(ساعتين ونص )دانيال 💔

Part 2تكملت

توضيح :معنى كلمة اسيادي يعني عمامي  او خوت باتي
،،،،،،،،،،،،،،،،،،،،،،،،،،،،،،،،، ال مشدقهه،،،،،،،،،،،،،،،،،،،،،،،،،،،،،،
سها اتكر فيها جارتهم ام الخير من يدها عشان يرقن للصطاح مع باقي الجيران عشان يزقبوا للعمارة الي وراهم لانها واطية شويا خايفين الجزء الثاني من العمارة ينهد عليهم
جارهم وصل لباب الصطاح كان في حاجة مصكرته من برةمبش ينحل
جارهم :الصطاح مصكر شن انديروا توا ، المية بدت ترقى علينا
جارهم الاخر : فوق مطر قوية شن بنديرو معانا بنات صغار وصبايا  يا راجل
جارهم : خير من نغرقوا في العمارة  تو نزقبوا من ساس العمارة علي العمارة إلي ورانا اوطا منه بشويا  وبعدين ايحلها الف حلال انشاء الله

سها مزالت في حالت صدمة امها ماتت قدامها ادموعها ينزلن بلا صوت  كانت مصدومة في جارهم الي مراته ماتت مع امها كيف صابر ومزال مستمر ايطلعهم  وخايف عليهم كلهم  💔

سها (منظر ماما قدامي وهيا الصقف والحيط ايطيح عليها مزال بين عيوني كانت مصدر أمان بالنسبة ليا فكرة اني نعيش بلا ماما هذي حاجة مجننتني كيف بنعيش بلاها هيا الشخص الوحيد الي تقبلني وحبني  راحت وسيبتني  كنت متمنيةالموت بدالها لحظتها نبي نعيط مش قادرة كأن رقبتي ملفوفة بتلولة توجع فيا  قلبي مكبوت مشقادرة نعبر يعني خلاص توا قعدت بدون ام وين بنمشي من يبحن عليا بعدها لابات  لا اخ لا اخت لا جد ولا جدة لا خالات ولاعمام. مقطوعة من شجرة هضا عليش قلت اني مش حنعيش بلاها 💔💔)
قعدوا الجيران يكسروا في باب عشان يطلعوا منه لان لو قعدوا هكي حيموتوا
:هي 1 2 3  اخبطو الباب وانفتح الباب وقعوا إيرقوا في عزايز بعدها الصبايا
ام الخير :هي سها هي يمي صبي عشان خاطري يا بنيتي الله يربحك هي 
سها في عالم ثاني تبحت فيها وادموعها ينزلن منستهة فيها
ام الخير قعدت اتكر في سها من يدها واتكر في بناتها الصغار معاها نن رقتهن للسطاح
وصلن فوق وكان الجو مطر قوية وحالة ميعلم بيهاالاّ ربي والدنيا ضلام
سها كانت مش لابسة شي فيت توتة كم خفيفة وكذالك البنات الي معاها والصبايا ملايات صلاة علي روسهن  وايتراعشن من السقع الي يصب فوق روسهن
،
سها ،،: بعد رقينا فوق كانت الدنيا ضلام السماء فيها كيف الخط الابيض قاسمها بالنص بس خفيف بكل  مقدرتش نشوف شي قدامي ام الخير تكر فيا من يدي  وبناتها واتعاني فينا وانا مش حاسة بشي كنت نرعش من الصقع ادموعي كيف المطر مكفنش بكل  قعدت انقول حتى كان متت والله مفي واحد امدورني سوا حية او ميتة نفس الشي  وجعني بنات عمتي ام الخير الصغيرات وحدة منهن لابسة مالية نص كم وترعش ووامها مش فاطنتلها من الهرجة والمطر كان عمرها ثلاث اسنين خذيتها قعدت مضبطتها بلكي تدفا شوي معنى عارفة انها مش  حيسيرشي بس يمشي حال البنت قعدت مترسة في رقبتي وترعش
سيبتهم يهلبوا لحافة السطاح وتلفتت اندور في شي حاجة نغطيبيها البنت لانها حتموت هكي : ياربي  اي حاجة انغطي بيها هل بنية الصغيرة وو عليا صقع  اسس يا ماما ها خلاص اسس عارفة صقع ياروحي بس تحملي شوي
تلفتت لقيت منشر منشور عليه دبش جنب المخزن في السطاح فوق منه زينقوا كان الدبش مبلول بس مش واجد لقيت عليه ماليةً رقبة متاعت بنية  كبيرة شويا  عالبنت بس المهم تدفيها لبستها الها ولحقتهم
،
،
(طبعا حتقولن كيف ام الخير اتعاني فيا انا ومش مركزة علي لبس بناتها ام الخير عندها 6بنات  وعيلين كبار وصغيرات كلهن  تجري تعاني فينا كلنا وايتباكن كلهن وخاطي من بنات اختها  ال 2 الي ميتة ومسيبتهن عندها  يعني طبيعي مش حتفطن لشن لابسات المهم عندها انهن ايعيشن )
زقبونا كلنا للعمارة الي ورانا خايفين علي عمارة ال نحنا فيها تنهد خصوصاً ان هيا في  منطقة الي نفجر فيها السد اماّ العمارة ال نطينالها كانت أئمن شويا عالى الاقل  طبعا كان في سهولة شويا في النط لأن مش فراغ كبير بس خفنا عالعيال الصغار لان  الجو والمطر والريح القوية كانت مش مساعدة بكل يعني وانتي تنطي في اي لحضه اطيحي تحت اتريحي فيها لان الفراغ الي بين العمارتين كان مليان امية تجري يعني كن طحتي حتخبطي تحت
جارهم : خلي الصبايا الكبار قبل بعدين الصغار بعدين نحنا عشان  انتحكمو فيهم هي يا حاجة مدي يدك وحيدة وحيدة
جارهم اللخر : راجي العزوز كيف بتنطً فراغ ميسمحلهش راجي خلي ندور عصا ولا زينقو ولا اي حاجة
وفعلا قد ايدور وقعدنا كلنا ندورو معاه نن حصلنا فردة دولاب لوح مكسورةطويلة شويا
جارهم : اهي لقيت راجي خلي نحطلك هذ يا حويجة
الحاجة : بالشويا يا ولد را انطيح بالشويا الله يربحك يالله بسم الله توكلت على الله ولا حولى ولا قوة الا بالله
وخلوها تمشي علي فرة الدولاب نن وصلت علي خير وسلامت وارتسمت علي وجوهم ابتسامة فرح كلهم بالنسبة الهم هذي حاجة اتفرح  انهم اقدرو ايساعدو حد ميموتش 🥀
هلبوا العبال الصغار كلهم بعدين جت سها لتهلب وترددت لحضة بعدين صبت علي لوحة  وقعدت تمشي بالشويا خايفة اطيح كانت اللوحة جاية علي حافة الساسين يعني مش طويلة واجد طولما انتي تمشي عليها وهيا اتحرك نن اتحسي نفسك بطيحي
بيها بعد اكثرة حركت اللوحة لان هيا ترعش وزادتها الريح الي تدف فيها وقفت في نصها وقعدت مضبطةايديها وتبكي :حنموت حنموت مش حنقدر حنلحق ماما  مش قادرة انتحرك  نبي ماما ونهارة  بكاا
جارهم :خلاص اقريب توصلي غر معش ترعشي بس اهو هانت يا باتي خطوتين هي سلم ابنيتي
ام الخير تبكي : هي يا بنيتي اهلبي تربحي ديريش فينا هكي انتي الوحيدة الي قعدتي  عشان خاطري انا
سها ترعش كلها وتبكي  :هي هي هي ................
،،،،،،،،،،،،،،،،،،،،،،،،،،،،،،،ال  مشدقهه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند زوا :؛
بعد طلعنا عمتي من الڤرندا  سيدي قعد ايشوف فينا كلنا قاعدين ولا
سيدي : كلكم قاعدين صح ولا اية اكديلي علي العيال الصغار ترا
عمتي اية : لا كلهم قاعدين  انشاء الله
انا تلفتت انشوف فيهم شفت ان ولد سيدي الصغير مش قاعد  :  حي ولد سيدي  ،،،، ،الصغير مش قاعد را
تلفتوا اسيادي وبابا وامه وقعدوا ايدور فيه كلهم وايضبحوله
مرات سيدي الصغير قعدت تبكي ومنهارة  :  ولدي وين حي عليا ولدي غرق ينعليا ولدي دوروه لياا 
وانهارة ابكا
قعدنا انضبحولا بصوت عالي نن رد علينا  احمد : اهوا صوته تحت يا باتي في دور التاني
امه صبت :ينعليا اوليدي جيبوه ليا جيلوه ليا انا وليدي حي عليا انا حي
طبعا العيل عمره خمس اسنين كان حاصل فوق السخانة وقت خشت الامية علينا شلاته للحمام وترس في سخانة
حنحكي شن صار مع اجديدة وعماتي تحت بعد خشت عليهم الامية
(اول مخشت عليهم الامية لما نزلو بابا واحمد الامية طلعتهم برة  واتجي بنبة الغاز شاياتها الامية  عرضت عليهم تردهم جوة اخرى وتخبطهم وهما مترسين في بعضهم زين  نن شالتهم للكوجينة وعمتي طلفتها الامية برا للشارع قعدت اتقاوم في الامية وادف فيه وردتها جوا عرف من النخلة علقها في ستارة الصالة وجديدة ومرت سيدي وبنت سيدي الصغيرة طفخ بيهن المرقد لعند الصالة وجديدة قعدت معلقات في الثرية  وجديدة تعيط :احفادي وين اعيالي  بناتي وينن وينكم ؟
وعمتي ايه قاعدة في دار هيا وولد اختها حاطته فوق اكتوفها خايفة منه يغرق وقاعدة جنب الباب فجأة الباب اصكر علي يدها كسرها الها  من قوة الخبطة نن عظمها طلعن عمتي خذتها للامية لدار الضيوف وسكرت عليها الباب حصلت جوا وعمي الصغير كان معاه ولده و
بنته الصغيرين  طاحت عليهم المكتبة تكسرت عليهم وهو بدا يفقد الوعي بنته قعدت تعيط
بنته :بابا نوض متسيبنيش بابا يا بابا
وولده بعد باته بدا يفقد في الوعي فلت من يده وجرفاته الامية لعند الحمام وعلق فوق الصخانة
،،،،،،،،،،،،،،،،،،،،،،،،،،،،،،، ال مشدقهه ،،،،،،،،،،،،،،،،،،،،،،،،،،،،،،،،،،،
ام الخير :هي سلم بنيتي وحدة وحدة هي بالشوية انتي امانت امك عندي هي سوية منبش نخسرك زي مخسرت امك
سها :(بعد سمعتها تحكي علي ماما  اذكرت كيف طاح عليها السقف والعمارة طاحت بيها كنت نبي انط بلكي انموت ونتريح كيف بنعيش بلاها بس قعدت نبكي بحرقة كأن حلم كيف ماما تموت ماما تموت وتسيبني ماما وقت نفرني العالم هيا الي صبت معايا كيف بنعيش بلاها كيف بنعيد  العيد بالها كيف نعدي المدرسة بدون دعاها ليا كيف نبي انوض بروحي  ونصيم بروحي كيف بنعيش بروحي كيف بنطيب بروحي ليش هكي يصير معايا قعدت فوق الوحة نرعش وانفكر في هضا كلا )
قدمت خطوة وحسيت الوحة حطيح بيا قعدت نمشي بشويش نن وصلت للجيهة الخرة ولحقتني ام الخير تجري اضبطتني وقعدت تبكي معايا
ام الخير : الله غالب يمي الله غالب قضاء الله وقدره منبوش انغيرو في حكمة ربي شي نحنا ربي كاتبلنا هكي يصير معانا هي خلي نمشو للعمارة الثانية وساعديني في البنات سلم بنيتي معش عندي جهد رد بالك من فرح بس ( هذي  صغيرة الي لبستها ماليا )
سها :  اه ه ه يا خالتي حاجة تحرق فيا من جوا في قلبي مش قادرة بلاها كيف بنعيش انا هذي امي راه امي من ليا غيرها 💔
ام الخير : الله غالب يا بنيتي  الله غالب 💔
نزلنا للشقة الي في العمارة كانت المية فيها واصلة للدور الاول بس نزلنا من السطاح وقعدنا في الدور الثاني  مع عيلة كانت غادي نن تخف المية الي برا والسيل الي ملا الدنيا وهضا كلا مكنش عارفين حجم المصيبة الي صايرة برى وحجم الدمار كنه نحسابوا البحر خش علينا اصلاً لان هضا كان اكبر مخاوف هل درنة
فجأة بدون سابق انذار نسمعوا حاجة كيف القنبلة اقوى من الصوت الي قبله امبدي كإنه صاروخ نن نهزت الارض  الجارات قعدن يدعن واللرجالة حلو الرواشن وقعدوا ايكبرو الدنيا شالت يوم كأن قيامة  البنات الصغار يبكن الي هضا خايف من الموت الي مش متوقعينها سيارات اتشيل فيهن الامية شجر مقلوع من مكانه  متحقش شي فيت لما سما فجاة تضوي وفجأة تظلم
فجأة بدون سابق انذار الامية تدلف العمارة من لاورة كسرة قزاز الرواشن وخشت علينا في الدور التاني كانت كأنها موجة تخبط في سفينة واطيحها الامية كانت جاية بكل قوة شايلة شجر وسيارات وحيط وطين علي ناس كأن تسونامي بس في ليبيا  💔
المية من قوتها وخشتها فجأة معطتنش فرصة انتحركو انا ملقيتش روحي الإ الامية منطرتني لوحدة من الديار الامية خبطتني خبطتني نن فقدت القدرة اني نتحرك فشلت من قوتها قعدت انعيط ونسمع في بنات عمتي ام الخير ايعيطن  معش نندري علي شي نن لقيت  بنية صغيرة تعيط جنبي قعدت ماسكة فيها والامية طلعتني من بلكوني الدار  انا والبنت الي كنت فيها وشالتني للشارع كانت مش امية بس كان فيها حيط كسرلي عظام  حاولت كم مرة نمسك في كم حاجة جنبي علي عامود علي سيارة بس مقدرتش الامية ترفع فيا واتنزل اتا والبنت البنت معش قدرة فلتت مني من قوة الاميه
البنت  تبكي : امسكيني بنطيح بنطيح يا ماما يا ماما نبي ماما انا نبي ماما
سها  تبكي :  خليك ماسكة في رقبتي متطلقينش متسيبيش رقبتي الله يربحك تو نمسككً
الامية من قوتها البنت فلتت ايدها وخذتها معش شفتها وانا  شالتني الامية لعند شارع الفنار وعلقتني في شجرة من شعري قعد شعري الحاجة الوحيدة الي ماسكة في الشجرة
سها  تبكي : ساعدوني اه ه شعري يا ربي انا بنموت يا ماما يا ماما وينك تعبت انا اه اه
خبطت في كراعي سيارة وهيا شايلتها المية انفصعت رفعت روحي قعدت ثابته فوق الشجرة وكرعيا اتخبط فيهم الامية  فشلت عن الحركة معش ننددي علي شي عمتي ام الخير شن صار فيها ولا بناتها ولا جيرانا في العمارة العزوز الي كانت معانا مشفتش حد فيهم الحاجة الوحيدة الي سمعتها اعياطهم قبل مطلعني الامية
،،،،،،،،،،،،،،،،،،،،،،،،،،،،،،،،،،،،، ال مشدقهه ،،،،،،،،،،،،،،،،،،،،،،،،،،،،،،،،،م