جنه رايحين اني واخوي للمستشفى حته نفك لزرارات ومن رجعنه لكينه ناس ملتمين بالباب وصياح دخلنه
بنين... شكو شنو شصاير شكو
بعدني مامكمله حجي واشوف تابوت عله كاع
بنين... شنن شن شنو هذاا
جاوبتني مره جبيره بالعمر
_عمت عيني عليج يخاله تيتمي وانتي بعمر الورد نصدمت من حجيها شنو تيتمت بعمر الورد
بنين... خاله شجاي تحجين وشنو هذا الي بلكاع
حور... لا تصيرين غشيمه تره ابوي ابوي مات
راح من اديه بعد ماكو اب راح
نصدمت ماعرف شنو اسوي او احجي ضليت جامده وصافنه بمكاني لحد ماجاني امير
امير... بنين تسمعيني بنين احجي شي
بهل اثناء عطت بوجهه
بنين.. امير ابوي ابوي مات راح من اديهه ابوي امير حباب كله خل يكوم والله بعد ما اشلع كلبه واصير حبابه والله حباب حاجي
امير ببجي... حبيبتي اهديي مابيدي شي
عفته ورحت عل تابوت اصيح
بنين... بابه حباب حباب كوم والله مالي غيرك بهل دنيه بابه حباب عليك الله كوممم ماتحملت نهاريت حيل صرت الطم عله وجهي ملخت نفسي نهاريت حيل ماعرف بعد ماكدر اشوف شي كدامي
حور... حاولت اكعده ماتكعد ذبينه عليها مي كعدت شويه تفتح وتغمظ بعيونه بهل اثناء حاولو يطلعون تابوت من البيت وهي ماعرف شنو صار بيه صارت تصيح عليهم ماتقبل ياخذونه صارت تصيح
بنين...وين ماخذينه وين هذا ابوي مايعوف بنته وحده ويروح ماتاخذونه بابهه حباب كوم كافي نمت هواي حباب لتعوفني كوم اني بنتك شلون ينطيك كلبك تعوف بناتك وتروح شلون
حور... نهارت حيل صارت تملخ بنفسه حاولنه نخليه تهدء وفجئه اغمى عليه صعدناها للغرفه خلو الناس تروح وناس تجي اني حيل منهاره بس احاول ابين انو اني قويه ضلينه اسبوع عله هاي الحاله بنين كاعده تبجي ومنهاره واني لازم ما اتأثر واكون قويه مره شهر عله وفاه ابويه بنين تغيرت جذريآ وامير صار مايجي بس بليل واني ملتهيه بل دراسه وامي بس كاعده بالغرفه وملتهيه تحجي وي اختها لحد ما اجه يوم من الايام اتصلت خالتي وكالت راح نجي الكم رحت كلت لامي
حور... يمه خالتي دكول راح نجي اليوم
دجله.. هلا بيه يمهه
فد ساعه وراح امير حته يستقبله وفجأ نسمع صوت عالم ملتمين عرفنه انو صار حادث بس ماعرفنه منو الي سو الحادث
بنين بخوف... شكو شنو هذا الصوت امي وين
حور... لا ماكو شي بس صار حادث وامي وامير راحو وي العالم
ضلينه بالبيت احاول الهي نفسي للعصر حيل لا امير ولا امي ماكو اتصل على امير
حور... الو ها امير وينكم تأخرتو
امير... راح نروح يم خوالي اليوم بليل مانجي يمكن نضل يومين ويمكن تلاثه ماعرف
حور... ماشي زين امي شلونه
امير... زينه مابيه شي يله باي
سديت الاتصال من امير ورحت اسوي عشه خلصت طفيت الطباخ شويه واذن رحت صليت خلصت صلاتي جيت اكل ورحت اصيح ل بنين
حور... بنين كافي حابسه نفسج بالغرفه تعالي خل ناكل
بنين.. ما اشتهي
حور... بنين حبابه تعالي عاد بس اكعدي يمي بل مطبخ
بنين.. لا تلحين جايه
قنعتها تنزل وتاكل بس شلون اغير نفسيته وحته ترجع للدراسه ضليت عله هل حاله احاول اضحكه اغير نفسيتها اسولف وياها دائما وطلع اي حجه حته اخليها تندمج وياي وتسولف تغيرت بنين للاحسن صارت تطلع من الغرفه وتمشي بالبيت وتضحك وتسولف بس ماتخطت ابوي كلما تذكره تبقه تبجي
مر اسبوع وامي وامير ماكو ما اجو للبيت
حور... اكلج بنين
بنين.. ها كولي
حور... شو امي وامير صالهم اسبوع يم خوالي وامير كال تلاثه ايام ونجي وصار اسبوع وهمه ماكو
بنين... اتصلي عليهم
حور... ماشي
بس ماشلت تيلفوني اريد اتصل عل امير ندك الباب
بنين... سدي الخط يمكن اجو
حور... راح افتح الباب واشوف
رحت فتحت الباب دخلو امي وامير وجوهم ماتتفسر
حور.. ها شكو شبيكم
بعدني مامكمله ودخلن بنات تلاثه حيل حيل حلوات ضليت صافنه بيهن وبنين صافنه تباوع عليهن وبوجه الففف سؤال
حور... منو البنات
محد تكلم
حور.. الوو احجي وياكم منو البنات
امير... ذني بنات خالتي افراح وامل وشفاء هنه بعمرج انتي وبنين وراح يعيشن ويانه لان خالتي الله يرحمه توفت
بنين وحور... شنووووووو
أنت تقرأ
~ اجرام
Mystery / Thrillerمن تجسني شفايفك تاخذني غيبة ومــن ترشني بمزنتك ولهــان افـــز بقلم الكاتبه بنين البشير ❤️🔥
