بسم الله الرحمن الرحيم ...
نبدي قصتنه ......
تالي وحدنه صفِينه ،
هآ يگلبي آلچَنه بي نتباها وينه ؟
- ميلي يا روحِي و أبچيلِي ليلي غيّر تفاصيلِي ــــــ!
سهى ــ شبيج عسل احجي
طيبه ــ عبودي عبودي
سهى ــ شبيه عبودي
طيبه ــ مات
سهى ــ دخت صرت ماسمع ماحس غير ارسي وكع بحضن عسل فتحت عيوني اني بقرفه بيبي كمزت
مروان ــ حبيبتي شلونج احسن
سهى ــ وين وين عسل
مروان ــ تعالي اخذني الصاله عسل كاعده وطيبه حاضنه عسل وافنان تقدم مي الـ احمد ولهيب
سهى ــ عسل شبيه عبودي هاه؟
عسل ــ ماعرف
سهى ــ شنو ماتعرفين احجي
افنان ــ عمو عماد رجع من تركيا تعارك هوه وبابا
عسل ــ كل هاي السنين تاركنه عمو رائد ربانه وكبرنه وتعب علينه وهسه رجع يريد يبيع للبيت
سهى ــ شلون يبيع هاذه للبيت
عسل ــ هاذه للبيت يريد يبيعه الكل حياتنه تربينه بيه يريد يبيعه
لهيب ــ عادي يريد حصته من للبيت
عسل ــ انته شعليك بيت جدك
احمد ــ لهيب مايقصد اسف
عسل ــ حقكم ماعدكم عوائل جبيره وبيتكم يكون بيت الجد وكل عماتكم واولادهن يجتمعون عدكم وكل مناسبه تعرف اذا هاذه للبيت ينباع كلشي يروح كل ذكرياتنه
لهيب ــ اني اسف ماقصد
سهى ــ كملي عبودي شبيه
افنان ــ عمو عماد تعارك هوه وبابا وعبودي صار بينهم واجت الضربه براس عبودي
سهى ــ عزه عزه ولج صحيح وهسه شلون وين ودوه
طيبه ــ اخذوه المستشفى
سهى ــ اتصلن بيهم
طيبه ــ ماعدنه موبايل
لهيب ــ منو بقا بهل زمن ماعنده موبايل
عسل ــ احنه عندك مانع
احمد ــ للهييبب اسسككتت
سهى ــ اني عندي رقم ادم
اتصلت على ادم مروان يفتر ورايه ولهيب وكف وهوه واحمد والبنات ماتن من البجي
سهى ــ الوووو ادم انته وين
عسل ــ خليني احجي وياه
سهى ــ بس شويه عسل شبيج
سهى ــ ايه ادم انته وين عبودي عبودي شبيه
ادم ــ شويه شويه كلشي مافهمت عبودي زين وهسه راجعين بطريق
سهى ــ عزه عزه والجن ادم وخالو رائد راجعين
طلعو طلعو بسرعه خالو راجع واذا شافكم تصير مصيبه
مروان ــ طلعو بسرعه احمد باي نشوفكم بخير
باي حبيبتي انتبهي لنفسج
سهى ــ ماشي يحبيبي روح
طلعو نص ساعه اجو للبيت
الحمدلله عبودي جرحه مو خطير اجت ماما ودعاء ورجعن للبيت ورجعت وياهن
دعاء ــ ويمته اجيتي
سهى ــ من زمان بس شفت عسل تبجي ونزلت
نمت العصر رجعت البيت جدو
لكيت هيا هناك كعدت
هيا ــ هلا ويمته اجيتي
سهى ــ من الصبح
هيا ــ امممم
عسل ــ ايه والله لوما سهى ماعرف شسوي
سهى ــ ولو حبيبتي
هياــ ايه اخبار زوجج
سهى ــ شبيه
هياــ نسئل عليه
سهى ــ انتي معليج
هيا ــ كبور الفتج
سهى ــ انجبي احسن الج
هياــ اني انجب والله لصيح عمو راحت تصيح خالو رائد
رائدــ سهى ليش تغلطين على هيا
سهى ــ خالو هيه البلشت
رائدــ مايصير بنتي عيب اعتذري هيا اكبر منج بهواي مايصير تغلطين عليهه
سهى ــ بس اني ماقلطت
رائد ــ اعتذري بنتي
سهى ــ اسفه هيا
هياــ لا عادي تباوع عليه بحقاره نضراته مستفزه اني الج هيا بسيطه
هيا باعن اشتريت موبايل جديد تركته على الطبله ومشت هلا بسيطه دفرت المي على الموبايل نكع مي
هيا ــ لا عزه منو كاب مي على موبايل البارحه اشتريته
ضلت تبجي رجعت للبيت اني تخليني اعتذر منج
ماماــ هاه بنتي شلونه عبودي
سهى ــ الحمدلله تمام
دعاء ــ خالج عماد شصار وياه
سهى ــ رجع التركيا مثل مااجه
اتصل بيه مروان
سهى ــ الوووو هاه
مروان ــ شلونه نبض كلبي
سهى ــ بخير الحمدلله وانته
مروان ــ الحمدلله شلونه ابني
سهى ــ الحمدلله تمام بس شويه تعبانه
مروان ــ مابيج غير العافيه
سهى ــ من طلعتو خوما شافكم احد
مروان ــ لا محد شافنه
سهى ــ الحمدلله
مروان ــ ياله باي حبيبي
سهى ــ باي حياتي
