CHAPTER - 3
THE SUNSHINE AND THE PROTECTOR
Haruto chu pangai taka din that tirin a melh deuh run lehnghal Haruto pawhin ngaihdam chu a dil leh mawlh mawlh inthlahrung hmel tak chu puin manager hnenah " Anih ka kal awww" tiin a chhuak zui nghal.
A haw kawngah chuan bazar kawiin chawhmeh thlaihring eng eng emaw a khai haw nual mai.
( HARUTO POV)
Ka taksa thatna tur ka duh chuan chaw mumal taka ka ei a ngai tih hrereng chung chuan chawhmeh bazar lamah ka lut a .
Ka mamawh ka in lei zawh chuan inlam ka pan leh thuai ka haw hun chu a fuh vak lo ni tur ani kawng lakah traffic ah ka tang zui a .
Rei fe chu ka tang a ni asa in boruak a uap deuh churh bawk nen ka helmet ka han phelh tak hnu chuan thlifim rawn thaw chu dawngin ka bek thlan huh vel chu a vawt dai sawng sawng thei hial .
Darkar hnih dawn kan awm vangin a tlai deuh duai tawh in ka thleng chuan ka chau hnawk thei .
Midang mitmei tur an awm chuang lo bawk a tiin zanriah tur siam hmaain bathroom lamah shower ka nei tawi khawmuang leh phawt a .
Bal ngeitheilo leh thlan huh hlek awm a inti fai zel mi ka nia , min mil lo deuh te lakah chuan ka buaithlak ve viau maitheiin ka ring .
Ka thil siam mawlh mawlh lai chuan Hanato call ka dawng a .
Ka chhan rualin aw zangkhai vah mai hian " Ege itih aaa ? " a rawn ti a .
Eirawng ka bawl thua chhangin ege ka an zel min lo zawt leh a .
Ka taksa a chauh thu leh tha ka neih loh viau thu ka sawi a .
Damdawi ei tha tur leh chaw ei tha tur chuan min ti a .
Hanato hi ka tawng lo ang tih ka hlau tak zet tunah hrih zawng ka in bunruahna leh ka mamawh chu amah chauh nimai hian ka hretawh , ni reilo te chhung chauh kan la inkawm tih ka hria mahse ka ring ngam a , in nghahna tlak niin ka hrebawk tunah chuan ka chhungkua ang mai ah ka ngai nghet tlat tawh .
Zanah chuan Hanato rin loh leh beisei loh deuh hian alo leng lut hlawl a .
Hanato - Mak iva tih hmel min lo beisei lo hle nimaw " tiin a kiai suk a , inchhungah lutin sofa lamah a phei tlang nghal zat .
Haruto - I rawn len peih pawh ka ring hleinem " tiin Hanato chu a zui phei ve mai bawk a .
Hanato - Chuan i taksa chu
Haruto - A chau ngawih ngawih .
Hanato - I thil ei fimkhur la , chaw tha deuhin ei tawh ang che " tiin Haruto hnarah a tawk zeuh a .
Haruto - Ummmm anih ege Nurse nih chu a an a nuam em ?
Hanato - Nuam lutuk ringawt . Anih Bartender nih chu a nuam em ? " nui suk chungin ati let ve .
Haruto - Immmm nuam ka ti ka in pakhat angah ka ngaih chang a tam tawh mai sawtah chuan ka khua a har loh mai bakah mitin te sawn min be tha vek a , an nelawm vel vek bawk nen .
Hanato - I nelawm hmasak vang anih chu i tawngkam leh i hmel awm dan midang te tan hmuh a nuam in lo dawnsawn a nuam a ka ngaina nghal em em che " Hanato thusawi vang chuan Haruto biangsum lang kalh chung hian a nui a Hanato pawhin nuimawi ati viau a , a thianpa anihna angin hmeltha ati ru viau bawk .
