~ اجرام

بارت (2)

طبعن بس حجي احنه عل ما كد صفنه اجتنه مدرسه الي اكرها هاي فد وحده (كحه) كل ماشوفنه تباوع صفح وتروح وشوف بنات نازلات عليه بل حجي عشره بألف باوعتلي وكاالت كومي
بنين.. نعم ست
_كومي شرحي هذه الموضوع
اني احجي والبنات يردلي لان فاتحين الكتب وكاعدين اخر رحله وشعبته بيه 82 طاالبه شرحت وكملت كعدت جان درس اخير طلعنه اني والبنات بعدين تفاركنه هنه راحن واني كملت مشي دخلت وامي جانت تحجي عله تيلفون جاي اصعد لغرفتي وهيه صاحت كلت بكلبي راح يبلش التحقيق

دجله... وين جنتي
بنين.. عل نهر دجله
دجله.. بدون تمسلت وين جنتي وليش تأخرتي يلا اجيتي
بنين.. اخذونه درس اضافي واني اجي مشي للبيت مو بطياره
دجله... دبلا امشي بدلي واقري
_اني كلشي مافتهمت من حياتي من وعيت عله هل دنيه واني بس اقره ودراسه راسي راح ينفجر صعدت بدلت وطلعت كتبي ماعدنه كلشي بالجدول عفته ورحت نمت كعدت وي اذان المغرب صليت وتعشينه ورجعت نمت كعدت صبح ساعه 6:15 نزلت صليت ولكيت بابه هنا ورحت سلمت عليه وبوسته
بنين.. شلونك بابه
محمد.. الحمدالله بنيتي ونتي شلونج دراستج شلونه
بنين.. الحمدالله بخير شنو جبتلي وياك
محمد.. يا شلون نسيت
بنين... ياصدك والله زعلت
سويت نفسي عود زعلانه شويه واجي يصيح
محمد... ها الفستان الابيص المن
بنين.. اليه موو
محمد... ايي
بنين... يمهه يابه احبك والعباس
محمد... هههه واني هم احبج