السلام عليكم
شلونكم حبايبي ✨
...................................
يكول نزار قباني:
أشتقت لك .. فعلمني أن لا أشتاق
علمني كيف اقص جذور هواك من ألاعماق
علمني كيف تموت الدمعة في الاحداق
علمني كيف يموت القلب وتنتحر الأشواق
وأنت قد ذهبت دون توديعي أو حتى احتضاني ،كانت ستكفيني رؤيتك مرة واحدة قبل ذهبك ،كيف لقلبك تحمل ذلك البعد عني
كاعدة بزاوية المطبخ اباوعلها تجبي وابوي واكف يرزل بيها
.. شبيج تخبلتي انت تريدن تكتلين نفسج
.. على كيفك يابة
.. انت بالذات لا تحجي
.. بوية
.. اسكتت
.. اسمعيني زين شفت دكتور وترحين غصباً عليج (يحجي بصوت عالي وعصبية باوعتلتة بترجي تنهدت وكعد مقابيلها حضنها ويحجي)
.. حبيبتي افهميني مااكدر اشوفج بهاي الحالة ومااسويلج شي
..بس اني مااريد اروح
.. لخاطري روحي بس هالمرة واذا ما شفنا نتيجة اعوفج بحالج وماادخل بيج
ساكتة ماتحجي بس دموعها تنزل
..شوفي امج شصاير بيها عاجبج حالها هاا
هزت رأسها لا
..لعد روحي للدكتور لخاطرنا مو علمودج واني اروح وياج
.. علي
..شبي
..هو يروح وياي (صغر عيون وهو يباوعلي ويباوعلها)
..شنو تحبي أكثر مني
..لا بس اني أريده هو يروح وياي
..يابة ميخالف هو يروح هاي هي
رحت يمها مديتلها أيدي ..يلا حبيبتي
خلت أيدها بايدي وكومتها صعدتها لغرفتها
..ليش سويتي هيج
باوعتلي بتوسل..صدك مات
ابتسمت.. لا جنت اشاقى وياج
ضربتني على جتفي بخفة .. ترا شقاك مو حلو بس يجي اكله عليك
تنهدت ..ابقي هنا راح اشوف ابوج واجي
..سد الباب وراك
طلعت من الغرفة نزلت بعدني بأول بأية وماحس غير راشدي فر وجهي فر
..انت شنو شغلك هنااا هاا اختك تريد تكتل نفسها وانت واكف لو مو اني جان راحت ( يحجي بعياط وبعصبية نزلت رأسي وحجيت )
..عذرني بوية بس والله من صدمتي احس رجليني انشلن ماكدرت اروح لها
..لو صايرلها شي هاا
..ان شاء الله ماتنعاد
..اسمع بأجر تروح وياها للدكتور وتسأل على حالتها فهمت
..ايي
..على كفيك وياه يرجال
... شنو ترديني اصفكلك واختة رادت تموت وهو واكف ولا كأن هما الموضوع
.........................
كاعدة بغرفتي وافكر شلون اقنعهم مااروح للدكتور بس غيرت رأيي لمن سمعت ابوي يرزل علي ...علي كاعد صيرله مشاكل من وراي قررت اروح جم يوم وبعدين اكللهم مو خوش دكتور وماروح
ثاني يوم واكفة اسوي شالي انفتح الباب
...خلصتي
..ايي
ابتسم ومدلي أيده.. يلا ننزل
خليت ايدي بايده وطلعنا جنا ساكتين كل الطرق
لمن وصلنا جنت خايفة انزل باوعتله بترجي ستوني اريد احجي كال
...نزلي مانرجع
..حباب.
تنهد ...لا تخافين اذا مارتاحيت بعد مانجي تمام
هزيت راسي باستسلام
دخلنا للعيادة كعدت وعلي راح يحجي ويه السكرتيره خلص واجى عندي
...: يلا كومي ادخلي
لزمت ايده حتى يجي وياي سحبها مني
...: وحدج
...: ليش
...: شنو ليش يابه خصوصية المريض
هزيت رأسي ورحت ويه السكرتيره دكت الباب ودخلت شوية وطلعت كالت دخلي
دخلت وسلمت
....: السلام عليكم
....: وعليكم السلام تفضلي
كال كلامه وهو يأشر على الكرسي المقابيله كعدت ماحجيت شي
....:اعرفج على نفسي اني دكتور حسين.....
....: تشرفت
.....: ايي احجيلي شنو مشكلتج
....: ماعندي مشكله
....: لعد ليش جايه
...: اهلي اصرو اجي
....: زين شنو السبب
...: لان كاعدة بغرفتي ومااريد اطلع من البيت
....: ليش
....: ماادري احس نفسي ماطيقه احد اريد بس اكعد بغرفتي واحاجي ياسر وبس
....: منو ياسر
...: خطيبي
....: وين هو
رفعت كتفي بمعني ماادري وابتسم وكال
...: كملي
...: مااريد تعبت اريد ارجع للبيت
...: تمام براحتج تكدرين طلعين
طلعت لكيت علي كاعد شافني اجاني
...: شكال الدكتور
...: ماكال شي
طلعنا من العيادة
...: تردين شي
...: لا... علي
...: هاا
...: مااريد اجي بعد
...: ليش
....: ماحبيت الدكتور
....: نشوف ابوج
""""""""""""""""""""""""""""""""""""
الى هنا ينتهي هذا البارت✨
اتمنى يكون نال إعجابكم✨
أعطوني رأيكم بالتعليقات✨
لا تنسون تصوتون ✨
بقلم فيرونيكا ✨
قناتي على ال تيليجرام اشتركوا بيها اذا تحبون
https://t.me/qu_qu313
وبس اتمنى تكونون بخير ✨
الى اللقاء ✨
أنت تقرأ
سأبقى أحبك
General Fictionليس كل مانريده نستطيع الحصول عليه.... وكما قال المتنبي: ما كُلُّ ما يَتَمَنّى المَرءُ يُدْرِكُهُ تَجرِي الرّياحُ بِما لا تَشْتَهِي السُّـفُنُ نتمنى، ونحلم، ونخطط ل مستقبل مجهول لا نعلم مالذي سيحصل به لكنا نستمر نحلم في ذلك الحلم.... الى ان نستيقظ...
