- أنا أحَبك حيِل بَس انتَ مو دارِي عني
- أتأمَلك كل يُوم وأغني
- أسهر توالي اللِيل وأفكَر
- هَم يجي يُوُم وَتَغني؟
-----------------------------------------------------
سَمر:
- مرت الأيام مثل كل يوم ماكو شي جديد ، ومر الأسبوع عادي إلى أن صار يوم الاربعاء الي هوَ قبل العزيمة بيوم :
سَمر: يُوم راح ترحون للعزيمة؟
اسماء: اي يُوم ، مو حلوة نردهُم وهُمَ جايين جديد ويردون شوفتنه
سَمر: لعد يلا ابوي خل يورق
اسماء: سَمر هسه لو اجيب المحلات كلها بصفچ تروحين وترجعين على الأسود والهوديات عبالك ماعندچ ملابس
سَمر: يُوم عذريني انا ماحب غير الأسود
- سكانه ثنينه وانا ماگدرت اتحمل وقطعت السكوت بسؤال غبي :
سَمر: يُوم ، هناء وريام راح يجن؟
اسماء: اكيد ، قابل العزيمة بس النه؟
سَمر: لا مو بس النه ، بس مالي خلگها چنها بريعصي
اسماء: سَمر وين لاگيه هاي الكلاوات؟
سَمر: هسه شنو گلت قابل مجذبة؟ المُهم يوم عرس ريام يمته؟
اسماء: والله ماعرُف ، بس قبل فترة گالت سارة انُ ياسين وريان گالوا قريباً وللأن مانطوا الموعد
سَمر: گولي گالت بعد كم يوم يجون يگولون يلا بعد اسبوع العرس
اسماء: لعد هسه من اشتريلچ ملابس راح اشتريلچ فُستان حلو ومرتب ومستور غير عن كل مرة
سَمر: يُوم لا تگليلي مستور ، حلو ومرتب بيها مجال بس من تگولين مستور تحسسيني البس لبس مدري شلونه وحرام ينلبس
وبعدين ترا گلنه نسوان منو يدخل ، هوَ صحيح العريس راح يدخل بس ماراح البس لبس مدري شلونه ، تعرفين ذوقي يُوم
اسماء: لچ رعنه اكلتيني وشربتيني شنو هل استهتار
سَمر: لايُوم ماقصد شي بس انا شرحت الچ
اسماء: لاتنعاد
سَمر: تنعاد ابو الصبع؟
اسماء: يمته تبطلين رعونة؟
سَمر: يوم القيامة؟
اسماء: امشي لا اگطع النعال على راسچ
سَمر: يُوم شدعوه شنو هل عصبية؟
اسماء: ولچ ياا!!
- رحت ارگض لان صدگ شالت الشبشب مالتها ورادت تضرُبني ، رحت يم سديم بس هيَ تتحمل خبالاتي:
سَمر: حُب حُب وينك؟
سديم: هاي انوب شني؟
أنت تقرأ
سَمرة هُمام
General Fictionفِي حياةٍ مليئةً بالتعبِ والإنشغالِ يأتيِ شخصًا يأخُذُ الإنشغالِ جميِعهُ تتَغيرُ حياتِي جميِعُها رأسًا على عقِب سوفَ يذهب كُلَ التعبِ والانشِغالاتِ وسوُفَ تصبَح خاليةً من التعبِ سَوفَ تصَبحَ حياتِي مُلكهُ فقط... انا أمرآةٌ صلُبه كَ الحديد صَعبه كَ ا...
