التـرياقُ والسـم.

بارت5

- وَلدنا ؏ الجـَانب الخطأ من العالـم .

Enjoy Bebe.

لاڤان:
طلعت من المستودع وصعدت الدراجه مجنت اريد ارجع للبيت ضليت افتر بشوارع واسمع اغانيjony وافكر بكلشي بضياع محسيت ع نفسي اله واني كدام بيت ضي طفيت الدراجة وارتجيت عليها سحبت باكيت الجكاير وطلعت وحدة وكعدت اشرب بعد فتره قصيره انفتح الباب فجاة وطلعت ضي وهيا لابسه بجامة نوم حرير وذابه وشاح خفيف ع اكتافها سرحت بشكلها  شعرها الاسود المفتوح مغطي كل ضهرها  الحمره الحمره المات الي مخليه شفتها بارزه ريحه عطرها الئ انتشرت بلهوه كل عاده ابسط تفاصيلها اتخليني كفيله بأنو احبها واهيم بيها اكثر واكثر باوعت علي وضلينا ساكتين وبعدها اردفت بنبره استغراب وحيره
ضي:لاڤان بيج شي
صفنت عليها واني سارحه بيها ورديت
لاڤان:هم بيه انتِ
اتقربت مني واخذت الجكاره من بين ايدي ولاول مره ماتعصب من شخص ياخذ جكارتي ويشمرها باوعت عليه واردفت
ضي:اولاً شمري هاي السم الي تشربيها وثانياً اتوقع حجينه بهذا الموضوع وضحت انو ماكو امل نكون سوه
اردفت بنبره نرفزه وشبه عصبيه
لاڤان:انطيني سبب واحد مقنع انو مراح نكون سوه ولتكولين فرق العمر لان هذا اسخف سبب
ضي: فكري بعقلج  مره وحده لاڤان وشوفي حياتج ويا غيري 
رديت بنبره بارده عكس البراكين الي اتفور بداخلي وحاركتلي كلبي حرك
لاڤان:حياتي لو امشيها وره عقلي صدكيني لو تكعدين ع طرف رموش عيني ماشوفج
ضي:لعد ايش باقيه لهسه يمي؟
رديت بنبره عصبيه ع برودة كلامها
لاڤان:لان كلبي الغبي يحبج تعرفين شنو يعني يحبج يعني ميشوف غيرج
باوعت علي برود وردت
ضي:اتأخر الوقت وراج داوم وياريت متتأخرين ع مدرسه لان المدرسات يشكون من تأخيرج وعدم احترامج لحصصهم
لاڤان:حلو خوش حجه اتأخر الوقت مره ثانيه شوفيلج حجه تقنع اكثر
لبست الخوذه وصعدت الدراجه عفتها ومشيتها مجرد موصلت الشارع العام كل عاده وبدون حتى تفكير  مشيت بكل سرعه ع امل يخفف من عصبيتي لطالما كانت السياقه والسرعه والتدخين شي الوحيد الي يخفف علي ضغطي بلشت اذكر كل كلامها واذكرت شكد اني ضعيفه بسببها
اتراكمت الافكار براسي وازيد من قبل الى ان قررت وبدون سابق انذرا
لاڤان:يمكن صار الوقت حتى ادوس ع كلبي وارجع لحياتي القديمه قبل لاعرفها…
يتبع…

برائيكم شنو سبب رفض ضي لـ لاڤان؟
ولاڤان شتـقصد بحياتها القديمة!

بارت سريع قصير غلسو ع الغلاط كلعادة
واهم فقرة لتنسون التصويت.