البـارت 3
مساء الخير
**********************************
غشمه ومشكلتنه اكلوبنه انضاف
وغشيمه تصير الكلوب النظيفة
ما نحمل حقد وكلوبنه البيض
تضل بيضه مثل ثوب الشريفه
ولا عدنه لواكه ونمسح اجتاف
ماي وجوهنه تشرف الخليفه
عشنه اثكال رغم جيبونه اخفاف
وجيوب اثكال بس عاشت خفيفه
ومن جيب الوطن ما بكنه شدادت
وسمعنه العاهر تكل للعفيفه
ممكن عاهر يسويج دينار
بس مليار ميرجعج شريفه
وضوكنه الوكت بالدنيه اشكال
وايشي من نضوكه نعرف زيفه
من ضكنه القصر ضكنه التفاهات
والمكابر والاحلام الكسيفه
واجينه على الصرايف والمساكين
ضكنه الله لمن ضكنه الصريفه
ما عشنه دقيقه لغيرنه ذيول
وعلاقتنه بالمراوس ضعيفه
واحنه اهل الكلوب المالنه كلوب
علي يحبنه وتفسقنه السقيفه
رغم كلهن بقيت بيضه الصحيفه
اذا شفنه ورد منكطعه ويموت
واذا شفنه جرح نكطع نزيفه
*************************************
ريان: سكتنه بعد ما سميره فشلتنه هل چلبه ،رفعت راسي واشوف لافته مكتوب بيها ونصـدمت!!!!
(الأنبار ترحـب بكم)
ريان:بتسائل ،اكلج يمه همه خوالي بـ الأنبار مو جـانو بغداد بـ منطقة الـ ***
ميسون:لا يمه بيت اهلي بـ الأنبار من اني اجيت للدنيا همه بـ الأنبار بس صارت وياهم طلابه واطرو ينتقلون لـ بغداد فـ صارلهم كم سنه رجعو للأنبار
ريان:بـ شك امم مو استغربت جانو بغداد وهسه للأنبار
ميسون: سالفه طويله حبيبتي لا دوخين راسج بيها
ريان: تمام امي
رؤيا :احنه شوكت نرجع يمه منا وهيج تخلص عطله نصف السنه
سمر:كولي يالله ليوم عطلنه شبيج شتخلص
رؤيا:انتي اسكتي الايام تركض ركض غمض فتح يبدي الدوام
ميسون:الله كريم يمه نوصل بسلامه وبعدها نفكر
رسلان:اكلج عميمه هنه البنات وين واصلات بدراسه
ميسون:ريان مرحله ثانيه قانون ورؤيا سادس اعدادي ورؤى وسمر رابع اعدادي(سمر ورؤى تؤم )
رسلان:ربي يحفظهن الج،هند اختي بسادس عدادي
رؤيا:ببتسامه، يعني اني واختك بنفس المرحله،
رسلان:اي هنوده سادس
رؤيا:ههه كون تطلع نفس جوي تحب الدراسه ونكعد اني وياها سوه ونقره
رسلان:ببتسامه أطمني نفس جوج وتحب تدرس
ريان:اسمع سوالفهم وساكته مالي خلك كلش وضايجه ع بيتنه وصديقتي نرجس ،ماعرف شوكت راح نرجع ،وراح نتعود عليهم راسي انسطر من كد مافكر ،قطع سلسله تفكيره وهوه يكول وصلنه ،دخلنه بـ مزرعه كلش چبيره وبيوت عاليه ومنطقه هادئة،وكفت سياره يم بيت كلش جبير وتصميمه حلو مرتب
YOU ARE READING
عكس عقارب الساعه
Novela Juvenilفي وسط المدينه هناك فتاة تورث جمال أمها لكنها لا تعرف ما الذي يحدث في هذه الفتاة التي كانت تعاني في طفولتها بسبب هذا الأمر * * * * * الكـاتبه ريحان الـ مصطفى
