الكاتبة أسـيل القيسي
لي في ملامحكِ المليحةِ فتنةٌ
لكنّ في عينيكِ حسنٌ ثاني
عيناكِ أغنيةٌ وسطرُ قصيدةٍ
أو مثلَ سحرٍ حين تلتمعانِ
كلّ العيونِ الأخرياتِ جميلةٌ
لكنّما عيناكِ لؤلؤتانُ .
طلعت من الكنيسة واني مرتاحة نفسيا ركبت سيارتي متوجهه للبيت وصلت ركنت السيارة
ودخلت استقبلتني ريحة الدولمة الي مصنوعة من اجمل ايد الي هي نبع الحنان
جُنجل: انيييي شلووون وياااج ههههه
رغد: ههههه هلا حبيبتي شلونج خذيتي علاجج اكلتي شربتي
جُنجل: اوكفي اوكفي اخذي نفس اي اخذت علاجي
صبت الاكل ورن الهجاز ردت اكوم اجيبة صاحت بية
رغد: يووم كم مرة معلمتكم بالاكل ماكو تلفون
جُنجل: اعرف مامي بس هاي سمسم لازم ارد عليهه تعرفين بتج اذا ماردي عليهه شسوي بينا
سماهر: يعنييي مطي يتصل ليش مجاوبين هااا؟
جُنجل: والله زين تعرفين نفسج مطي
سماهر: نجبي لجج اختج الكبيرة اني ترااا
جُنجل: عمي افتهمنةة والمسييح افتهمنة
ضلت تحجي وياي وية ماما سديت الجهاز منها واني مامرتاحة ماعرف عدي احساس ابد محلو تجاه زواج سماهر لان اخذت من طرف اوستااذ احمد هه
صبحت بنشاط تام ولاول مرة اكعد من دون المنبه صبحت على الست الوالدة واخذت لفة طلعت وهي توصي بية
رغد: ماما حبيبتي لاتنسين علاجج ومن يجي وقت الغداء اكلي لا ضلين فاهية
جُنجل: يووووم اني فاهية الكل محسبلي الفف حساب صرت فاهية
رغد: نجبي لج بنضري اكبر فاهية مادامج متعرفين اطبخين
جُنجل : ها كولي هنا الحجي انتِ ادورين وترجعين تردين تعلميني اطبخ يلا مع السلامة اذا اابقى متخليني اطلع
ركبت السيارة وطلعت امشي بيها على كيف طلعت من المنطقة واسرعت بيها ادري بيها حاطة جواسيس علية
دخلت للمكتب مالتي ورة شوية دخل رامي
رامي: صباح الخير وهااي احلى قهوة لاحلى دكتورة مثل متحبيها مُرةة
جُنجل: اسكت واطلع برا بلا لواكة كام يريد يطلع قبل ميطلع كلت. شكرا على القهوة .ابتسم وطلع لان متعود علية
كمت وكفت امام المراية عدلت الحمرة مالتي وشعري الي يوصل لنهاية ضهري رافعتة لفوك
طلعت وصوت الكعب يعلن عن دخولي
خلصت العمليات الي عدي وردت اطلع اجتي العبان نفس تتمختر
جميلة: هاا دوكتورة جِنجل شلونج عيني متبينين
جُنجل: دكتــورة جُنجل متفرغ لحضرتج عفتها ومشيت .
دخلت للمكتب حطيت راسي علية رفعتة على صوت المسج شفتة ابتسمت بنصر ورديت
"جاية "
وصلت للمكان المتفق علية دخلت واني انضر لكل شبر بالبيت استقبلني وهو يضحك ضحكة مقززة ومد ايدة اصافحة حطيت ايدي بمعنى وصل سلامك وعفتة ادور بالبيت
اشرلي على غرفة موجودة بالنهاية فتحتها ودخلت
انصدمت من الي شفتة عبارة عن جثة يمليهه الدم رفعت عيني علية واني خازرتة
جُنجل: انتتتتت منووو سمحلك تتصرف من كيفكك هااا؟
_ لا تنسين احنا شركاء
جُنجل: اعلمك شلون شركاء كمت علية كبل رفع السلاح علية حاولت اخذة منة حصرني جواة ومربطني بيدة ويضحك
_ ههههه حاولي مرة الثانية يحلوة
جُنجل: ابتسمت بنصر عسبالة اني هيج غبية طلعت الابرة من الردان مال البلوز وضربتة بيها وكع مغمي علية
عفتة وركضت علي الشخص الثاني صرت اتحسس بنبضة بعدة عايش
حاولت اسعفة ونحجت فتح اعيونة وهمس
_ انتِ؟ شجابج
جُنجل: خابرت الاسعاف والرئيس على الي صار امرني اطلع من المكان عفتهم وطلعت
صعدت للسيارة سقت بكل سرعة عدي وصلت على مكان معزول نزلت استفرغت وغسلت رجع صعدت كبل للبيت
دخلت على كيف كان من حسن حضي ماما نايمة دخلت للحمام غسلت روحي من القذارة
صحيت على صوت ماما وهي تصيح
رغد: هوو اني مثل العالم والناااس لاحضيت برجل بي خيرر ولا خلفة بيها خير
جُنجل: رفعت راسي يوممم نفس الاسطوانة ماتعبتي ؟
رغد: بت الزفرة كوومي لدوامج يلاااا
كمت سبحت وبدلت شسورت شعري وعفتة مفلول لبست بلوزة اوف وايت مخططة بأسود عريضة وبنطرون وحطيت من العطري المفضل لبست الصليب مالي
اني امي مسيحية وحيدة اهلةة والاستاذ الوالد مسلم ف امي صارت مسلمة علمودة وهو عافةة بعدين تعرفون ليش ف احنة اني وسماهر زوجهه مسيحي بس اني احب المذهبين ف مامختار
طعلت شافتني وصاحت
رغد: ارييد افهمم مامليتي من السبح؟
جُنجل: يومم شجاج وياي يعني هو سبح
رغد : ياأُمي غير اخاف عليج
بستهة وطمنتها ميصير بية شي وصلت للمستشفى دخلت روتين عتيادي
"سَيُرَتِّبُ اللهُ كل شيء لأَجْلِ دَعْوَتِكَ "
حبايبي بارت عنون اعذروني لان اول قصة الي ع البارتات القادمة انشاء الله اعوضكم بيباااااي
