آلَحً ـيّآة آلَآخٌ ـرَة آلَمِـوُسًـمِـ1

معرفة الحقيقة؟...

نزلت لجون وما لكيت الحارس الي موكفتة حراسة على جون والباب مسدود اهم شي محد نازل جوة و لكيتة نايم رحت ليغاد وترست السطل مي بارد وجبيتة علي طفر من نومة وكوة يتنفس من شدة البرودة مال مي لزمتة من ياخة القميص وكمت اهدد بي بكل عصبية..

يسر: هسة تكلي ليش عفتنة ذاك اليوم ومنو وراك لان ما معقولة انتة تسوي كل هاذة...

جون وهوة يرجف من البرد: م م ا ما اكدر احجي...

ضربتة راشدي وضليت اعذب بي وفجأة سمعت صوت جاي من ورا الغراض الوراي والهوسة التفتت گبل وعفت جون فاقد وعية ورحت غسلت من الدم ورحت اشوف شكو باوعت ولكيت ابن خالتي ووجهة اصفر من الخوف ويرجف..

يسر: كوم اصعد فوك شعدك هنانة وشوكت نزلت؟..

ابن خالتي: ج ج جا جاي نلع نلعب...

يسر: لعبيش هاذة هوة هاذة هم لعب تلعبونة هنا؟..

ما كدر يكوم من الخوف وشلتة وصعدتة فوك جانو يدورون علي واجت خالتي عبالهة شوف شصاير بي..

يسر: مابي شي بس خاف من شغلة ملازم يشوفهة اصلاً..

واخذو واني رحت لغرفتي ونسيت جون ونزلت جبيت علي بعد سطل مي بارد ونفس مساعة هم طفر وكوة يتنفس وعفتة ورحت انام ثاني يوم كعدت الصبح غسلت وجهي وبدلت ملابسي ونزلت جوة تريكت ناقصني شوية اغراض وجاي اروح للسوگ وكضني خالاتي وامي يردن يرحن وياي 🤦🏻‍♀️..

يسر: يلا بسرعة ماعندي وقت..

خالاتي وامي: جاهزات بس نلبس اعبينة..

يسر: لعد انتضرني برة خل اجيب مفاتيح السيارة واجي..

طلعن برة واني رحت اخذت المفاتيح وصيت دمار يدير بالة على البيت بغيابي..

ورحنة للسوگ واحنة بطريقنة سمعت شي بيناتهن وياريت ما كللي علي..

خالتي ام كريستا: آية ما تجين على عرس بتي كريستا بالاسبوع الجاي انشاء الله..

يسر: مادري..

ام علي: شني ماتدرين دتعالي واتونسي ومو انتي وكريستا صديقات حيل..

يسر: اذا عندي مجال اجي وذا ماعندي فه اعذرني..

ام جعفر: بكيفج بس كريستا راح تزعل هم ما اجيتي على خطوبتهة وهم مراح تجين على عرسهة..

اخذت الوضع الصامت وهنة ضلن يحجن بمواضيع هواااية ودوخني ويا دوب وصلت للسوگ وطبكت بالكراج ونزلنة..

يسر: شايفات هذاك المطعم...

الكل: اي..

يسر: اني ما عندي هواي شغلات اكمل وانتضرجن بي من تكملن تعالن هناك..

الكل: تمام..

امي: يلا امشنة هم يلا نطلع..

اني بيني وبين نفسي: اي هم يلا تورطت وجبتجن وياي اه..