{بِسمِ آللہُ ألرحمن آلرحٍيَمُ}
—————————————
الليث الأبيض " سلاسل ألوَجد "
بقلمي :- مياسين الدليم
{ لا تنسون التفاعل بين الفقرات فراشاتي }
———————————————
وهج:- سمعت هواي اصوات حولي لاكن ماعرفت المن ولا ميزت شنو ديكولون والرؤيه جانت شبه معدومه بس اشباح بيض جانت تفوت من فوكي
قبل ما افقد الوعي تمامً حسيت بيهم يشيلوني وحطوني على نقالة وآخر جملة سمعتها
:-دكتورة اكو بس رقم واحد على جهازها بس مامسجل المنو وماكو اي رقم ثاني على جهازها
سهام:- اتصلي علي وفهميهم بوضعها
هذا الجان ناقصني مرض هاي الفاشلة
جنت اريد اكوللهم لاتتصلون بي لأن هذا رقم ليث وماريدة يعرف بمرضي بس ماكدرت انطق ولا حرف وغبت عن الوعي تمامً
سهام:- هاا ماتصلتي فضيني
الممرضة:- اتصلت دكتورة بس محد يجاوب
سهام:- ضلي اتصلي بي مرة ثانية الى ان يجاوبون لاتسدين الخط هم فاشلة وهم ما عدها احد شلون عايشة هاي ماراح نعوف شغلنة ونكعد وياها اكيد هسة تلكي يطلع جدها المخرف و ميجاوبج
الممرضة :-
راحت سهام وهيا ادردم على وهج
:- يلا جاوب قبل لاترجع سهام ام عطوب .......
ايي الحمدالله ردو
الممرضة:-الوو
ليث:- هلا عزيزتي شبيج صاير شي مو عوايدج تتصلين بهيج وقت
الممرضة:- مرحبا عيني اني الممرضة هدى وياك انت تعرف الدكتورة وهج
ليث:- ايي اعرفها شبيها صايرلها شي
الممرضة:- بالحقيقة اغمه عليها قبل شوية وحرارتها كلش مرتفعة ردنه احد من اقاربها بس مالكينه غير هذا الرقم على جهازها وتصلنة بي حتة يجي الها
ليث:- اني جاي حالاً
سديت الخط وطلعت من مكتبي بسرعة.
اخخ منج وهج الخبلة ماكالتلي مريضة حته ما اضل يمها. اني صوجي حسيت بيها مو على بعضها بس تجاهلت الموضوع.
لازم اروح الغي اجتماع اليوم.
اتجهت الغرفة المدير وبلغتة اني ماراح احضر اجتماع اليوم. ولا راح ارجع المستشفى ويمكن اغيب طول اليوم وطلعت من المكتب بسرعة رغم اعتراضة.
وصلت المستشفى الي تشتغل بيها وهج ركنت السيارة بالكراج وقبل لا انزل لبست نضارات وكمامة تخفي معالم وجهي لأن اعرف بيها متريد احد من الناس يعرف اني زوجها قبل متحقق الي تريدة.
أنت تقرأ
ألليث الأبيض " سلاسل ألوَجد "
Romance" لستُ بخير لاكن لابأس" "لم يعد في ألروح روحً تُجبر " "بكيتُ كثيراً لوحدي" " تظاهرت انني بخير وستمريت " "مَلامحي بدأت تتحدث عن الذي احملهُ بداخلي " "لَن انسى ذَلكَ اليَوم" "لَيتَني متُ طفلة" "لَيتَني لم أنجو في ذَلكَ اليَوم" "ليتني لم أستيقظ وقتها" ...
