- كانَ يومًا مُملاً
- لا احداثَ فيهِ
- في قَلبي فراغً غريبًا
- احتاجُ إلى من يُملِءُ قَلبي
- أُمي بِجانِبي تدعَمُني
--------------------------------------------------
سَمر: تدرين يُوم بعد حيل مابيه السادس شيب راسي والمُدرسات ما يقصرن ماشاء الله عليهن يموتنه تموت بالتحاضير حرفياً ننهلك ، والعباس يُوم طيحن حظي ، وتدرين شنو؟ المُديرة تريدني اتحجب ، هو صحيح حلوة الفكرة وهل سوالف وانا مفكرة بيها بس احس الحجاب بعيد عني كُل البُعد ، بس خل اعقل واكبر واصير چبيرة ورزنه وتدلل المُديرة
اسماء: ترا كلام المُديرة صحيح ومنطقي ، وانا اكثر من مرة گلت الچ وحاچيتچ بهل موضوع بس انتِ راسچ حجارة ماتقتنعين ، وبعدين ماناقصچ شي كاملة مُتكاملة هو صحيح " الكمال لله "
بس أنتِ خُلُق واخلاق ورزانه وثقة وقوة ، بعد شتردين من الله متگليلي!؟ ، حمدي الله وشكري وفكري بفكرة الحچاب
سَمر: أن شاء الله من عيوني يُوم
اسماء: يلا گُومي بدلي بسرعة لا يچي ابوچ ويلگاج ما مبدله ويشعل وينعل وأنتِ تعرفين ابوچ يكره يشوفچ بملابس المدرسة وما مبدله فَ يلا توكلي
سَمر: رايحة رگض أبدل واجب ، بس شنو غدانه؟
اسماء: عفية بنيتي هيج اريدج، فاصوليا
سَمر: اهوو ، حشة نعمة الله ماقصد شي بس تعرفين ما حبها ليش تسوينها؟!
اسماء: وتعرفين ابوچ وعلي يحبونها لذا اسويها!
----------------------------------------------
- مرت الأيام مثل كل يوم بالضبط اروح للمدرسة يطيح حظي والمواد رب الصعوبة وارجع اخرط لأُمي كلشي صار وياي من الالف للياء واسولف الها عن كره البنات الي بسبب مستواي على الرُغُب كل بنات المدرسة شاطرات بس كرههُم إلي عجيب وغريب ، واروح أبدل وادرس ويطيح حظي بالدراسة وعلى هل روتين كل يوم نفس الاسطوانه:
سَمر: أُمي وين ابوي؟
اسماء: وعليكُم السلام ورحمة الله وبركاته ، تعلمي تسلمين!
سَمر: اسفة يُوم ، هسه وين ابوي؟
اسماء: شسوين بأبوچ شنو هيچ فجأة سألتي عليه؟!
سَمر: شوفي يُوم ، توا واحد صاروخ نار نار سألني گلي وين عمي حسين؟ وگلت اله علمي علمك
اسماء: عمي؟ منو هذا؟ ، صيري ثگيلة وثول ثولچ
سَمر: شعلي يُوم! هو حلو حنطاوي ومبين مُغناطيس نساء عيونه اوف يايُما اوف
اسماء: دشوف الصلافة ، شنو نسيتي انا واگفة؟ ، صايرة ما تنجرعين! گلت صيري ثگيلة ، ويلا روحي بدلي وعوفي الاكل ، كل يوم اعيد نفس الشريط ، بسرعة يلا
سَمر: اهو يُوم خليني اتهنى شني السالفة
اسماء: ولچ أُم بطن لاحگة على الاگل المگموعة ، اريدچ هسه مثل الشطورة ترحين طيارة تبدلين وتچين
سَمر: هذا الخصر كله مو بعينج! ، المُهم يُوم وين سديم؟
اسماء: چاي تدرس
سَمر: شنو السالفة هو خامس شنو يرادلة؟
اسماء: افضل منج
سَمر: الله يسامحچ يُوم ، والله يا سَمر على حظچ أنتِ فد مضلومة ، لعد منو يجيب كله مياية؟ خل اروح أبدل احسن وافضل
- رحت سبحت بدلت ومشطت شعري ورشيت عطر ، شوي ونزلت رحت لسديم لان حيل اشتاقلها ونادرًا اشوفها ، لان هي أربعة وعشرين ساعة تدرس وانا هم ، بس انا ادرس أقل منها واجيب درجات عالية وهي تدرس أكثر مني وهم تجيب درجات عالية بس تبذل مجهود اكثر مني وثنينه نفس النتيجة ، رحت الها للغُرفة فتحت الباب على وسعه وتخوصرت وگلت :
سَمر: خطية ههههه ، يلا يلا باجر لو عُگبه انا اشتغل وأنتِ بعدچ تدرسين ، اللهُمَ لا شماته
سديم: شگد ادبسزز!
سَمر: ها سدومه شني لزمي لسانج؟ شني نزعتي الاحترام! ، وبعدين علي اجه؟
- رفعت كتافاتها بمعنى " مادري "
سَمر: لعد امشي نساعد أُمي
سديم: تدلل حروف ، كم حروف عندي؟
سَمر : 28 حرُف هههههههههههههههههههههههه
- رحنه يم أُمي وكل وحدة تسولف عن مواقف مُضحكة ومعلومات عن بنات المدرسة وانا اسولفها عن زُملائي ، والمُدرسات ، واسولف لأُمي عن صعوبة السادس وهي تهون عليَ وتگلي بس هل نُصُف وتخلصين واعرفچ أنتِ كفوا وراح تجيبين مُعدل عالي ، هذا گلامها يرچعلي الشغف ويزيد فوگ قوتي قوة ويخليني استمر وماتعب ، شوي واذن :
اسماء: يلا بنياتي گُومن صلن لا تتأخرن على الصلاة مو زين
- طفرت انا اريد اروح اصلي واستوقفني كلام سديم:
سديم: اهووو مابيه حيل اصلي ، هسه اله يأذن هسه؟
------------------------------------------------
- بارت قصير بس أن شاء الله اعوضكُم
- يهمني رأيكُم
- 600 كلمة
- انطوني رأيكُم
- نَلتقي في مُلتقة قادم🥹
أنت تقرأ
سَمرة هُمام
General Fictionفِي حياةٍ مليئةً بالتعبِ والإنشغالِ يأتيِ شخصًا يأخُذُ الإنشغالِ جميِعهُ تتَغيرُ حياتِي جميِعُها رأسًا على عقِب سوفَ يذهب كُلَ التعبِ والانشِغالاتِ وسوُفَ تصبَح خاليةً من التعبِ سَوفَ تصَبحَ حياتِي مُلكهُ فقط... انا أمرآةٌ صلُبه كَ الحديد صَعبه كَ ا...
