بسم الله الرحمان الرحيم 🫶🏻
كانت شيخة ترتب غرفتها يوم دخلت عليها ميثاء تسألها وين تيلفونها
ميثاء : شيخة جفتي فوني من صبح أدوره و ما لقيته
شيخة : يمكن عند نوره جربتي تسألينها
ميثاء : لا نوره محد أصلا
شيخة : صبري بتصل ع فونج و بنجوف إذا يرن
و قامت شيخة و اتصلت ع فون ميثاء اكثر عن مرتين
شيخة : اتصلت اكثر عن مره الفون لا يرن ولا يطلع صوت انتي متاكده انج ما تذكرين وين حطيتي
ميثاء : هيه آخر مره كان عندي اختفاء
دخلت عليهم امهم و هيا ماسكه فون ميثاء
الام : أنا مأخذه فونج يا ميثاء فوني كان مسكر و خالتج اتصلت قالت باذن الله بتينا اليوم بعد المغرب عندها خبر
ميثاء : الله يستر لا يكون حد توفى
شيخة : استغفرالله العظيم فال الله ولا فالج
ميثاء : يعني كل ما زارتنا و يابت مصايب
الام : عيب عليج هاي خالتج
شيخة : الله يهديج بس يا ميثاء
قامت ميثاء خذت الفون من عند امها و نزلت تحت معصبه
• في بيت ناصر
كانت سلامه يالسه ترتب غرفتها يوم دخل عليها حمد
حمد : بطلع بسير المول بتين ولا كيف
سلامه : اصبر انزين ما بقى شي ع صلاه المغرب بنصلي و بنطلع
حمد : عندج عشر دقايق بعد صلاه المغرب ان ما يتي أنا بسير عنج
سلامه : انزين انزين
بعد صلاه المغرب ركضت سلامه تتجهز لبست مخوره ورديه عليها ورود و تعطرت و حطت ميكب خفيف و طلعت و هيا لابسه عبأتها الملونه بالون الوردي 💞
اول ما نزلت سلامه جافها حمد و قالها
حمد : اجوفج متجهزه ترا إلا سايرين حق عشرين دقيقه و نرد
سلامه : لا عزمت شيخة
حمد : انزين ليش ما قلتيلي انه شيخة بتي
سلامه : و انته شو يخصك
حمد : اسال
سلامه : لا تسال
كانو بيطلعون بس وقفت سلامه تناضر حمد بنضره غريبه
سلامه : حمد يلا شو فيك واقف كانك مجسم يلا عاد
بعد دقيقه استوعب حمد انه كان واقف يفكر و ما حس ف عمره و اول ما رفع
راسه جاف سلامه و هيا واقفه معصبه
حمد : انتي شو بلاج يلا
حمد دز سلامه ع صوب سياره و قعد فيها و قعدت سلامه و هيا متنرفزه
وصلو المول و نزلت سلامه و راحت ع صوب الكوفيات و قعدت تتريا شيخة بعد كم من دقايق وصلت شيخة و سلمو ع بعض و قعدو
شيخة : ما تخيلت ابوي بيرضى اني اطلع
سلامه : و ليش تراها مب اول مره تطلعين وياي و فنهايه تراني بنت خالتج
شيخة : هيه بس بعد ما صار ف جامعة ما كنت متوقعه يرضون
سلامه : تراج يوم دعمتي سياره اختج ما كان بلقصد و فنهايه الانسان يغلط
شيخة : ان شاء الله خير يلا برايه قوليلي شو تبين شو اطلب لج
سلامه : خير خير أنا يلي عزمتج مب انتي بطلب لج ماتشا
شيخة : ياخي طعمه حناء
سلامه : يلا عاد جربي هايل مالهم يجنن
و طلبو كوفيات حق بعض و شربو و شترو اكثر عن شي و استانسو وايد
