الباب الي يطل عالجنان مصكر بالاثاث الي كان مالي الدنيا والميه شايلة كانت المية واصلة لأركابنا في دور الاول بعد مجفت تعتبر 💔
قعدوا اسيادي ايكسرو في الاثاث عشان ايطلعونا ويسعفوا عمي الي شبه ميت وعمتي الي يدها مكسورة طلع علينا الصبح ونحنا نكسرو وانفتح الباب لاكن الصدمة كانت هنا 💔
بابا حط ايديه علي راسه :لا إله الا الله لا ياربي لا اه💔
قعدنا مصدومين من المنظر الي قدامنه الدنيا ممسوحة مسح الجثث في كل مكان الحواشين الي جنبنا مش قاعدات العمارات طايحات الكل كان يحساب البحر خش علينا لان الموج كان عالي لاكن لا 💔
انا :مزلت مصدومةانبحت في جثث كيف ماليات الدنيا والدنيا غارقه بالميه 💔
كرني خويا احمد :هيا ساعدي امك وحنك وهيا اطلي هيا خفو ارواحكم
انا انبحت فيه زين ومزلت مصدومة :اكيد حلم صحح مصارش شي صح
احمد بعيون مدمعه : هيا اطلن الله غالب قضاء الله وقدره الله يرحمهم لازم تكوني قويه عشان امي وخوتك الصغار
انا بحتت في خوتي الصغار كيف خايفين وايتباكوا وماما الي قاعدة في عالم تاني 💔
طلعونا اسيادي وبابا قعدنا نمشوا بين الجثث وانا مصدومة ولا دمعة انزلت مني انبحت في محلات والعمارات كيف طايحات والارض كيف ممسوحه كأنها مسكنها حد 💔
طلعنا بدبشنا يلي علينا منصدمين من المنضر الي قدامنا كأن فلم رعب كأن غضب ربي نازل علينا شي ايخليك تبكي تلفتت لعماره بن طاهر انصدمت العماره مختفيه ملهش اثر نهائي وعماره عيت شلوف عيت العوامي عيت الطشاني عيت حصاني وعيت بن خيال عيت عزوز 💔ملهمش اثر لا هما ولا عماراتهم💔 عائلات كامله اسكرن ملفاتهم والمرعب اكثر عمارة الاوقاف انشالت شيل من الارض أكبر عمارة في درنة تقريبا من ايتوقع عمارة زي هذي ياخدها السيل 💔المحلات بهلهن اقبور الصحابة الحاجة الوحيدةالي قعدة الجامع امّا الباقي شي امتسح عن وجه الارض
قعدت نمشي بين الجثث وانا كأني في عالم ثاني شريط حياتي مر قدامي كلا 💔
،،،،،،،،،،،،،،،،،،،،،،،،،، ،،،،،،،،،، عند سها ،،،،،،،،،،،،،،،،،،،،،،،،،،،،،،
سها بدموع :لا ياربي لا قعده اتعيط بهستيريه لالا لالا علي بحت فيا علي نوض علي ورأس علي نوض والله معش إنزعلك وتمسك في راسه وتضبط فيه ،نوض مزلت نبيك ليش سيبتوني كلكم نوض يا علي حرام عليك والله انحبك نوض علي نوض سيبتني انت وماما لمن خليتوني اه ه💔💔💔💔💔💔💔💔💔 ياربي ليش ايصير فيا هكي تعبت انا تعبتتت معش نقدر خوذني وريحني خذيت الي نحبهم كلهم ماما 💔وبابا 💔 وعلي 💔 شن دايرة انا من ذنب شن دايرة اهه ياربي وتقعدت تخبط في وجها بهستيرية ،لالا لالا ووو عليا لا لا وتخبط في كرعيها
جارتهم الي تسكن مقابلتهم مضبطة اعيالها واتبحت فيها وتبكي 💔
،،،،،،،،،،،،،،،،،،،،،،،،،،،،،،،(ال مشدقههً)،،،،،،،،،،،،،،،،،،،،،،،،،،،،،،،،،،،،،
فلاش باك 🎬🎬
9/9/2023
ماما :عدي خشي الدبشش اكيد تمطر
انا :هي اشويا بس
بابا :يستر الله وخلاص قالو عاصفه جايه وقالو درنة حتكون اكثر المدن المتضررة وحتى فضوا المناطق الي عالبحر مرات ايخش عليهم الموج عالي اصلا ًلاقدرالله
ماما :تو نصبي بروحي مينعبش عليك في شي
انا :ها صبيت
طلعت للبلكوني كان الجو مسقع واترشرش بادية بحتت في السماء لقيتها حمرة ! مايله للبرتقالي
عقدت حواجبي :ماما تعالي حقي السماء حمرة
ماما صبت واقعدت اتبحت فيها زين :يستر الله وخلاص ربي ايمشي هالعاصفة علي خير
خشينا جوا وتغدينا ومشا اليوم عادي مغيم فقط يستعد للعاصفه وجت عمتي الي تسكن في بنغازي هيا واعيالها
أنت تقرأ
(ساعتين ونص )دانيال 💔
Fiksi Umumروايه ليبيه تحكي علي صار في درنه بتاريخ💔 10/9/2023 💔التاريخ الي غير حياة ناس واجد وماتوا فيه الالآف المواطنين وسبب عاصفة (دانيال )💔 ومننسوش اهمال الدولة الي إلها يد في الي صار من ايقول ليبيا ايصير فيها هكي 💔 ناس واجد ماتت ملهمش ذنب في الي يقول...
