دوو کەسی زیرەک ناتوانن ئاشق بن
خۆشەویستی ڕاستەقینە هەمیشە پێویستی بە گەمژەیەک هەیە
.
.
.
.
بە قاقایەکی بەرز پێکەنیم کاتێک نامە گەمژانەکەیم خوێندەوە
_ بۆچی جیا ببینەوە ؟ چ هەڵەیەکم کردووە ؟ تکایە پەیوەندیەکەی ئێمە زۆر باش بوو بۆچی ئەتەوێت تێکی بدەیت ؟ بە دڵنیاییەوە ئەوەش ئەزانی کە من بەبێ تۆ ناتوانم
من : هههه چ گەمژەیەکە ، قسەکانیان هەمووی دووبارەیە ئەوەش بێزارکەرە ، بەبێ من ناتوانی بژیت ؟ بەڵێ گەمژە چونکە تۆ دیلی خۆشەویستیت ! کە ئەوەش گەمژانەترین شتە مرۆڤێک بتوانێت بیکات
بەهەرحاڵ بڵێم چی ؟ خێزانەکەم ڕێگە نادەن ؟ یاهـ ئەمە زۆر بێمانایە
ئەی ڕاستیەکەی پێ بڵێم کە بێزاربووم لەم پەیوەندیە بێ مانایە ؟
بێ ئەدەبانە دیار ئەبم
دەستم کرد بە نوسین بێ ئەوەی گرنگی بە هەستی بەم
+ من ئیتر ئەمەوێت جیا ببمەوە تۆ ناتوانیت ناچارم بکەیت کە لەم پەیوەندییە بمێنمەوە !
ئەو ڕاستەوخۆ وەڵامی دامەوە
- باشە ، من گەردنت ئازاد ئەکەم بەڵام ... هیوادارم ئەوەی بەسەر منت هێنا بەسەر خۆشتدا بێتەوە نە زیاتر و نە کەمتر !
پڕ بەدەنگم پێکەنیم
بەڵام ڕاستیەک هەیە لەم کوڕەدا کە ناتوانم نکۆڵی لێ بکەم زۆر بە دڵمە
ئەویش ئەوەیە کە کوڕێکی جدیە ، بە زووی شتەکان قبوڵ ئەکات بەڵام نازانم چەنێک ئەخایەنێت هەتا لەگەڵ بارودۆخەکە ڕابێت ، هەرخۆی قبوڵکردن بەشێک نیە لە ڕاهاتن ؟
باشە با بێمەوە سەر بابەتی خۆم
بۆچی لەم کوڕە جیا بوومەوە ؟ چونکە کوڕێکی ترم ناسی
بەڵێ ئەو زیرەکتر بوو وە لە بابەتی بازرگانیدا یارمەتی دەدام ، هەرچەندە کوڕی یەکەمیش بەهەمان شێوە یارمەتی ئەدام بەڵام پێم وایە ئەمەیان زیرەکترە ،ئەگەر ئەنشتاینیش بێت هەر ماوەیەکە و دواتر کۆتاییەکەی بلۆکێک ئەبێت
نامەکەیم کردەوە
- من تۆم بە دایکم ناساند و پێم وت کە بەو زوانە دێمە داوات
چاوەکانم لە شۆکدا کرانەوە ، کوڕێکی جدیتر ؟ یانیش ساویلکەتر
+ هەست ناکەیت کەمێک زوو بێت ؟
- نا من زۆر بە پەرۆشم بۆ ئەوەی بە تۆ بگەم
قاقایەکی پێکەنینی بەرزم لەدەم دەرچوو ، کوڕەکان هەموویان بەو شێوەیە گەمژەن ؟
+ئهم
- بەڵام شتێک هەیە کە پێم نەوتووی ، ئەترسم ببێتە کێشە بۆ پەیوەندیەکەمان و تۆ پەشیمان ببیتەوە لێم
برۆیەکم بەرز کردەوە ، هەرخۆی من جدی نیم
+ مەترسە ، بیڵێ
- من پێشتر هاوسەرم هەبووە و مناڵێکم هەیە ، ئێستا مناڵەکە لەلای دایکیەتی ئەگەر هەر لەوێ بمێنێتەوە بەدڵنیاییەوە کاتێک گەورە بوو ئەدەبی ئەو مناڵە تێک ئەچێت ، ئەوان خێزانێکی باش نین ، بەڵام ئەگەر لەگەڵ تۆدا هاوسەرگیری بکەم ، ئەوا مناڵەکەم ئەهێنمە لای خۆم و پاشان تۆ ئەبیتە دایکی، ئەتوانی ئەوەم بۆ بکەیت ؟ تکایە بە باشی بیری لێ بکەوە .
ئۆهـ ، ڕاستگۆ بم کەمێک هەستی سۆزداریم جوڵا ، هەنێک قسە لە مێشکمدا بوون و ئەمویست بیڵێم ، دەستم کرد بە پرسیارکردن دەربارەی تەمەن و ڕەگەزی مناڵەکە ئەو کوڕێکی بچوک بوو ، پاشان دەستم کرد بە پیاهەڵدان و وەسفکردنی دایک کە پێویستە چۆن بێت تەنانەت ئەگەر مناڵەکە مناڵی ڕاستەقینەی خۆشی نەبێت
ئەو زۆر دڵخۆش بوو بە وەڵامەکەم ، وتی کە ماوەیەکی زۆرە بەو شێوەیە دڵخۆش نەبووە و لە دڵخۆشیدا چاوەکانی پڕببون لەفرمێسک
زەردەخەنەیەکی لارم کرد ، دڵخۆشبە ، چونکە ئەمە بۆ ماوەیەکی کەمە من لە ژیانتدا ئەبم
.
.
پێشەکیەکی بچووک
پارتەکانی داهاتوو زیاتر و بەچێژتر ئەبێت
YOU ARE READING
ئەزمونەکانی ژیانم
Romanceهەموو مرۆڤێک بە ئەزمونە جیاوازەکانی ژیاندا تێئەپەڕێت ، بەڵام ئەو خاڵە جیاوازی دروست ئەکات کە تۆ چۆن کاردانەوەت بۆی ئەبێت و ڕووبەڕووی ئەبیتەوە بەڵام ئەو شتەی کە نابێت هەرگیز لە بیرمان بچێت ، هەر کارێک بەرامبەر هەرکەسێک بکەین بە دڵنیاییەوە ڕۆژێک بەسەر...
