الغيهب

البارت 17

بقلمي / دينا رعد

..........

الليل لو مابي جنابک
ابد مو صاحب گصيره
ايطول الليل ابطول عجدات الضفيره..

...............................

ترف

ترف روحي طلعت من الوجع عطت بعصبيه ؛  شبيج ما تشوفين عمه

ولاء ؛ راح اجيبلج معقم

ترف ؛ تمام
الكزاز ناعم وايدي متت وجع ونزف

شيماء ؛ حسبالج اخليج تتهنين لا حبي غلطانه جبل الي وراح اخذه منج وعينج تشوف

ترف ؛ خاب دولي لا اكوملج اسحلج وتعرفين اسويه اذا حابه جربين

ولاء  ؛ اني روحي اضل اتلوب من الدم دوم هيج ترف اصيح الولد

ترف ايدي اليسره ترجف ما اكدر اعقم بيه ولاء وجها ينطي الوان وشويه وتتقيئ ؛ لو شايفه العمليات شسوين اذا من دم وجهج صار اصفر

ولاء ؛ نمر

نمر ؛ شبيج وجهج اصفر

ولاء ؛ ما ادري لعبت نفسي من شفت ايد ترف بيه دم

نمر ؛ شنوو ومنين أجاها دم ترف

ولاء ؛ كوم نضف اله الجرح خطيه

نمر ؛ غير افهم شبيها

ترف احاول انضف ودخل نمر ؛ الله جابك

نمر ؛ شبيج ثوله ولج

ترف ؛ مو اني هاي الحيه دفعتني

نمر ؛ انطيني خلي انضفه

ترف اخذ ايدي وعقمها روحي طلعت ؛ ترى مرتك حامل

نمر فتحت عيوني عل وسعهن ؛ شنو ولجج

ترف ؛ وسم عيونك راح يطكن مرتك حامل

نمر ؛ شلون عرفتي

ترف ؛ مبينه من شافت الدم لعبت نفسه وراحت تتقيئ  شكد صارلج ما جايتج

ولاء ؛ اتعده موعده صار 10 ايام يمكن

ترف ؛ مو كتلك حامل والله

ولاء ؛ عليج الله صدك

ترف ؛ شتريدين انطيج اذا مو حامل

ولاء ؛ لازم احلل غير

ترف ؛ نمر بعد شويه تمر للصيدليه اتكله اريد اختبار حمل منزلي وتجيب 3 مو واحد فهمت

ولاء ؛ كلبي راح يوكف

نمر ؛ سهله عادي

ترف عقم ايدي وخلص ولفه الي وضليت اساعد بيه وجها اصفر؛ ولاء  اذا تعبانه روحي اني اكمل

ولاء ؛ ناويه نبقه بدون غده اليوم ههههه

ترف ؛ ههههه لا علميني وروحي ارتاحي واني افتح جهازي واتعلم هم لو بالهدف لو بالنجف