تَـباريـح الـَسـدم

البارت الثاني

الكاتبة Mena abd aull 🧚🏻‍♀️

_الـلهـم صـل عـلـى مـحمد

_بسـم الـلّه الــرحـمن الـرحـيم

ــــــــــــــــــــــــــــــــــــــــــــــــ

أركان: عمي شبيج خبلة أنتِ وخري الجفجير راح دمرين ملابسي

حور: أستغربت من اللجهة مالته غريبة
أركان:  أعتذر مادري هذا مطبخ أول مره اجي هنا
حور: مو مشكله (عاگدة حواجبها)

أركان: أسف على تدخل بس شلون هيج لابسة بوسط حشد كامل عسكر متخافين على نفسج

حور:  وأنت شدكو تدخل ( معصبة)
أركان: داحجي لمصلحتج (يباوع بقرف)
حور:  بس لان اكبر مني ماراح اردلك تفضل اطلع برا

اركان:  تمام اسف خاف ضجتي بس حاسبج مثل اختي وخفت عليج وبعدين حرام تلبسين هذة البس

حور: اني سافرة مو محجبه أنت من وين؟

أركان:  أجيت دورة تدريبة من الأنبار لهنا

حور:  عدلت وكفتي تذكرت شمس من كالت بكر راح يجي من دوره هنا..... ءءء اكلك تعرف واحد اسمه بكر ومن الانبار

أركان:  بكر اكو هواي بكر قابل بس واحد

حور:  هممممم يلا تفضل روح اطلع لاجيبلي سالفة

اركان: تمام بس لاطردين(يبتسم)

حور:صخنت عبالك أول مره اشوف شاب

أركان:  ضليت مبتسم حسيت شعور غريب
أول مره اصادف بنيه سافرة وهيج حلوة وناعمة رغم المكان لتشتغل بي تعبان بس هي نازكه حسيت شي بصدري تحرك

بكر:  اررررركاااان هيووووو هنا هنا تعال

اركان:  شفت بكر من بعيد يلوح بيده

بكر:  لك هلا بالضلع الله يعثرك وين جنت

اركان:  يمعود دخلت بمكان غلط وصارتلي سالفة

بكر: ليش شكو؟؟؟؟؟

اركان:  دخلت على مطبخ وبي بنية بعدها شابة نوب مدلعه وفرعه. مدري وين احنه

بكر:  لاضل متخلف معليك بالعالم هنا محافظة ثانية مو نفس محافظتك اسكت وتعال خل نكمل الاوراق مالتنه يم الاتسعلامات

اركان:  امشي خوهه امشي

حور: كملت شغل وضهري احسة تكسر اجو المعاونين اخذو الاكل وزعو للجنود وضليت نضفت المطبخ وسويت جاي وكعدت اشرب كملت كوب الجاي سحبت الكرسي كعدت عليه وحطيت راسي على ميز الطعام وماحسيت بنفسي غفيت من التعب

بكر: الحمدلله كملنه يلا خل نطلع ماطول عدنه وقت نرجع بي اريد اشوف حبيبتي

أركان: يمتى لحكت تحب توك وصلت