طلع من البيت و هو متوجه لَأهله يلي طردوه، دخل دون إستأذان و راح لَالصالة
شاف امه و هي تشوف مسلسلها المفضل بِـالتلفزيون، رنّان: هاي يما
نزت حسنا و ناظرت لِـورا و شافت رنّان واگف، گامت و وگفت گدامه و كتفت إيديها: شكو جاي؟ غير طردتك و گتلك ما تجي إلين يصير عندك شغل!!؟
هو اصلًا ما يريد يجي بس جُنان جبيره: بس اجيت اگول انة آسف... بَـاحاول الاگي شغل بِـاسرع وكت ممكن
حسنا سكتت شوي و هي تناظر لَـملامحه يلي باينة العكس: هسة انتَ ويامن گاعد؟
رنّان مشى و گعد على القنفة: وي جَنّوني...
حسنا إستغربت: رضى يطببك؟
رنّان: و ليش ما يرضى؟...
حسنا تنهدت: اوكي هسة اطلع برا...
رنّان: لا يما شلقصة، انة ولدچ و تطرديني طبيعي؟
حسنا: انتَ ما تـ-تستاهل تضل هنا لِـدقيقة، و بِـيجي ابوك بعد شوي، من يشوفك راح يبسطك(يضربك)
رنّان: ماهتم الصراحة، و غير انة ابنكم الوحيد، ما كافيلچ؟
حسنا: رملة مكفيتني...
رنّان قبض على يده بِـخفة أول ما سمع أسم "رملة" و گام و مشى متوجه للـباب: خرا بِـرملة، انة اكرهها!
حسنا: تراها اختك!! ما يجوز تكره اختك!!!
رنّان بِـغضب: هيَ مو اختي!! انة ما احبها!!!!
حسنا حاولت تلزم دموعها: تدري إنها بتي و ما لازم اتركها و تزوجت ابوها علمودها...
رنّان ناظر لها بِـقهر: ما فكرتي بية گبل لا تتزوجينه؟
حسنا سكتت شوية و نزلت راسها بِـأسف، رنّان: اجيت بس لأن جُنان اجبرني على هذا الشي لولاه چان ما اجيت... اوكي بَـاروح لأن "ابوي" ما يريدني بِـالبيت...
و طلع متجاهل امه يلي بدت تدمع، هي ما تگدر لأنها مجبرة على طرده، زوجها يلي طرده... هي حاولت توگف وي أبنها بس... بِـتهديد زوجها يلي هو عمران ضلت ساكته خايفة على حياتها و حياة رنّان و رملة
عد رنّان، رجع لَـبيت جُنان و هو منقهر من امه و زوجها المعفن، من اول ما شافه و هو عارف إن نواياه شينة...
دخل للـبيت و إستقبله جُنان يلي سرعانَ ما عرف إيش صار من ملامحه...
جُنان تقرب لَـرنّان و لزم إيديه و گال بِـهدوء: تگدر تگول وش صار؟...
رنّان عصر على إيدين جُنان و گال بِـإستهزاء: ما طاگتلي خبر... رملة مكفيتها... كوني ما رايح چان احسن...
جُنان ظل يحدق بِـوجه رنّان الحزين و المنقهر و بعدين حضنه: لا تخاف، بَـاروح انة و احاچي ابوك بِـنفسي.
أنت تقرأ
عِـشْ مَـعِي... | (bxb)
General Fictionحَـسَـنًا... كَـيْفَ إنْتَـهَى بِـي ألـمَـطَافُ أدْعُ إبْـنَ عَـمِي؟... أنَّـا أعْرِفُ ألـسَـبَب... لِأنَـه قَـالَ لِـي إنَ وَلِـدَيهِ قَـد هَـجِرَاهُ... لَـٰـكِنّـي ألآنَ عَـرِفْتُ لِـمَـاذَا هَـجِرَاهُ... ∆عاميةمثلية / باللهجةالعراقية / gay∆ الك...
