عزوتي

ناصر

اول يوم  بعد زواجهم
زياد: توك تصحين
نوف: اي متى اصحى تراني نايمه الفجر
زياد: الحرمه السنعه ماتنام لين الظهر

قام زياد من الاكل وطلع برا البيت وترك وراه نوف منصدمه من تصرف
قعدت نوف ترتب البيت ومن التعب ارتاحت شوي ونست تسوي الغداء
رجع زياد البيت

زياد: ورجعتي تنامين قومي
نوف: زياد الله يخليك تعبانه
زياد: وش الدلع ذا قومي
نوف:تمام
زياد: سويتي غدا
نوف: لا ماسويت
زياد واهو معصب: وليه ماسويتي أنا اطلع واشتغل وانتي جالسه رجل على رجل

عدا شهرين على زواجهم و نوف ماشافت يوم حلو نوف لها شهرين ماشافت اهلها

عند  ابو ناصر

ناصر: عيال تعالو
منصور ونايف: وش تبي
ناصر: أختنا لها شهرين مازارتنا ولا كلمتنا معقوله صاير شي
منصور: لاتوسوس موصاير شي
نايف: ناصر صادق يمكن صاير شي
تعالو خلونا نروح بيتها

ناصر: هلا ب النسيب
زياد: ياهلا وش بغيتو
ناصر: جاين نشوف أختنا
زياد توتر: ها نوف طالعه مع صديقتها السوق
ناصر: من متى نوف تطلع سوق
زياد: كان ناقصها شي وطلعت
ناصر: خلاص إذا رجعت خلها تكلمنا

طلعو اخوانها وقال منصور
منصور: يعيال قلبي يقول صاير شي بس زياد يخبي علينا
ناصر: حتى أنا أقول كذا أنا اعرف نوف ماتطلع وماتحب الطلعه

زياد مسك يد نوف بقوه وقال
زياد: اسمعي اخاف اهلك يشكون ب الوضع فا بخليك تروحين عندهم بس إذا جبتي طاري لهم عن الي يصير ب البيت ياويلك فاهمه

نوف واهي تبكي: فك يدي طيب تعورني

دف زياد نوف على الارض

كانت حياة  نوف جحيم زياد شكاك خلها تبلك صديقاتها وسحب جوالها وماخلها تاكل زين ودايم يهاوشها على اتفه شي

جت نوف عند اهلها واهي ميته شوق لهم

منصور ونايف بصوت واحد: نوفف
وراح حضنونا
كان ناصر يناظرهم من بعيد ويشوف ان اخته تغيرت مره وحس انه في شي
جت نوف وحضنت اخوها بقوه ناصر سحب اخته على جنب

ناصر: نوف لاتخبين علي صاير شي بينك وبين زياد
نوف: لا موصاير شي
ناصر: نوف لاتخبين علي
نوف: ناصر مافي شي وش فيك

عدا اليوم وناصر يبي يعرف وش في اخته
صارت نوف تزورهم كل خميس وفي كل زياره يشوف اخته تتغير وفي مرا ماسكت يوم شاف كدمه على اخته

ناصر: نوف وش الكدمه هاذي
نوف: طحت من الدرج
ناصر: نوف لاتكذبين قولي لي من وين جت الكدمه
سكتت نوف وماردت
ناصر مسك يد نوف وقال: أنا أخوك أنا سندك قولي لي
بكت نوف وقالت له: ناصر بس يكون بيني وبينك زياد يضربني على اي شي حتى لو نسيت الملح على الرز حياتي جحيم معه وخلاني ابلك صديقاتي وسحب جوالي ويهاوشني وانا ماسويت شي
ناصر: أنا اوريه انذل
نوف: تكفى ناصر لاحد يدري

بعد خمس ايام

زياد: نعم وش بغيتو
ناصر: نبي أختنا
زياد: نايمه
ناصر دف زياد ودخل البيت مع اخوانه وقعد يصوت في البيت على اخته
منصور: يعيال لقيتها
راحو الغرفه وشافو اخته حالتها يرثى لها خذوها وراحو السياره

زياد: تحسبني بسكت داخلين بيتي
ناصر: زياد تحسب نوف ماعندها ظهر انت ماتستاهل ظفرها

راحو المستشفى عشان يفحصون عليها طلع عندها نقص فيتامين وعطوها أدويه

نوف: تعبتكم معي ياناصر ارجع البيت اكيد زوجتك تنتظرك
ناصر: ماسويت شي انتي اختي وانذل زياد أنا اوريك فيه
نوف : وش بتسوي
ناصر: بعدين تعرفين

.....