My stepfather became my husband – 1
လက်ထပ်စာချုပ်မှာ လက်မှတ်ထိုးရန် တရားရုံးသို့ရောက်ရှိနေပြီဖြစ်သည်။ ဒေါ်မေမဒီ က ဇေသုတ လက်မောင်းကိုချိတ်ထားရင်း အလှည့်ကျလာဖို့ထိုင်စောင့်လျှက် ။ထိုအချိန်မှာပဲ ဇေသုတ ဆီသို့ဖုန်းကောလ်ဝင်လာသည့်အခါ ဇေသုတ ၏ မျက်နှာကပျက်ယွင်းသွားသည်။ဇေသုတ လည်း ဒေါ်မေမဒီ ကို ဖုန်းပြောဖို့ ခွင့်ပြုချက်တောင်းရင်း ခပ်လှန်းလှန်း နေရာသို့လျှောက်လာပြီးနောက် ဖုန်းခေါ်ဆိုမှုကို လက်ခံဖြေကြားလိုက်သည်။
“ဖုန်းကိုင်တာ ဒီလောက်ကြာရလား ဂြိုလ်ကောင်ရဲ့”
“သူဘေးနားမှာရှိနေလို့ ခပ်ဝေးဝေးကိုလာနေရလို့ပါ ဒေါ်ဒေါ်”
“နင့်မှာ အမြဲ ဆင်ခြေဆင်လက် တွေအပြည့်နဲ့ အဲ့တာတွေထား နင်အဲ့မိန်းမနဲ့စာချုပ်လက်မှတ်ထိုးပြီးတာနဲ့ငါတို့ဆီကို သိန်းတစ်ရာပို့ပေးနော် ငါငွေလိုနေတယ်”
“ဟုတ် ဒေါ်ဒေါ် ကျွန်တော်မမေ့ပါဘူး မနက်ဖြန်ကျရင်အိမ်ကိုလာပြီးပေးမှာပါ မမ ကလည်း ပေးမယ်လို့ကျွန်တော့်ကိုသေချာပြောထားပါတယ်”
“အမလေးလေး!! အသက်ကြီးကြီးမိန်းမကိုခြူစားဖို့ယူတာတောင် မပိုင်နိုင်သေးဘူး နင်ကလက်ဖြန့်တောင်းတုန်းလား”
ဒေါ်ဒေါ့် စကားကြောင့် ဇေသုတ မျက်နှာလေးညှိုးကျသွားသည်။ဘာဆက်ပြောလို့ပြောရမှန်းမသိစွာနဲ့တိတ်တဆိတ်နေမိတုန်း တစ်ဖက်မှ ဒေါ်ဒေါ်ကဖုန်းချသွားတော့သည်။ဖုန်းပြောပြီးတာနဲ့ ဒေါ်မေမဒီ ဆီပြန်လာပြီး သူမနံဘေးမှာဝင်ထိုင်ကာ
“မောင် ဘယ်သူလဲ…”
“ဟို ဦးလေး ဆေးရုံတက်နေရတယ်ဆိုတဲ့ကိစ္စလေ မမ အဲ့တာ ဆေးရုံစရိတ် လှမ်းတောင်းတာ “
“အရေးတကြီးလိုပြီလား မောင်….. မ* အခု bank account transfer လုပ်ပေးရမလား”
“ရ …. ရပါတယ်မမ ကျွန်တော် မနက်ဖြန်မှပဲ ဆေးရုံကိုသွားပို့လိုက်ပါ့မယ်”
ဇေသုတ အတတ်နိုင်ဆုံး မျက်နှာကိုပြုံးထားသည်။သူ့စိတ်ထဲ၌ တကယ်ကိုအဆင်ပြေမနေပါ။ ဇေသုတ လိုလူတစ်ယောက်က ကိုယ့်ထက် အသက် 20 ကျော်လောက်ကြီးသည့်အမျိုးသမီးကိုခြူစားရန် လက်ထပ်ရမည်။ဒီလိုမလုပ်လို့မဖြစ်သည့်အခြေအနေကြောင့်လည်းပါ၏။ ဒေါ်ဒေါ်နဲ့ ဦးလေးရဲ့ ဖိအားပေးမှုတွေကြောင့် ဇေသုတ သာ ထိုသို့မလုပ်ရင် ဇေသုတ ကို သူတို့က ဒုက္ခရောက်အောင် အရှက်ခွဲကြမည်ဖြစ်သည်။
YOU ARE READING
My stepfather became my Husband (Mpreg)(Complete )
RomanceSky 💙 "မင်းကလူဆိုးလေးလေ ဆေးလိပ်ငွေ့တွေပြည့်နေတဲ့ ကိုယ့်နှုတ်ခမ်းကို နမ်းခဲ့တာ ကိုယ့်လူဆိုးလေး" Complete
