استغفُرلله
الحمدلله
لا اله الا الله
الله اكبر
سمع الله لمن حمده
لاتنسوين التصويت بنجمه ✮
غيحان الموسوي
الفؤادات
﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌
«شغاف الفؤاد لـ اجحافُ»
شيراز:-
خلصت حفلتي جنت الوكت گله صافنه وابتسم بالجذب لو واحد بالميه ماتوقعت زواجي يصير بهل طريقه
جنت اشوف الفرحه والمعه بعيون هيبت والابتسامه الي مبينه حقيقيه عكس ابتسامتي الي رسمتها عمود التصوير والعالم
اول ماخفت العالم صعدت لغرفتي اخذت فخريه وياي امسح على راسها
مسحت مكياجي سبحت طلعت لابسه روب گعدت گبال المرايه اخلي مرطب على جسمي ندگ الباب
نداريت فات اعصار ضليت بمكاني خله علبتين كبارر على القنفه
اعصار:- هاي هديتج الف مبروك
درت راسي ضحكت دنگت راسي
عاينتله رحت يمه
شيراز:- ارتاحيت هسه؟ برد گلبك
اعصار:- لو تعرفين بمقصدي مجان هيج حجيتي
شيراز:- بعد مومهم الحجي صرت على ذمه رجال ما اريده انتَ خربت حياتي
اعصار:- بالعكس بنيتها
شيراز:-بزواجي؟ لو تكدر جان موتتني بس فضلت ازوجني وتخلص من هاي السالفه مو.
اعصار:- دومج ضالمتي بتفكيرج ليش مافكرتي ممكن جاي انقذج من الدمار الي خليتي نفسج بي
شيراز:- وهسه شيفيد الحجي؟ جنت سندي يا اعصار متوقعت هيج تسوي بيه
اعصار:- والي سويتي؟
عاينتله مقهوره درت راسي رحت يم البزونه امسح راسها
شيراز:- تكدر تتفضل
-: طبگ الباب ورا تنهدت گعدت گبال المرايه
توني ردت انام ندگ الباب رفعت نفسي فاتو بابا وعضد اجوي رحت يمهم
شاهين:- الف مبروك بنيتي
شيراز:- تسلم حبيبي
عضد :- الف مبروك وزواج الدهر شايفه الخير يا بربوك
شاهين:-وتالي وياك
شيراز:- ميخالف خل يحجي اريد اشبع من سوالفكم گبل لايجي العرس
عضد:- اهوو تراا البارحه گوا صبرت نفسي ما ابجي والله الدمعه بعيني صارت بس عصت ماقبلت تنزل
شاهين:- كبرتي بسرعه ياروحي عبالك البارحه جانت يوم ولادتج واليوم انطيتج بيدي وصرتي بذمه رجال
خله ادينه على وجهي محتضن خدي ابتسمت گضبت ايده
شيراز:- الوگت يمر بسرعه حـَتى لو ابتعدت مستحيل من سابع المستحيلات انسى كل لحضه بيناتنه او انسى ايامي الحلوه وياكم
أنت تقرأ
شغاف الفؤاد لـ اجحاف
Mystery / Thrillerزهرة ذات اشواك بأرض صاخبه نشئت بين الرقه والجفاف تكونت من هيئه مزيج من الكوابيس والاحلام لطيفه الشكل سامه الصفات عقل البالغين وروح طفله متخليه عن الإدراك زهرة ازهرت بين ثناء الاجحاف فا ملئت بهتان المكان.. حرة لا قيود لها متنقله كما يحلو لها متمردة غ...
