بس ضل تفكيري يمهه وبالحقيقه حلوه وشعره الي جنه حرير بس من ناحيه انو شنو بنت وهيج مسويه بنفسه شنو هل سخافه وعوجت حلكي . الف سؤال ابالي ما اعرف ليش حطيتهه ابالي وضليت افكر بيهه
-ملاك ..كملنه اني واحمد واخذنه الكراميه واني كلش فرحت الكراميه جانت قويه اكدر اجيب علاج ابويه و اوفر احتياجات اخواتي خطيه صار هواي مطالعات السوك ومشتريات
..احمد ..يله عماد خلي نطلع سوه
-ملاك ..ارتبكت اخاف يندل بيتنه ويكوم يجينه للبيت يسئل عليه وانكشف ف اتحججت انو حروح عندي شغله ويه صديقي هههه عساس عندي صديق
احمد ...اوك براحتك عمودي تصبح ع خير
ملاك ..اني ومدنكه وانت من اهلوو...رجعت للبيت وسلمت ع بابه وخواتي وضحكنه واتعشينه وبابه سئلني
بابا ...بابه ملاك اشون شغلج
ملاك ..بابه حلوو خوش شغل ومرتاحه بي ...
مر اسبوع واني كل يوم اشوف هذه الرجال االانيق الي اسمه مروان كام يوميه يجي للمطعم ويضل ايباوع عليه اني كمت اخاف هذه شبي
-مروان ..ضليت اتردد ع المطعم اريد افتهم القصه بس هيه كلش شرسه ومتحجي هواي سئلته من جابتلي الاكل انت اشوكت اشتغلت هنا
ملاك . بس حضرتك جاي المطعم تاكل مو جاي القسم الشرطه اتحقق كلته بتعجرف وتكبر علمود لا يحس بضغفي
مروان .عقجت حاجبي من ردت فعلهه لان جانت متكبره اني بنت تحجي هيح وياي ضليت احرك بنفسي لان اني محد يكدر هيج يحجي وياي وحقدت عليهه وردت اأدبهه واندمهه ع تعجرفهه ثاني يوم هم رحت للمطعم بححة اتغده واجت جابت الاكل كتله اوكفي دقيقه يا بنت هيه انصدمت ضلت صافنه
ملاك ..من كلي اوكفي يا بنت ضليت بحالة ذهول انصدمت منين عرف راسن عقجت حاجبي وسويت روحي ما اعرف شي كتله بس رجاء اني ولد مو بنت
تكدر ادكولي عماد
مروان ..شوفي متكدرين تضحكين عليه اني مروان ورافع حاجبي واحجي
اعرف انتي بنت بس حتى لو بنت بعد ما انخلق اليحجي هيج بتكبر وياي فتهمتي
ملاك ...اترجاك اسكت لا يسمعك ابو المطعم لو واحد من العمال شتريد اسويلك اذا تريد اعتذرلك اعتذرلك بس لادكول لحد اني اباوعله ودمعتي بعيني
مروان..لاعبالج اتهزني هاي دمعتج قبل شوي جنتي متعجرفه وانتي اضحكين ع الناس بحجت ولد انتي احجي واباوعلهه وجهه صار اصفر
ملاك ..الله ايوفقك نصي صوتك والله انطرد من شغلي
مروان ..رافع حاجبي واباوع عليهه
ملاك ..الله ايوفقك اسكت ولا دكول ال ابو المطعم زين بس اخلص شغلي واحجيلك بس مو هنا اترجاك واني عيون صارن دم لان ما اكدر ابجي اخاف احد ايشوفني
مروان ..فكرت بيني وبين نفسي هاي الي رافعه خشمه وتحجي ويه مروان هيج اني اعلمج كتله واني مباوعت ابوجهه ماشي يله روحي
ملاك ..ماشي بس اشون احجي وياك وافهمك
مروان ..وره متخلصين اشوفك بالكراج الي وره المطعم احجي وما ابوع عليهه
ملاك ..ماشي ...خلصت شغلي وجنت ميته خوف بعد ما رحت للحمامات وشبعت بجي يارب ماعندي غير هل شغل انعيش اني واهلي هذه امنين طلعلي ياربي ياربي ليش هيج والله ما اتحمل بس فكرة انوي اني مو ضعيفه واذا بنت معناته لازم اكون ضعيفه لا اني صح بنت بس قويه وميهزني كلام هيج شخص متكبر ولا حخاف منه اني امرأه بس قويه ميهمني الي حيحجي .خلصت شغلي ورحت الكراج السيارت الي وره المطعم جانت اساعه ٨ونص شوي واجه المتكبر
مروان ..هاا اشو جنج مخايفه مني واجيتي
ملاك ...اني ما اخاف بس من ربي وممسويه شي اخاف منه
مروان...شنو هل جرئه والوقاحه
ملاك ..هاي مو وقاحه بس دا ارد عليك صح بنت بس مخايفه منك احجي وحاولت اشكد ما اكدر ما ابين الخوف الي بداخلي ..هسه كولي شنو المطلوب مني علمود مدكول اب ابو المطعم
مروان ...اول شي انت ليش هيج مسويه بنفسج شنو تحبين اصيرين رجال يعني مسترجله انتي
ملاك..هذه شي ايخصني مدخلك بي ما ردت اكوله علمود لا يشفق عليه اكره شفقة احد
مروان ...شوفي احترمي نفسج ولسه ما نخلق الي يحجي وياي هيج
ملاك ...والمطلوب شنو
مروان ..تجين وياي للبيت
ملاك .. هههههههه ضحكت وبصوت عالي صح الخوف حياكلني بداخلي بس مابينت ورفعت اصبعي ابوجهه ورافعه حاجبي شوف صح بنت ومتنكره بزي ولد واشتغل والضروف الي جبرتني بس ع جثتي ما ابيع شرفي وتقربت علي وكتله بصوت ناصي الي رباني مقصر بتربيتي علمود اخونه روح اسئل الرباك معنى الوفاء وروح خلي ايعلمك الرجوله .. والي تريده سوي ماشي ميهمني ودرت وجهي وطلعت من الكراج
يتبع
