powr

part12

اهلا من جديد
_________________________________________
وجلسوا اشوي وبعدين فاطمه نامت وناموا معها وجلسوا الصباح راكان وامه وجلسوا ريان
راكان: احنا بنروح انتبه لها
ريان: تمام
ومشوا راكان وامه وراحوا بيت عمته حصه وطقوا الباب وفتحت عمتهم وراكان الشرار يطلع من راسه
حصه: حي الله من جانا بس ليش ماعطيتونا خبر
راكان: ياعمه بسرعه ابغى ادخل
حصه: تفضلوا
ودخلوا وراكان معصب حده وراح الصاله بسرعه وشاف لنفال في الكنب جالسه تتابع ويمسكها من شعرها وبدت تصرخ وتجمعوا كل من في البيت
راكان بعصبيه الارض: ياحقيره ليه تسوين كذا
انفال ببكاء: والله ماسويت شيء
راكان صار يشد شعرها بقوه
راكان: وتكذبين بعد وتحلفين
زينه: ياوليدي استهدي بالله ماراح يصير خاطرك الا طيب
حصه: ليه تسوي فيها كذا شنو مسويه
راكان: انا اعلمكم شنو مسويه وطلع جوال و وراهم المحادثات
راكان: كانت تتهم زوجتي انها تكلم عيال وتخليني اشك في زوجتي وترسل صور مفبركه مع عيال وتخليني امد يدي على زوجتي وتبيني اطلقها عشان اتزوجها
حصه انصدمت من الكلام وراحت عطت انفال كف قوي لدرجه طاحت على الرض وراكان قومها وسحبها من شعرها
راكان بعصبيه: اخره مره زوجتي كانت في المول وترسل واحد يتحرش فيها وترسل لي الصوره وانا على بالي انها تخوني ورحت وصرخت عليها قدام الناس وخليترني ازعلها من زعلها عدت من الشارع وسوت حادث
الكل هنا انصدم وناضروا انفال بقرف
وكمل: وكان الجنين بيموت بس لولا لطف وستر الله علينا وانقذناه بس اللحين اوريك شغلك وتركها ومشوا
نروح لفاطمه
فاطمه صحت وشافت ريان يلعب بايبادها
فطوم: حبيبي وين راكان
ريان: راح لانفال
وفاطمه تنهدت وعدلت جلستها
فطوم: ريان ممكن جوالك
ريان: ليه وين جوالك
فطوم: عند راكان
عطاها الجوال ودقت على خالتها
فطوم: هلا خالتي
ليلى: اهلين فطوم اخبارك ليه صوتك تعبان
فطوم: الحمدلله والله ياخالتي معرف كيف اقولك
ليلى: تكلمي حبيبتي علميني
فطوم: انا كنت حامل
ليلى: مبروك يابنيتي
فطوم: بس امس جاني نزيف حاد ومات الجنين وسوو عمليه وابغاك تجيني
ليلى بصدمه: نزيف ليه يابنتي شنو صار لك
فطوم: طحت من الدرج
ليلى: الحمدلله على سلامتك واحنى بنجيك ان شاء الله
فطوم: ان شاء الله
وسكروا وصارت تسولف وتلعب مع ريان
وراكان بلغ الشرطه و عطاهم الادله
*بعد يومين*
رجعت فاطمه الفله مع راكان الكل رحب فيها بس سالوها
العيال: ليه غايبه يومين عنا
فطوم تنهدت: لاني كنت بالمستشفى
العيال: شفيك لايكون صار لك حادث
فطوم: لا بس
دحوم: بس شنو
فطوم: اني كنت في المستشفى عشان اني سقطت ومات الجنين
العيال بصدمه: مات بس ليش
فطوم: لاني طحت من الدرج
العيال: سلامتك
فطوم: الله يسلمكم
*بعد 4 اشهر*
انفال انحكم عليها بالسجن 15 سنه وغرامه 5 مليون
وفي يوم فاطمه جلست كل عاده بس حاسه بالم في بطنها ودها تستفرغ
راكان: شفيك فطوم
فطوم: مادري بس بطني توجعني
راكان: اكلتي مسكن
فطوم: اي بس يمكن تلخبط هرمونات
ونزلت الصاله وكان موجود صهيب
صهيب:شو مالك وجهك اصفر
فطوم: مادري بس بطني تعورتي
وبعدين صار الليل وفاطمه ماقدرت تستحمل الالم
فطوم: راكان ودني المستشفى
راكان: ليه
فطوم: بطني تعورني
راكان: يلا
وراحوا وفحصوا
الدكتوره: مبروك مدام انتي حامل
فطوم فرحت: صج
الدكتوره:اي
راكان: اي شهر
الدكتوره: الرابع
فطوم: بنت ولا ولد
الدكتوره: بنت
فاطمه فرحت وحضنت راكان اللي بكى من الفرح
فطوم: حبيبي لاتبكي
راكان: مو قادر
فاطمه ضحكت وهدته ومشوا
_________________________________________
اسفه البارت قصير ويمكن في رمضان ماانزل كثير لاني ارجع متاخر من المدرسه ورمضان كريم وكل سنه وانتوا طيبين🤍🤏🏻 ولا تنسون تعلقون لانكم تحفزوني ولا ننسى ✨️ النجمه ✨️ 547 كلمه