شُمْسين

شُمْسين -4-

☀️
2014
2015
2016

————

قبل ثـلاث سنـوات
2014

"مُطلع مُعدل عالي 92٪ ، ليش مُتنقلي المدرسة مال مُتميزين!؟"

تكُلمت مديرة المُدرسة الابتدائية مُخاطبة والدة آزاد ، لكُون آزاد تفوق بـ السادس الابتدائي وطلع مُعدل عالي وبما انو المدرسة مالتها حدها للسادس الابتدائي اقترحت عليها تُنقل آزاد المدرسة مال متميزين!

"لا ماريد اضغط عليه من ناحية الدراسة ، انتِ تعرفين كمية الضغط الي صير بـ مدارس المتميزين"

نطقت ورود أم آزاد بـ سبب الاول ، اما سبب الثاني فـ هي تخاف على آزاد بـ شكل وما صُدگت المدرسة القريبة يمهم يتكمل بنائها وتنفتح حتىٰ تنقله بيها

وهذا الحوار البسيط چان ديسمعه آزاد الي واگف بره منتچي علىٰ الحايط القريب من مكتب المديرة ، يفكر بكُون هايه اخر مرة يشوف بيها هايه المدرسة الي مچان الوضع بيها حلو عليه من ناحية هواية امور بس گدر يتأقلم وتعرف علىٰ اشخاص خوش بيها بس يعرف تنتهي مُعرفته بيهم بـ انتقاله المدرسة ثانية!،المدرسة الي امه حتىٰ مأخذت رأيه اذا يريد ينقل بيها او لا ، بس مثل كُل مرة ومثل هواية امور هي تريد وهو ينفذ ، يُمكن لان يشوف نفسه ماعنده شى يريده اصلاً فيخلي الامور علىٰ امه!