شغاف الفؤاد لـ اجحاف

مشاهد

(هوا الذي انزل السكينه في قلوب المؤمنين ليزدادوا ايماناً مع ايمانهم)

لاتنسون التصويت وتعليقاتكم الحلوه

غيحان الموسوي

الفؤادات

▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔

«شغاف الفؤاد لـ اجحافُ»

المشهد الاول

جرتني وصرت اعيط بنص البيت ومنا هاي تچر بيدي ومنا انا اريد اروح اربيهم من جديد

والله والعضيمممم لارجعلج والله والخلقج لانتتتقممممم  حسبييي الله بيججج حسبييي الله ونعممم الوكيل وين تروحون من الله ويننن  كون لانمتو بليلكم مرتاحين

درت راسي وطلعت ركض من البيت وبالي الف فكره شحسوي بيهن

المشهد الثاني•••••••

مشينه بنص مكان اجذب اذا اگول ميخوف اضلم ومابي اي نور عدا الگلوب البيدي امشي وروحي رايحه بدون نفس عاينتلها بسدي تمشي بثگل صارلنه ساعتين نمشي بدون توقف رحت گعدت اجتي گبالي گاضبه بطنها

-: تعبت اريد بس انام

شيراز:- اريد انتقم

حجيتها وعيني بالگاع صافنه شون صار كل هل احداث گبالي شون گدرت اصبر على الصار

-: شون تنتقمين؟ محد صفالنه منو يصدك بينه بعد السوينا

شيراز:- ميهمني عسا الدنيا كلها لاتصدگ بس وداعتج إذا مو هاي السنه لوبعد سنتين وعشر سنين ارجع ومثل الكاس الشربت منه ازقنبه الهم واضعاف والله وتشوفين وماطلع بنت الشاهين إذا مسويتها

المشهد الثالث•••••••

چان گبالي ويحچي وياي جنه بزحمه ناس هز راسه وضحك وعاينلي

:: حـَتى انتِ شاركتي بأذيتي

:: انتُ الأذيتوني انتو والوراكم والگبلكم  لاجاين تلوموني هسه أصلاً لوبيدي اضوكم المر على الي ضگته انا  جاي هسه تحاسبني روحو شوفوو الصار بيه شوفوو الدمار العشته انا مأذيت احد انتو الأذيتوني

:: ارجعيي وياي وكلشي يصلح

:: تحلم

- لحضات صفن بعيني ابتسم تغيرت معانيه تگرب خطوا مني ابتعدت منه خطوات

لحضات بسس اخترقت جسمه دخانيه ماعرف رصاص خليت ايدي على حلگي منضر الدم جسمه وگع بالگاع رحت يمه اصيح واضرب بوجهو

:: ولك گومم هاي صدكم تحچيي لاتموت ولك بعدك ششفت من حياتك فتح عينكك

- صدمتي الاگلتها بهذيج الليله خلتني ماعرف اصرف فجأه حسيت احد شالني من خصري من بين العالم يركض بيه وانا اخرمش بيده واردد

:: ولكم ساعدووو طاحح

- مانطاني مجال اصيح حتى ضل يركض بيه اجتي سياره ورانه نفتح بابها شمرني بالسياره  صعدو وضرب السياره تحركت عاينتله من الجام يعاين الي بروح ميته ضل تفكيري يم الطاح كل ماغمضت عيني شكله ابالي

المشهد الرابع•••••••

دفرت ايدها وطلعت برا رفعت راسي للسما چانت  طختني نسمات هوا بارده داعبت شعري رفعت عيني الذبلانه  چانت مزينه السما  بضوه الرعيد وصوت هوا كلش عالي حجيت بالگوا وصوتي اليسمعى يعرف البيه

يالله هذا عقاب لو ابتلاء اذا جان عقاب سامحني يالله وشيل هذا الهم عني ماريد الشماته تجيني انا تعلمت على القوه اليأس والكسران والبجي مومن ثوبي انا ماهيج ربيت نفسي ربيت نفسي انـي اضحك بنص جرحي بنص انكساري اضحك انا گمت ماعرف نفسي هاي مو انا شوكت انا هيج اذبل  ربي اذا ابتلاء دزلي اشاره اذا تحبني وتسامحني دزلي اشاره لو بس خفيفه

ضليت متانيه اشاره توصلني وانا اعرف حتجي املي بالله مستحيل يخيب فز كل جسمي انرعش من صوت الرعيد الاجاني ابتسمت ورفعت راسي حسيت بمطر نزلت على خدي ملت راسي وضحكت

هاي انا العبد الچنت ماطيعك ولا چنت انفذ كل أوامرك چنت اجاهل بعضهم وهاي انا گبالك اليوم يارب نفس هل عبد واكفه گبالك انتضر رحمتك تغثني انتَ يارب الاتوسله واحجي البگلبي انتَ يارب التفهمني بدل خلقك

المشهد الخامس •••••••

صرت گباله اتنفس سريع اخذت الجداحه والجكاره وخليتها گباله اشرلي براسه ممفتهم

:: اخذ نفس منها

ضل صافن بوجهي ماسوا الگلته اله عاينت للچكاره صار بيها احمرار رحت شغلت ثنين بعد وكفت گباله وخليتهم على صدرا غمض عينه وانا افرك الجكاره اشوف جلده تغير لونه رفعت راسي علي مغمض عينه ولا كأن اكو شي

:: سوي التريدي بردي گلبج

- صرت اضرب بصدرا بعصبيه لاول مرا افقد ومادري بنفسي شسوي متوقعت ورا كلامي وتصرفي راح اندم

:: لككك اككرهككك اموتت منككك كلل الصوجج منككك ومنيي صوججيي قبلتتت بواحددد عنده سوالف مكسرراااا مثلككك  ضنيتك تخاف الله ضنيتكك غير عنهم لكك طلعت الاسواء منهم 

رجعت ليورا وهزيت راسي وابجي

:: ضنيتك غير عنهم متوقعت تطلع قائدهم

المشهد الخامس •••••••

صرت گبالها وبتسمت بطريقه منرفزه لفيت شعرها على اصبعي وحچيت بهمس:- شوگت ناويه توبين

ابتسمت وهزت راسها:- لو الدنيا كلها اخسرها ياحيبتي ماراح ابطل سوالفي وارجع اسوا بعد

تلاحگي على روحج كبل لايصلون عليها ولو انسانه مثلج حرام يصير الها حتى گبر يسترها

▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔

بتاريخ 2024/3/13