بارت 1

30 5 1

بواسطة a-vero722

بقلم a-vero722

السلام عليكم
نبدأ على بركة الله
بسم الله الرحمن الرحيم ✨

أنتظر حديثاً منك
سلاماً عابراً
سوالا باقياً
شوقاً يرهقك
أنتظر اعترافاً منك
تقول فيه لا أطيق هذا الفراق ✨

.............................

ليس كل مانريده نستطيع الحصول عليه....
وكما قال المتنبي:
ما كُلُّ ما يَتَمَنّى المَرءُ يُدْرِكُهُ
تَجرِي الرّياحُ بِما لا تَشْتَهِي السُّـفُنُ
نتمنى، ونحلم، ونخطط ل مستقبل مجهول لا نعلم مالذي سيحصل به لكنا نستمر نحلم في ذلك الحلم.... الى ان نستيقظ على واقع مرير لم يكن في الحسبان وكأننا كنا نسير في الظلام لانستطيع رؤية شي وفجأة نسقط في حفرة عميقة لا نقدر على الخروج منها وكل ما حولنا هو الظلام.. والغريب إني عندما سقط في تلك الحفرة لم اصرخ او اطلب المساعد بل قد بقيت بها وكان راحتي موجودة في هذا المكان.....
انا اليوم اقف في جنازة الذي اخبرني انه سيكون دوما معي..
الشخص الذي بنيت مستقبلي معه..
لم نحقق شي مما تمنينا بعد.. قد ذهب حتى دون ان يودعني
اسمع صراخ كل من حولي وبكائهم
وانا اجلس امام جثته بدون اي ردة فعل لا اعلم ماذا جرى لي ملامحي باردة ولم تسقط دمعة من عيناي.. لا استطيع ازاحة نظري عنه
فزيت على دكت الباب الي رجعتني من اسوء ذكره بحياتي مسحت دموعي
...: تفضل
دخل وهو مبتسم يحاول يغض بصرى عن دموعي اجى كعد يمي
...:خوما بيج شي حبيبتي
هزيت رأسي: لا مابيه شي
حضني وهو يمسد على شعري
...: لعد ليش ما نزلتي اليوم
تنهدت: تعبانة
بعدني عنه وخلى وجهي بين ايديه
....: نطلع
...: لا اريد ابقى بغرفتي
....: الى متى تبقين حابسة نفسج
....: لحد ما اموت
رجعني لحضنه
...: اني راح ابقى وياج دائما
ابتعد عنه واني منحارة ابجي واحجي
..: لا تكول راح تبقى وياي لا تكول
تقرب مني يمسح دموعي يهدأني
.. كافي حبيبتي ماراح اكول شي كافي
.. هو هم كال هيج وراح
حضني ويحجي: كافي كافي
ظليت ابجي لحد ماتعبت ونمت

——————————————————————✨

غطيتها وإني اباوعلها بحسرة شلون جانت وشلون صارت طلعت من الغرفة نزلت جوى شفت امي كاعدة وايدها على خدها رحت يمها
..شبيج يمة
باوعتلي وعيونها مليانة دموع..اختك شلونها
تنهدت ..نفس وضعها ماتغير شي
.. يمة ليش تكللها ناخذها لدكتور (حجتها ونزلن دموعها)
مسحت دموعها..ماترضى
..حاول وياها كلما اشوفها هيج قلبي يتكطع عليها
..شبيدي عليها اخذها اجباري
مسحت دموعها بشيلتها وكامت ..تريد غده
هزيت رأسي ب لا
راحت للمطبخ وإني بقيت بمكاني افكر
أختي صارلها 3 سنين على هذا الوضع من اليوم المات بي وهي هيج حابسة نفسها
ماتاكل اذا مانجبرها.. دراستها واحلامها كلهن عافتهن..ماكاعدة تتقبل فكرة موته
قاطع تفكير صوت ضحكها امي اجت تركض تريد تصعدلها
..يمة ابقي هنا ماتكدرين شوفيها بهاي الحالة
هزت رأسها وكعدت على الدرج
صعدت الدرج وصلت باب غرفتها واني اسمعها أسولف قلبي يتكطع عليها فتحت الباب اباوعلها كاعدة على الجرباية وتضحك جريت حسرة وابتسمت رحت كعدت يمها مسحت على رأسها.. حبيبتي ويامن تحجين
باوعتلي مبتسمة..ويه ياسر وهي تأشر كدامها
باوعت ماكو شي بالمكان التأشر بي جريتها لحضني ابتعدت
.. شبيك علي
.. ماكو احد هنا غيرنا
بلعت ريكها وباوعت بكل الغرفة مالكت احد تحجي وترجف
..جان هنا جنا نحجي سوا
حضنتها..كافي يروحي
تحجي وتبجي ..كالي احبج ماعوفج
اريد أهديها مااكدر كامت تصيح.. راح عافني هو كال مااعوفج
جريتها علي لزمت وجها بين أيدي ..لا تبجين يعمري انت هو حاجاني وسألني عليج كتله كلشي مابيها تنتظرك هسه اذا اجى وشافج هيج راح يتعارك وياي ويضربني هم ترضين اخوج ينضرب
ابتسمت وهزت رأسها ب لا .. هو كالك راح يجي
..ايي لا تبجين
.. بس يجي مااريد اشوفه
هزيت رأسي ايي
.. بس اني مشتاقتله شلون
ساكت مااحاجيها تحجي وحدها وكانوا نست موته
.. تعرف شنو لمن يجي وكفة مقابيلي شباج غرفتي حتى اشوفه وكله أية زعلانة ماتريد تشوفك
باوعتلي ودموعها نرلن على خدودها .. مايجي مو
.. لا يجي بس مو هسه
..لعد شوكت
..من يخلص شغله يجي
مسحت دموعها..جوعانة اريد اكال
ابتسمت .. امج اليوم امسويه دولمة مو تحبيها انت
هزت رأسها ايي

نزلنا لكنا امي كاعدة على الدرج تبجي
..شبيها امي.
.. ماادري
نزلت كعدت يمها تحجي وياها
...شبيج يمة
..مابي شي
..ليش تبجين
باوعتلي امي وحجت ..ماكو شي بس شفت مسلسل بنتهم مريضة وبجيت عليها
ابتسمت ..يمة جم مرة اكلج هذا تمثيل
هزت رأسها وحجت.. اليوم سويتلج دولمة
..ايي جوعانة
..كومي اصبلج
راحن للمطبخ امي صب اكل وهي كاعدة مبتسمة كعدت يمها امي جابت الماعون توكلها خلت الخاشوكة كدامها وهي نزلت رأسها تبجي امي خلت الخاشوكة بالماعون
..ليش تبجين يمة
حجت وهي تشاهك.. ياسر وين
.. حبيبتي مو كتلج عندا شغل
..لا تجذب كلي الصدك وين
حجيت وتندمت لأن حجيت ..ياسر مات
هنا كلمتين غيرن حالها باوعتلي بصدمة

وكفت منهارة ماتعرف شتسوي مانحس غير جرت السجينة تريد تأذي نفسها اريد الزمها بس رجليني احسهن تشنجن مااكدر اروحلها واكف بمكاني وامي تبجي الى أن..........

..........

الى هنا ينتهي هذا البارت✨
اتمنى يكون نال إعجابكم✨
أعطوني رأيكم بالتعليقات✨
لا تنسون تصوتون ✨
بقلم فيرونيكا ✨

قناتي على ال تيليجرام اشتركوا بيها اذا تحبون

https://t.me/qu_qu313

وبس اتمنى تكونون بخير ✨
الى اللقاء ✨