اسكريبت عن فلسطين
الله أكبر الله أكبر
زينب : الحمدلله اشرب العصير يا حسين و خود تمر أهو كمان ربنا يتقبل منك يارب
حسين : يارب اللهم آمين
فاتن : بابا
حسين : نعم يا فاتن
فاتن : ممكن تقول الدعاء بتاع الإفطار عشان المس في المدرسة قالت انه مهم وكمان ليه ثواب كبير
زينب : ما شاء اللهم بارك شطورة يا فاتن
حسين : قولي ورايا ؛( اللهم لك صمت وعلى رزقك أفطرت ابتلت العروق وذهب الظمأ وثبت الأجر إن شاء الله )
فاتن : هو احنا ممكن ندعي لينا وقت الإفطار
حسين : طبعا يا حبيبة بابا تخلصي الدعاء اللي قولته بعد كدا تدي بأي حاجه انتي عايزاها لأصحابك ولنفسك وكل اللي بتحبيهم كمان
فاتن : أيوة احنا لازم ندعي لإخواتنا في فلسطين
زينب : أيوة يا حسين والله صعبانين عليا أوي اللي هما عايشنوا دا
حسين : واحنا لازم نساعدهم يا زينب
زينب : واحنا في ايدينا ايه بس نعمله يا حسين م احنا بندعي أهو نعمل ايه تاني
حسين : لا في ايدينا كتير يا زينب في ايدينا نحارب معاهم
زينب : ازاي بس يا حسين
حسين : يا زينب الحرب مش بس جيش وسلاح الحرب ليه طرق تانية
فاتن : زي ايه يا بابا
حسين : اقولك يا ستي يعني مثلا نقاطع كل المنتجات اللي بدعم جيش العدو
زينب : مقاطعه ايه يا حسين هي المقاطعه دي هتعمل ايه يعني مش هتأثر على جيش بحاله
حسين : ازاي بقى يا زينب طب انتي عارفة المقاطعه دي بتاثر ازاي
فاتن : ازاي يا بابا
حسين : دلوقتي انتي لما تشتري منتج من المنتجات اياها نسبة من ارباح الشركة بتاعت المنتجات دي بتروح للشركة الام اللي هي بتصدر الاسلحة والذخيرة للجيش اياها شوفتي بقى الجنيه اللي بتديه للبياع بيتعمل بيه ايه
زينب : يااه كل دا لا يا اخويا من النهاردة مش هشتري صنف واحد من اياه خالص
فاتن : وانا كمان وهقول لكل اصحابي ميشتروش المنتجات دي عشان احنا كدا بنشتري رصاص يموتوا بيه اخواتنا في فلسطين
حسين : شطورة يا فاتن ويلا بقى ندعي ليهم سوا
#قاطع
#هاجرسالم
#ضحيه_الكتمان
#آنين_الصمت
