My stepfather became my Husband (Mpreg)(Complete )

Chapter 8

My stepfather became my husband - 8

ဆေးလိပ်သောက်တာကို မသိစေချင်တာထက် ဆေးလိပ်ငွေ့တွေကို မရှူစေချင်တာဆို ပိုမှန်လိမ့်မည်။ဆေးလိပ်ရဲ့ ဆိုးကျိုးဟာဘယ်လောက် အန္တရာယ်များသလဲဆိုတာ လူတိုင်းအသိပင်။ ဆေးလိပ်ငွေ့ရှူရှိုက်မိသူကလည်း Second smoker အဖြစ် အကျိုးအပြစ်တွေကို ရရှိမည်။ထို့ကြောင့် ဒီကလေး ရှေ့မှာ ဆေးလိပ်မသောက်ဖို့ ဆုံးဖြတ်ထားခဲ့တာ။ ဒီလိုပေါ့ ပတ်ဝန်းကျင်မှာ ကလေးသူငယ်တွေရှိရင် ဆေးလိပ်မသောက်သင့်ဘူး ဆိုတာမျိုး

တစ်ခါတစ်ရံကျတော့လည်း ဇေသုတ က ကိုယ့်ကိုယ်ကိုယ် လှောင်ရယ်ချင်မိတယ်။ ကလေး ကလေးဆိုပြီး အမြဲ တမ်းတွေးပေးနေပေမဲ့လည်း တစ်ခါတစ်လေကျ သူကိုယ်တိုင်က ကလေးအပေါ် တပ်မက်ပြန်တယ်။

ဆေးလိပ်အား နှုတ်ခမ်းလွှာကြားညှပ်ထားတော့ အတ္တ က ဇေသုတ ရဲ့ မျက်နှာ အနားထိ တို့ကပ်လာပြီး လက်တစ်ဖက်က မီးမငြိမ်းသွားစေဖို့ လေကိုကာရင်း တစ်ဖက်က မီးခြစ်ကို မောင်းကို ဖိထားလေသည်။ဆေးလိပ်အား မီးစွဲငြှိသွားတဲ့အခါ ရှိုက်လိုက်ရင်း အတ္တ ရဲ့ ရင်ဘက်ကို တွန်းကာ မျက်နှာ ကိုတစ်ဖက်လှည့်ရင်းဆေးလိပ်ငွေ့တွေအား မှုတ်ထုတ်ပစ်လိုက်တော့သည်။

အတ္တ က အကွာအဝေးတစ်ခုကို သွားရင်း မျက်နှာချင်းဆိုင်ပြီး ဇေသုတ ကိုငေးကြည့်နေခဲ့သည်။ ဇေသုတ ဆုပ်ကိုင်ထားဆဲ Lollipop နဲ့ ဆင်တူသည့် Lollipop တစ်ချောင်းကို ဘောင်းဘီ အိတ်ကပ်ထဲကထုတ်ခါ အခွံကိုဖောက်ပြီး စားနေ၏။သေသပ်လှပပြီး ပန်းနီရောင် နှုတ်ခမ်းသားတွေကြား တရုတ်ဇီးသီးရောင်ရှိသည့် သကြားအစိုင်အခဲလေးကနေရာဝင်ယူသွားသည်ကို ဇေသုတ ငေးစိုက်ကြည့်မိဆဲ

"ဘာလို့လဲ..... "

ဇေသုတ မျက်နှာလွှဲလိုက်ရင်း လက်ညှိုးနှင့် လက်ခလယ်ကြား ဆေးလိပ်ကိုညှပ်ကာ နှုတ်ခမ်းကြားကဆွဲခွာလိုက်သည်။ ဆေးလိပ်ငွေ့များကို မှုတ်ထုတ်ပစ်လိုက်သည်။

အတ္တ ကတော့ နှုတ်ခမ်းလုံးလုံးလေးမျိုးကို ငေးကြည့်နေရင်း တံတွေးမြိုချမိတာ အကြိမ်ကြိမ်ပင်။ ဆေးလိပ်ကိုအမြဲတမ်းထိုင်ဖွာနေတဲ့လူကို အဝေးကနေအမြဲ ငေးကြည့်ခဲ့ပေမဲ့ ဒီနေ့တော့ အနီးကပ်မြင်ချင်တာကြောင့် ဆင်းလာခဲ့တာဖြစ်သည်။ထိုလူက အတ္တ သူ့နားရောက်လာတာကိုတောင် မသိခဲ့ဘူးတဲ့လေ ။ဒီလူ့မှာ ဘယ်လောက်တောင်များ စဥ်းစားတွေးခေါ်စရာတွေ များနေလို့လဲ