{بِسمِ آللہُ ألرحمن آلرحٍيَمُ}
————————————
ألليث الأبيض " سَلاسل ألوجد "
بقلمي:- مياسين الدليم.
-------------
فـي هـذه الحياة
ستواجـه الكثير من المعارك اليـومـية
ولاكن معركتك الأهم
ستكـون تلك الـذي تخـوضـها مع ذاتك
لتبـقى فيـها قلبـك سليـماً
وسط كـل الدمـار
الـذي يحـدث من حولـك
-------------
وهج: رديت على اتصالة واجاني صوته قبل لا احجي شي.
ليث:- اني اسف وهج ماكدر اجي حالياً لئن المريض الي حجيتلج عنه سائت حالته الصحية حيل ويحتاج عملية حالاً لذلَك ماراح نكدر نطلع اليوم وراح اتأخر حته ارجع للبيت لاتنتضريني
واذا حبيتي اطلعي ويا صديقاتج لاتضيعين يوم عطلتج بلبيت
وراح نأجل رحلتنا اليوم ثاني
ماكدرت احجي وارد علي حسيت بغصة بصدري اريد ابجي اتحطمت كل احلامي الي كضيت اليل كلة واني اخططلها
هذا الشي الي يصير دائماً
و بكل مرة نريد نكضي وقت ويا سوه يصير امر طارئ ويخرب كل خططنا
اني ماعندي مشكلة بهذا الشي
لئن اعرف هوه دكتور مهم جداً مو مثلي اكدر اخذ اجازة وقت الي اريد
اني اعرف هذا كلش زين واحاول اتماشى ويا هذا الأمر
حجيت واني احاول اخفي الغصة الي بداخلي
وهج:- لا عادي ماكو مشكلة راح اطلع ويا صديقاتي هاي المرة وانتَ اهتم بمريضك زين
وبسرعة قبل لايجاوبني قطعت الاتصال
جنت مضايقة حيل مو منه لا من حضي التعيس الي مرافقني وين ماروح ما ميمشي مثل ما اريد اني
دموعي صارت تنزل واني اقاومها
اصدقاء هم اكو شخص نفسي قدرة تعيس يصير عندة اصدقاء
الاصدقاء مجرد كذبة ماكو صديق بهذا الوقت الكل يماشيك الخاطر مصلحة من تخلص مصلحتة يعوفك
واني هيج ماكو شخص اله مصلحة يمي حتة يمشي وياي
فا بالنسبه اليه الصداقة شي سخيف جداً ماكو صداقة بهذا الوقت
هوه مصدك انُ اني عندي صديقات وراح اطلع وياهن
بس هوه ميدري
ميعرف انُ هوه الدافع الوحيد بحياتي ولولا هوه جانت هسه حياتي بجحيم
هوه الانسان الوحيد بهذا العالم الي مصدكني ويثق بيه ويدعمني ويساعدني ويشجعني لهذا السبب هوه قدوتي بالحياة وسعادته بالنسبه الي هيا أول اهدافي
صح اني ما استحقة هوه شخص عظيم جدأً
واعظم من انُ تحلم بي وحدة نفسي هوه يستحق زوجة احسن مني بهواي
يكفي انُ هوه من طبقة المجتمع الراقية وعائلتة معروفين
واني مجرد بنت يتيمه متعرف اهلها منوو من الطبقة الكادحة
أنت تقرأ
ألليث الأبيض " سلاسل ألوَجد "
Romance" لستُ بخير لاكن لابأس" "لم يعد في ألروح روحً تُجبر " "بكيتُ كثيراً لوحدي" " تظاهرت انني بخير وستمريت " "مَلامحي بدأت تتحدث عن الذي احملهُ بداخلي " "لَن انسى ذَلكَ اليَوم" "لَيتَني متُ طفلة" "لَيتَني لم أنجو في ذَلكَ اليَوم" "ليتني لم أستيقظ وقتها" ...
