التـرياقُ والسـم.

بارت1

شكل لاڤان

شكل ضي:

تبدي القصة من يتوفى همام والد لاڤان بحادث سيارة بسبب عداوة اله من زميل سابق ويا وبمساعده من اخوانه لهمام الاكبر منه طارق وغيث حتى يستولون ع املاكه ويلصقون كل التهم الي عليهم اباسمه لان وبكل بساطة هو متوفي ومراح يتحاكم وبنفس الوقت تتشوه سمعته… احداث الان
.
.
.
ساعة ١٠:٣٠ الصبح وتحديداً مقهـى**
كل عادة منجمعين الشله المحترمه
العنود و زيد و ميان وكاعدين يدردشون
العنود:لاڤان مجتي يمكن ماتت بطريق
زيد: تلكيها شايفه اتلاثينيه يم الترفك لايت وكعدة تلحك…
بعده ممكمل كلامه وجتي ضربه ع ركبته قويه
لاڤان: اي شفت خالتك ورحت الحكها كواد
ميان،العنود: صباح النور عليج مدام
لاڤان : الي يشوف وجهكم يشوف خير من الصبح

باوعو عليها وعرفو انو مزاجها مو حلو
زيد: شبيج مو ع بعضج صاير شي؟
لاڤان: هذوله الكوايد عمامي ديلكزون التهم ع بابا بكل دم بارد وديحوصون ع شكرة حتئ ياخذوها وامي دتنقهر وخايفه عليها
العنود: وانت شمدريج هما يجوز صديقه هذاك
ميان:وبعدين الشرطه شلون يسدون القضيه ع اساس انو حادث طبيعي؟
لاڤان: المحامي اتصل عليه الصبح وبلغني زائد سدو القضيه لان وبكل بساطة رشوهم وبمبلغ جبير.

سكتو كلهم وضلو يباوعون ع صديقتهم وهما شايلين هم خايفين عليها من عمامها بسبب جرائهم وسوابقهم.
.
ميان وهيا مغيره الموضوع: اي صح باجر اول يوم دوام جهزتي نفسج
لاڤان: اهو هم اصخام دوام
العنود: ما اوصيك ضلعي هم ضل سخت هاي السنه وانجح بدفرات
زيد:لا طبعاً
باوع ع لاڤان وكال

زيد: لاڤان بربج هاي اخر سنة الج كرصي الدوده ولضلين اتكمزين  شدي حيلج مو لخاطرج لخاطر خاله فرحيها شويه مو نفس السنه الي فاتت

باوعت علي لاڤان بطرف عين وكالت
لاڤان: خلخاله اتخلخل اعضامك
باوع عليها وضربها ابطل المي
اتنهدو العنود وميان ع وضعهم الاثنين وهما متعودين ع مشاجراتهم اليوميه المتخلص
تسريع الاحداث…

اول يوم دوام بل مدرسة ساعـة٨:٩
فاتت لاڤان للمدرسه وهيا كل عادة متأخره بسبب نومها المتأخر
: انتِ بعدنه ابداية السنه وهيج متأخر لعد نهايتها شلون
لاڤان بهمس: اهو بدينه بل كرواي التعبانه من الصبح
:شنو كلتي مسمعت
لاڤان: سلامتج ست مكلت شي
:ديلا لعد روحي لصفج واخر مره تتأخرين مجايه لكوفي انتِ
باوعت عليها لاڤان وقلبت اعيونها دلاله ع عدم اعجابها بل كلام
:لازم معاجبج الوضع مدام
اتجاهلت لاڤان الكلام ومشت لصفها

أدارة المدرسات:
يتبع البارت الجاي…..