلنا لاستقبال صاح واحد من الزلم

::- اجههه العريس اجهه

كامن يعيطن النسوان واحنا نصيح
::- لا آله الا الله

حطينا بنص الاستقبال ورائد كعد يمه واجتي امه واخواته

ام جلال :: وخروو وخروو خنكتوو ابني وخرو ... يمهه رائد شيله شيله اختنك ابني

تقصد ؏ تابوت وخره رائد وصار العياط رائد حاط جماغ ومتربع ويبجي