دحوم رجع القصر وبقى طلال عندها كان يهتم فيها بعد مده جت مزون طقت الباب ودخلت ضمنت لجين
مزون: سلامتك ياقلبي انا لجين: الله يسلمك ليش تاخرتي؟ مزون: رحت القصر اجيب لك ملابس واخذت اغراض لك مكياج وسكن كير واشياء تحتاجينها.... لجين: شكرا يا احلى سوسو مزون: يليل رجعنا للرياكشنات طلال: اءء بروح واجيكم... لجين: وين؟ طلال: برد على المكالمه واجي... لجين: اها تمام
راح طلال ومزون ساعدت لجين تعدل جلستها طلعت راسها من الباب وشافت طلال يكلم شافها واشر لها بمعنى وش فيه؟ اشرت له يجي
طلال: شفيكم؟ مزون: لجين بتبدل ملابسها لاحد يجي اذا خلصت بقول لك طلال: تمام
بدلت ملابسها وسوت سكن كير سريع
نادو طلال بانه يقدر يجي اشر لهم بـ👍🏻 جلسو يسولفون ويغيرون جوو جاء طلال وقعد يسمع سوالفهم مزون: ايي صح نسيت اقولك لجين: وش؟ مزون: وانا اخذ اغراضك شفت احد وكان وضعه ينشفق عليه لجين: مين؟؟ وفي القصر؟؟ مزون: يب صراحه ماتوقعت بلقاه هنا او بهذي الهيئه لجين: خلاص بلا الغاز مين؟ مزون: اءءء.... اخوك احمد لجين: احمد؟؟ وش كان فيه مزون: حالته مبعثره وكانه يدور احد ومدري شفيه صراحه توقعت انه عندك... لجين: خلاص قفلي الموضوع مزون: متهاوشه معه؟.... مو من عادته يهاوشك واذا هاوشك مايعرف انك ماتتحملين ويغمى عليك للحين ما يقدر يتحكم بنفسه لجين: خلاص قفلي الموضوع انسي مزون: مدري والله بس الله يعني على العموم انا لازم امشي امي عندها ضيوف بكره تامرين بشيء؟ لجين: سلامتك راحت مزون ولجين رجعت لهواجيسها.... لجين: طلال... طلال: هلا لجين: عادي تساعدني انسدح ابي انام طلال: ابشري ساعدها ونامت........
8:30صباحاً
صحت من النوم شافت طلال نايم على الكرسي وراسه على السرير قامت عدلت نفسها بصعوبه حاولت تقومه عشان يساعدها تدخل دوره المياه لجين: طلال طلال يلا قوم ولد طلال طلال: هلا فيك شيء شيء يعورك لجين: هد شفيك مافيني شيء بس ابيك تساعدني ونام على سريرك.. طلال: طيب.... راحت دوره المياه و اخذت شاور ولبست وسوت شعرها وحطت ميكب خفيف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
