الغيهب

البارت 15

بقلمي / دينا رعد

"""""""""""""""""""""""""""""""""""""""

لاتنسون التصويت + متابعه للحساب + التعليق بين الفقرات

"""""""""""""""""""""""""""""""""""""""

اللمعه بعيونك مواويل وقصيده

انته ولفي المااريده وحيل اريده

🥀🥀🥀🥀🥀🥀🥀🥀🥀🥀🥀🥀

صعدت واني دايخه اسحل بروحي سحل صدك ما اتحمل شغل ابد صعدت اول درجتين ودخت حيل اجيت اوكع حسيت بس احد لزمني من خصري لاااا هذا من كل عقله سمح لنفسه يلمسني مره ثانيه

شهم ؛ كمررر بيج شي

گمره ؛ لا بس دخت شويه وخررر

شهم ؛ تعااي اصعدي

گمره بهمس ؛ وخر ايدك عن خصري بسرررعه

شهم ؛ مو وكتها هسه والله ما اسويلج شي بس اصعدي لا اتصعدين وتوكعين تنكسرين

صعدت وياه واني البايات اشوفهن وحده بس الثانيه وصلت كعدت عل جربايه

شهم ؛ اخذج للدكتور

گمره ؛ بابا هنا هسه  ياخذني

شهم ؛ شوو انجبي

گمره :اجيت اكول انجب ولزمت الساني اتمددت حسيت بس كراعيني انرفعن  ؛ شسوي

شهم ؛ ارفعي رجليج يجوز ضغطج هابط

گمره ؛ فهمنه بس لاتلمسني فاااهم

شهم ؛ بطلي عناد

يحايجني بكل هدوء هذا يمكن بالع نزلت رجليه حسيتهن خدرن لان رافعتهن

شهم ؛ خليهن ولج

گمره ؛ خدرن والله

شهم ؛ اضلين دايخه ارفعيهن يستعدل ضغطج شوي

نزع داشداشته ولبس يمي غمضت اعيوني خلص رش عطر يتباوعلي بالمرايه واني خازرته

شهم ؛ عيونج لا اشيلهن

گمره ؛ انته زلمه مد ايدك عليه والله يكسرون ضهرك اخواني

شهم ؛ تتباهين اهوااي بخوانج واصلاً  هم ولد عمج مو اخوانج على كولتج

گمره ؛ اي اخواني وتباها بيهم عندك مانع

شهم ؛ لا اجيبلج شي وياي

گمره ؛ انننن انننن عود يحشش

شهم ؛ انجبي ونطمري

گمره ؛ ما انطمر مو بكيفك

شهم ؛ طالع اني احسن

گمره ؛ سوي فضل

استغفر وطلع معاجبه الوضع نزل جوه بدلت اهدومي ونزلت وراه لكيتهم يتغدون

أمي ؛ تعالي ماما

گمره ؛ اجيت يمه

رحت يم رويحيتي وامي كعدت بصفها واكلت وياها من نفس الماعون حته نفسي انفتحت عل اكل وياها