گعد على صوت المنبه مالته يدل على الساعة السادسة و نصف صباحًا
سداه و ظل مستلقي على سريره لِـلحظات بِـعقله الفارغ
ناظر لَـيمينه يتأمل إن رنّان يمه بس هو ما موجود...
أمس راح لَأهله لأنه تصالح وياهم و تركه لَـوحده
تأفأف بِـإنزعاج و گام رايح للـحمام، رش روحه و فرش اسنانه و نزل للـطابق الجوة
توجه للـمطبخ و طلع خبز مربعات و خبط بيض و غطى التوست بِـالبيض و بعدين حطاه بِـالزيت الحار
و بعد ما سوى ريوگه، گعد و ظل ياكل بِـهدوء، تنهد: صحيح إن رنّان ما يتريگ بس.. احس إشتاقيتله لمن ياكل وياي... -تاليها ردف بِـإستهزاء- دااااهه!! و كَـأني احبه!!!
بعد ما خلص اكل، رجع فرش اسنانه و لبس هدوم الشغل و توجه لَـمكان عمله
و مر اليوم بِـشكل طبيعي... بِـالنسبة لِـشكله بس عقله ظل يفكر بِـرنّان و كَـإنه راح و بعد ما يشوفه للأبد!!
توجه لَـسيارته و صعد بيها و شغلها رايح لَـبيته
يوم وصل، نزل من السيارة و مشى لَـبيته و دخل
راح لَـغرفته على طول و هو مو شايف رنّان المنسدح على القنفة يلعب بِـجواله غير منتبه لِـوصول جُنان
جُنان نزع هدومه و أخذ شاور على السريع و لبس هدوم مريحة و نزل يشوف شيسوي اكل لَـروحه
راح لَالصالة و شاف رنّان فَـإتفاجئ: ر-رنّان!؟ شسوي هنا؟؟؟!
رنّان إنتبه له: اوه، هاي جُنان!! اجيت من الشغل!!
جُنان: اي...
رنّان برر لَـنفسه: بس إشتاقيتلك و اجيت، عبالي انتَ جاي فَـظليت منتظر، و وصيت على اكل إذا تريد، راح يوصل خلال خمس دقايق
جُنان تنهد بِـراحة و إبتسم و راح گعد يم رنّان يلي عدل گعدته و طفى جواله، يريد يحچي وي جُنان اكثر: soooo... شصار بِـالشغل؟ ليش تأخرت؟
جُنان: ما صار شي، بس اكو واحد جديد توه توظف و كلساع يرتكب الاخطاء و المشكلة انة مستشاره فَـكساع اظل اصحح وراه و توي يلا اجيت، تعبت منه
رنّان حس بِـشوية غيرة: مين ذا حظرة السيد جُنان؟
جُنان: واحد إسمه احمد، مو مهم بِـالرواية!
رنّان زفر انفاسه بِـراحة و تقرب له و حضنه
جُنان إتفاجئ شوي بس إستقبل الحضن بِـصدرٌ رحب، گال بِـشقة: ما عرفتك.
رنّان إستحى شوي و ناظرله: اگدر اخلي روحي غريب عليك
جُنان إبتسم: تگدر تسويها؟
رنّان تقرب له اكثر بِـحيث بقى بعض إنشات عن شفايفهم: اي أگدر...
ما حسوا ولا الباب يندگ...
أنت تقرأ
عِـشْ مَـعِي... | (bxb)
Ficção Geralحَـسَـنًا... كَـيْفَ إنْتَـهَى بِـي ألـمَـطَافُ أدْعُ إبْـنَ عَـمِي؟... أنَّـا أعْرِفُ ألـسَـبَب... لِأنَـه قَـالَ لِـي إنَ وَلِـدَيهِ قَـد هَـجِرَاهُ... لَـٰـكِنّـي ألآنَ عَـرِفْتُ لِـمَـاذَا هَـجِرَاهُ... ∆عاميةمثلية / باللهجةالعراقية / gay∆ الك...
