🙂 لحظة بس انت خايف ليه . ما عنك كنت رايح الجامع يعني
☹️ مهو اصل انا مبصليش اصلا . هيقولوا بقي نازل عشان رمضان و كلام كده مش حلو
🙂 اااااااه طب بص يا سيدي
انت ملكش دعوة بحد . و محدش ليه رأي فيك ده اولا .
ثانيا بقي و ده الاهم😌
انت رايح تصلي لنفسك و ل ربنا مش لحد . سيبهم يقولوا اللي يقولوه . كلنا بنغلط و مليانين ذنوب لما قولنا يبس . شهر مبارك اهو في ناس بتستناه من السنة للسنة عشان تحاول تكفر عن ذنوبها و تلتزم و تقرب اكتر و اكتر من ربنا
😁 يعني هي العبادة في رمضان بس!!!
😊 لا يا صديقي . بس في بقي اللي بيحب الشهر ده . مش عشان بيبقي فيه شياطين . مش عارف . المهم إن انت ملكش دعوة بحد و ملكش دعوة بالناس . و متدخلش في حياة الناس . أنت ملكش حق تقوله كده اصلا . طب تعرف إنك ممكن بكلامك ده متخلهوش يكمل في رمضان و يحاول يتوب . طب و ليه بقي ما نسكت شويتين و نخلينا في حالنا . فلان ده بيصلي أو بدأ يصلي في الجامعة او بيصلي في بيته . أنت ملكش دعوة خليك في نفسك . عايز تهديه مثلا و تنصحه كان بها . مش عايز تبقي تسكت و تخليك في حالك .
🙂 يبني مشفتهوش دخل الجامع الا النهاردة و و بعد اول يومين في رمضان هيبقي مش موجود اصلا
☺️ لعلي الله يهديه . خليك في حالك . هى بيحارب نفسه و عايز يلتزم سيبه في حاله يا تشجعه يا متتكلمش و خليك مع نفسك و خلاص . رفقا بالناس يا جماعة . ده عمل و ده معملش . ده صلي و ده بيمثل . محدش ليه حق في كده و مش حاجة حلوة علفكرة و حرام كمان . فلتقل خيرا أو لتصمت😉.
🙃 أيوة ايوة اعملنا فيها شيخ .
😏الحمدلله انا مش شيخ و عبد من عباد الله عادي زي زيك . بس نرحم بعض شوية . مش بقولك حس بأخوك و أفضل جمبه كل شوية . ماعن ده المفروض و الأفضل . بس بقولك خليك في حالك بس . سيبه في اللي هو فيه . انت متعرفش اللي جواه و لا بيفكر في ايه و لا اي حاجة خالص . خليك رحيم بالناس ربنا هيرحمك . متبقاش انت و نفوسهم عليهم الله يرضي عليك .
و انت يا صديقي خليك مع حالك . امشي زي ما انت عايز . روح الجامع لو لأول مرة . امسك مصحفك و اقرأ و متخافش من كلام الناس و لا نظرات الناس بالاستحقار مثلا . أنت بتحاول و ربنا عالم بيك و انت مجتهد و هتنجح ملكش دعوة بحد .
كلنا بنحاول و نتوب و نراجع نفسنا الف مرة . و هذا شهر مبارك علي الأمة الإسلامية و مليء بكل الخيرات و الخيرات الكبيرة . فأستغلوا بكل محاولة أن تكن أفضل و أفضل مما كنت عليه . وفقكم الله😍 و كل رمضان و انتم أقرب و أقرب إلي الله و كل سنة و انتم طيبين جميعا 🌙❤️
🌙Kota🌙
أنت تقرأ
رمضان شهر الصلاح
Espiritualكما نعلم أن شهر رمضان، هو شهر عظيم مليء بالخيرات و العبادات يا اخواتي، هنا سوف نتحدث في امور كالعبادة او تحفيز لها او ما شابه ذلك، او النفس إلخ، و ان شاء الله كل يوم.في رمضان هنزل حاجة، و هتخلص ان شاء الله مع نهاية رمضان، فهيا بنا نتحاكي و نتعل...
