آلَحً ـيّآة آلَآخٌ ـرَة آلَمِـوُسًـمِـ1

مهمة قتل ابو جون وانهائه للابد

كعدنة الساعة4 ليلاً وحضرنة روحنة وجون وزوجتهة طلعو قبلنة بساعة هيج واحنة حضرنة روحنة ومن كملنة صارت ب5 الة ربع واجة علي وطلعنة..

علي: شوكت نوصل للموقع..

ارطغرل: حوالي اربع ساعات..

ورا مرور اربع ساعات..

وصلنة للموقع وجهزنة الخيم ونزلنة الغراض..

علي: شكد راح نبقى هنا..

دمار: على ما اعتقد عشر ايام..

يسر: يلا خل نبلش شغلنة خاطر نخلص بسرعة..

دمار: عثمان اخذ اخذ هاذة صندوق مال مي ويانة لان الجو حار..

عثمان: تمام..

ضلينة نشتغل للوحدة الضهر باوعت عليهم اشو شفت علي واكف ولازم راسة وكع بلكاع ركضت واني اصيح عثمااان دمااار رحت يمة واطكطك على وجهة ماكو ما يصحصح شالو عثمان ودمار وحطو بالسيارة..

يسر: عثمان بس وصلنة وارجع يم ارطغرل..

عثمان: تمام..

وصلانة عثمان للمخيمات ونزلو علي وحطو بالخيمة وراح عثمان رجع يم ارطغرل وضلينة اني ودمار يم علي..

يسر: اضن من الجو شا حار تخربط..

دمار: خل اغسل وجهة بلكي يصحصح..

دمار غسل وجه علي وشوية كعد..

يسر: ها شون صرت..

علي: احسن شوية دخت تاخرت على العلاج..

دمار: لعد خل اخابرهم خل يجون ونتغدة..

يسر: اي خابرهم وانتة علي غير تكول عندي علاوي وملتزم بي ولازم اتغدة واشرب علاجي..

علي:ماكدرت اكلج..

يسر: مو اني ما خايفة عليك بس خايفة من كريستا خاف تموتني بس تدري صارلك شي 😅😂..

علي: 😂😂..

دمار: خابرتهم شوي ويجون..

يسر: تمام لعد خل اكوم احضر الغدة..

دمار: واني اساعدج..

رحنة اني ودمار طلعنة الاكل وكبينة طباخ وحضرنة الاكل واجو عثمان وارطغرل وصبينة الغدة وتغدينة وكملنة..

دمار: يلا علي اشرب علاجك حتى نروح نكمل شغلنة قبل شوية قبل المغرب..

وشرب علي علاجة ورجعنة للمكانة وكلمن على شغلة لازم نفكك لمفخخات وبحذر هاذة المكان اتذكرة اني وارطغرل وبعض الدواعش فخخنة هاذة المكان اي احنة سوينا بيدينة وهسة رجعنة نفككهن الشغلة بالنسبة النة سهلة بس علي مو كلش وخايفين لا يصيرلة شي يكول عندة خبرة بهاي الشغلات لو عسكري غيرة جان ما خفت علي ضلينة نشتغل منا لما صارت ب6 والدنية ضلمت ورجعنة للمخيمات وفرشنة برة الخيمات وكبينة نار لان الجو بليل بالصحراء يصير بارد كملنة عشة وكلهة راحت تنام الة اني ضليت كاعدة برة شوية واجة دمار وكعد يمي..