ملاك المعتصم. ♥

part 6

وهو خارج من البيت سمع ابوه وهو بيندهله لف وشو وهو بيقولو: ايوة يحج محتاج مني حاجه.
رد ابوه وهو بيدخل المكتب تعالي عاوزك.
راح ورا ابوه ودخل وقفل الباب وقال: يحج محتاج حاجه.
رد بباه وهو بيبصلو: هو انت قربت من ملاك.
بصلو معتصم بصدمه من سؤالو وقال: مش فاهم يحج تقصد اي.
حسين: انت فاهم قصدي كويس اوي يبني انا بسالك عشان ابوها عاوز يتطمن.
رد عليه معتصم بعد ما لانت ملامحو من حدتها: اتطمن يحج كل حاجه تمام متخفش.
وقام مشي ع شغلو.
♡♡♡♡♡♡♡♡♡♡♡♡♡♡♡♡♡♡♡♡♡

نرجع تاني عند ملاك فوق كانت زهقاانه وهتطق من الملل وفنفس الوقت خايفه تنزل يكون معتصم لسه تحت وممشيش هيطين عيشتها وفجاءة سمعت الباب بيخبط.
قامت وهي بتظبط هدومها وفتحت ولقيت زينه اخت معتصم وقالت وهي مبتسمه ليها: اتفضلي حببتي واقفه لي.
دخلت زينه وهي بتقول:  انا يعني اول معرفت ان ابيه معتصم مشي قولت اجي اقعد معاكي ونتسلي شويه اي رايك ننزل نقعد فالجنينه لحد الغدا.
ردت ملاك وهي مترددة: يريت والله بس معتصم قالي متنزليش اخاف لحسن يزعق.
قامت زينه وهي بتشد ايديها: متخفيش ابيه مش هيعرف هنطلع قبل ميجي.
ملاك: خلاص ماشي استني هغير هدومي وننزل.
وفعلا ملاك دخلت غيرت هدومها ولبست بنطلون مريح وتيشرت وسرحت شعرها وسابتو. وخرجتلها ونزلو مع بعض ع الجنينه.
♡♡♡♡♡♡♡♡♡♡♡♡♡♡
وفي مكان تاني خالص هنلاقي معتصم قاعد ع مكتبو وقدامو زين وكان بيحكيلو ع كل الي حصل في اليومين دول زين وهو مصدوم: يبني انت هتجنني قاعد تقولي مش قادر ومش هستني وفالاخر معملتش حاجه.
رد عليه معتصم وهو نايم ع المكتب: مش عاوزها تخاف مني يزين وكمان هي عنيده اوي ومبتسمعش الكلام هتيجي فمرة واكسرلها راسهاا.
رد زين وهو بيتزكر حاجه: اه صح عملت اي في قضيه فرانكو والواد الي مرمي جوة ده هتعمل في اي.
معتصم وهو بيتعدل من مكانو وهيقوم: انا هعصرو ونشوف اخرو اي انا واثق انو هيقولنا البنات دي بتروح فين وي فرانكو كان بيعمل اي هناك ليله القبض عليه.
خرج برة المكتبه واتجه لي الزنزانه الي فيها المجرم وهو اسمو فتحي وكان وراه زين.

في مكان مجهول تماما اول مرة نروحو هنلاقي اتنين قاعدين بيتكلمو وبيقولو.
مجهول 1: يعني فتحي اتمسك وحضرتك كنت موجود ليله القبض عليه وعلي كده بقي حد لمحك ولا لحقت تتخفي.
مجهول 2:ملحقتش ونا واثق ان معتصم شافني وهو عاوز يقرر فتحي وده عيل اهبل وهيقول كل حاجه ويفضحنا انا بقول يباشا احنا نسفر البنات دي ونفضي المخازن عشان لو حصل هجوم من البوليس مفجاء.
مجهول 1: هتفضل طول عمرك غبي طب محنا ممكن نخلص علي فتحي قبل مينطق بكلمه.
رد عليه مجهول 2:تسلم دماغك يمعلميي.
♡♡♡♡♡♡♡♡♡♡♡♡♡♡♡♡♡♡
نرجع لمعتصم اول مدخل الزنزانه هو وزين لقي فتحي قاعد ومش قادر ياخد نفسو من الضرب الي اخدو وطي معتصم ع ركبتو عشان ينزل لمستواه وقال: شكل الرجاله هنا قامو بالواجب معاك تعترف بقي بالزوق البنات دي بتروح فين ولا نلعب بيك انا وزين.
رد عليه فتحي بلهفه وهو خلاص هيبوس ايدو: هقول ع كل حاجه يباشا بس كفايه خلاص مش قادر.
نفض معتصم ايدو وهو بيبصلو بقرف وقال: اخلص يروحمك احكي.
رجع فتحي ضهرو وهو بيسند ع الحيطه وقال: يباشا البنات دي احنا بنجبهم من دار ايتام اسمها دار الرحمه والنور صاحبه الدار بتطلعلنا البنات دي من غير محد يعرف من اول سن 15 سنه بتطلعلنا كل البنات الحلوين الي بيلفتو النظر واحنا بناخدهم الي بينفعو بنبعهم لرجال الاعمال سواء فمصر او برا والي مبينفعوش بناخد اعضائهم بس كده يباشا والله انا معرفش حاجه اكتر من كده.
زين وهو بيبصلو بترقب: طب وفرانكو كان بيعمل اي هناك  ليله القبض عليك.
سكت فتحي شويه وقال: فرانكو مين يباشا انا معرفش حد بالاسم ده.
مسكو معتصم من رقبتو وقال: انطق يروحمك انت هتستعبط فرانكو كان بيعمل اي ليله تسليم البنات الراجل ده شغلو مخدرات بس ومطلوب القبض عليه هتنطق ولا اقتلك.
رد فتحي وهو بينهج وهيموت: هقول خلاص والله هقول يباشا فرانكو هو الدراع اليمين للبوس وهو الي بيديني الاوامر والله يباشا وهو كان بيحضر التسليم من بعيد علشان دي اكبر شحنه هتطلع فيها 500بنت.
سابو معتصم وقام من مكانو واخد زين وخرج.
♡♡♡♡♡♡♡♡♡♡♡♡♡♡
عند ملاك كانت قاعده مع زينه بيتكلمو وزينه عدلت قعدتها واستربعت قدامها وهي بتسالها: ملاك هو انتي وابيه معتصم بتحبو بعض زي الافلام وكده يعني.
ردت ملاك وهي بتضحك: لا يستي عادي يعني مش افلام ولا حاجه.
زينه كانت لسه هتتكلم بس ملاك قامت من مكنها منفوضه لما شافت معتصم داخل من باب الفيلا كانت هتجري بس فكرت انها تفضل مكانها وهو اكيد مش هيعملها حاجه قدام زينه قرب معتصم عليهم لما شافهم وهما واقفين واول مبص لي ملاك وشو احمر من العصبيه زينه وهي بتحاول تستعطفو: ابيه احنا كنا زهقانين انا وملاك ونزلنا نقعد هنا شويه والوقت خدنا والله.
بصلها وهو بيحاول يهدي: خلاص يزينه روحي انتي علي اوضتك زاكري وسيبيني مع ملاك شويه.
وفعلا زينه سابتهم وطلعت وهي بتدعي انو ميزعقش لي ملاك بسببها.
معتصم وهو بشد ملاك من دراعها ناحيته: هو انا قولت اي الصبح هو انا كلامي مبيتسمعش لي هاا ردي.
ردت ملاك وهي بتتوجع من قبضتو: والله مكنتش هنزل والله صدقني مكنتش هنزل هي جت اخدتني.
معتصم وهو بيهزها من دراعها: انا لما اقول كلمه تتسمع ملكيش دعوة بعد انتي سامعه وانا هعقبك علشان دي تاني مرة تغلطي بس اصبري.
ملاك وهي بتعيط: طب انا عاوزه انام عندي مدرسه بكرة.
معتصم وهو بيسيب دراعها وبيحط ايدو في جيوبو: هو انا مقولتلكش.
ملاك وهي بتمسح دموعها: مقولتليش اي.
معتصم:..................
ملاك: اي لا عشان خاطري كلو الا ده....
♡♡♡♡♡♡♡♡♡♡♡♡♡♡♡♡♡♡♡
وده اخر البارت تتوقعو هو قالها اي وانا كمان حبيت اديكو نبذة عن الروايه لان هيكون فيها لغز حولين البنات الي بتختفي وانتي هتحاولو تحلو اللغز معايا لو مهتمين اني اكمل فيها اكتبولي فالكونت. ♥