نيران ابن غضبان

بارت ٢٥

#نيران_ابن_غضبان

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب 

                  ~ قراءة ممتعة ~
                          📜🤎

جان موبايلي بحضني وگع مني دنگت ابرار تشيلة نفتحت لوحة بيدها جنت مخليه صورتي اني و مصطفئ خلفية  بسرعة ذبته بحضني وراحت من يمي بسرعة

ستغربت من تصرفها باوعت لشهم جانت عينه ع اخته ردت احاجي گال :  هسه ارجع … وراح طلع وراها تفاجات من تصرفاتهم 
باوعت جانت حوراء عينها علينه
هزت راسها بمعنئ شكو اشرت الها ما ادري

اجت يمي گالت : شكو شصار
: ماعرف فجاه ابرار تغير شكلها و طلعت و شهم وراح وراها
: زين انتي شبيج ضجتي لا تخافين شهم ما يعوفج
: ليش حته يعوفني هوه گوه حصلني… بقينه نضحك

شهــم

نتبهة ع ابرار من شافت صورة مصطفئ و شلون نصدمت ونعاد گدامي منضهر من جانت گاعده ع درج و تبجي بذاك اليوم .

كمت بسرعة وراها جانت تريد تطلع
: اوكفي ابرار وين تردين
: ليش هيج شهم ليش هيج اسوي باختك تاخذ اخت الي دمر حياتي

: اشششش تعالي لسياره هناك افهمج… اخذتها و صعدته بسياره و هيه مستمره تبجي
: يلا فهمني يلااا ليش هيج سويت  ليش اني شنو ذنبيييي راح تخليني كل ما اشوف نبأ اذكر شنو سوه بيه اخوها

: لج كاااافي تبجين كافييي اني كل هذه سويته حته انتقم الج منهم حته اخلي عيون اخته ما تنشف مثل عيونج حته اشوف كسره اخوها واهلها مثل ما كسروني وراح اندمة واخلي يدفع اضعاف الثمن

: بس هيه ما الها ذنب شعليها تعاقبها بسبب تصرف اخوها
: ونتيييييي هاااا ونتييييي شنو ذنبج كله  بسبب طيش اخوها انتي هيج صار بيج

زادت ابجيها وخافت من صياحي اخذت نفس و كتلها : كافي حبيبتي لا تبجين امسحي دموعج وانسي كلشي وهسه راح اخلي صفأ يرجعج للبيت حته ترتاحين .

هزت براسها بمعنئ اي… نطيتها ماي و نزلت لبراني صحت لصفأ حته يرجعها للبيت

راح صفأ يوصل ابرار واني رجعت يم نبأ.

نبــأ

جنت گاعده بالكوشه و دخل شهم اباوعله وهوه جاي عليه جان شكلة عصبي حيل هيج احس دمة جاي يفور
اجة گعد يمي بس ماحجة شي

: ها شكو صار شي
تنهد و گال : لا ماكو شي بس شويه ابرار تخربطت و بقه يفرگ بگصته من العصبية .