نوف: يبه أنا بخلص جامعه وطموحي عاليه و مومستعده ل الزواج
خالد عصب:خلاص ماعندي بنات يكسرون كلامي اليوم تجهزي يجون يخطبون
قام الاب من الاكل وترك بنته تبكي
فز ناصر على بكي اخته وراح حضنها وقال ماعليك وانا اخوك مو صاير الا الخير
نوف: مابيه ياخوي مابيه أنا مو قادره على مسؤلية بيت وعيال
ناصر: دام اخوك حي لاتخافين وانا اخوك
ارتاحت نوف من كلام اخوها لئن هو سندها بعد الله
جاء اليل وجو الخطاب
ابو زياد: ماراح نلقى احسن من بنتكم نوف ل ولدنا زياد
خالد: هاذي الساعه المباركه وهاذا الشرف لنا و ماراح نلقى احسن من ولدكم زياد
تمت الخطبه على خير ونوف ماطلعت من الغرفه
خالد: وين نوف ماتجي تتعشاء
نوره: تقول مالها نفس
خالد: وش الي مالها نفس نادوها بس
ناصر: خلاص أنا بروح
راح ناصر ل اخته وطق الباب
نوف: مين
ناصر: أنا ناصر
نوف: ادخل
ناصر: اهو الحلوه تبكي
نوف: مالي خلقك
ناصر: اقول امسحي دموعك وتعال تعشي
نوف: مالي نفس
ناصر: إذا ماجيتي ماراح اكل
نوف:نا..
ناصر: ولا كلمه وتعالي يلا
نزلو ناصر ونوف وتعشو
بعد فتره طلعت نتايج نوف وجابت F يعني رسبت
نوف كانت تبكي بغرفتها ودخلو عليها اخوانها
كلهم قالو بصوت واحد: نوف وش فيك
نوف: رسبت
نايف: وين الي تدرس ليل ونهار
ناصر: نايف اسكت وش فيك ياخيتي
نوف: التفكير لعب فيني و ماقدرت اذاكر زين
منصور: تفكير ب وش
نوف: ب زياد و الزواج مابيه مابيه
ناصر: حنا اخوانك وعزوتك يانوف يعيال اجلسو معها شوي وبجي
في الصاله كانو قاعدين العنود و ام ناصر و ابو ناصر
ناصر: العنود روح عند هند شوي
العنود: ليه
ناصر:بكلم امي و ابوي
راحت العنود وبقى ام ناصر و ابو ناصر
ابو ناصر: وش عندك ياناصر
ناصر:يبه ليه دمرت اختي
ابو ناصر: دمرتها؟؟؟ دمرتها ب ايش
ناصر: بزواجها من زياد يبه البنت ماصارت تذاكر وماتاكل كله من الزفت زياد
ابوناصر:لا والله تبي تقول اني الغلط عشان زوجتها
ناصر: لك الحشيمه يبه بس كنسل فكرة الزواج لين اختي تقدر تمسك مسؤليه
ابو ناصر: من انت عشان تعلمني انقلع عند زوجتك
طلع ناصر من البيت وراح عند زوجته سهام
سهام: وش فيك حبيبي متضايق
ناصر: ابوي طردني عشان دافعت عن اختي
سهام: منجدك ناصر اوكي اختك احترمها بس ذا ابوك
ناصر: يعني تبيني اشوفه يدمر اختي واسكت
سهام: لاحول ولاقوة الا بالله
عند نوف ونايف و منصور
نايف: نوف خلينا نطلع نغير جو شوي
منصور: اي والله فكره يلا نوف
نوف: لازم
منصور ونايف:اي
نوف: تمام بلبس وبجيكم
طلعو نوف وأخوانها يتمشون واستانسو مع بعض ورجعو لبيت بعدها وكان مستقبلهم ابوهم
خالد:.......
