* Note - ( တစ်ခါထဲချစ်ချင်လို့ပါ
အချစ်များစွာယူ )
ဒီနှစ်ပုဒ်ကို repeat လုပ်ပြီး ဖတ်ပေးပါ။ *
Unicode
1986 ခုနှစ် စပိန်နိုင်ငံ၊ Estrella မြို့။
တော်ဝင်မျိုးနွယ်နှစ်စု ဒုတိယအကြိမ်တွေ့ဆုံပွဲ ..။
" ဟေး .. Jeon "
ချိုမြလွန်းတဲ့ခေါ်သံနဲ့အတူအနားသို့တစ်လှမ်းချင်းလျှောက်သွားလိုက်တော့ မင်းသားငယ် Jeon ကမျက်မှောင်ကျုံ့လာပါ၏။
မင်းသားငယ်တို့ထုံးစံအတိုင်း shirt ဖြူဖြူပေါ်မှအနက်ရောင် suit ကိုထပ်၍ တော်ဝင်မျိုးနွယ်ဝင်တို့သာဝတ်ခွင့်ရှိတဲ့ long pant အနက်ကိုတွဲဖက်ကာဝတ်ထားသည်။
ထိုပုံစံတွေနှင့်ကွဲထွက်နေသည့်ကျွန်တော်ကတော့ bowtie အဖြူကိုဇာပတ်ပတ်လည်ဖြင့်ချုပ်ထားပြီး လည်ပိတ်ပါဝင်တဲ့ပျော့ပျောင်းသည့်ပိုးသားကိုသာ အဖြူရောင် pant ဖြင့်ကွဲပြားစွာဝတ်ဆင်ထားသည်။
အနည်းငယ်မိန်းကလေးဆန်ချင်ပေမဲ့ ထိုသို့သောနူးညံ့သည့်အဝတ်တို့ကိုသာသဘောတွေ့သည်။
တည်တင်းလွန်းသည့်မျက်နှာထားက မော်ကြည့်လာသမျှမည်သူကိုမဆို ဦးညွတ်သွားနိုင်သည့်အနေအထား။
စည်းစိမ်ဥစ္စာအရာမှာ တန်းညှိနိုင်သည့်လူချမ်းသာတွေတောင် သူ့ရှေ့ရောက်ရင်အလိုလိုဂုဏ်သိမ်သွားကြတာမျိုး။
မာနကြီးလွန်းပြီးလိုချင်တာကိုရအောင်ယူတက်တဲ့လူ။
တော်ဝင်မျိုးနွယ်အားလုံးထဲမှာတစ်ဦးသာထွက်ရှိခဲ့တဲ့ ရွှေအိုရောင်ဆံနွယ်တွေနဲ့သခင်ငယ်။
နာမည်ကျော်ကြားတဲ့ သခင် ..။
မောက်မာလွန်းတဲ့ သခင် ..။
မင်းသားငယ်တို့ရဲ့ သခင် ..။
Estrella မြို့က နတ်ဘုရား Kim ..
" ငါ့ကိုလွမ်းလို့လာခဲ့တာမဟုတ်လား "
အနားရောက်သည်နှင့်လက်မောင်းကိုဆွဲချိတ်လိုက်တော့ အကြည့်စူးစူးတစ်ချက်က ကျွန်တော့်ဆီတန်းတန်းမတ်မတ်ရောက်လာသည်။
မထူးဆန်းတော့သည့်ဖြစ်အင်ပဲမို့ တစ်ချက်သာပြုံးလိုက်မိသည်။
ထိုသူကတော့ ကျွန်တော့်ရဲ့ကောင်းကင်ပြင် တစ်နည်းပြောရရင် ကျွန််တော့်ရဲ့ El cielo ..
