Unsent

Tano?

Kadakol an tawo sa kinaban,
Kadakol na tawo an sakuyang namidbidan.
ika sana an sakuyang namotan
Tano ta ika an laman kan sakuyang daghan?

Kan nuarin man sana kita nagkabistuhan
Alagad saimo namamati ko an kapahingaluan
Sa mga aldaw na dae ko na aram.
Tano ta aram mo kun pano ako makalma?

Makalma sa mga aldaw na mapagal
Huli kan satuyang mga pangiturugan,
Huli kan mga bagay na satuya nakaatang
Tano ta ika an sakuyang kaogmahan?

Kaogmahan na dae ko namati kiisay pa man
Kaogmahan na pagmati ko hali sa Kagurangnan
Kaogmahan na saimo ko sana namatean
Tano ta ika? Ika an sakuyang namotan