خادمه في بيت اغنياء

علاقة تاليا و مناف💞

واقفه على بلكونه غرفتها تستنشق بعض من الهواء الطلق وهي تناظر الحديقه الي قدامها بحزن .. طق الباب ودخل لما ما سمع اي رد منها تنهد بيأس على حالها سنتين وهي تتأمل هذي الحديقه
راشد: الى متى وانتي تناظرين هذي الحديقه ارحمي نفسك يا آدميه سنتين وانتي عيونك عليها
بسمه: وش اسوي يا راشد كل يوم يزيد اشتياقي لها كنت كل يوم اشوفها تلعب هنا فجأه معاد صار لها حس
راشد: ليه ما تزورينها طيب
بسمه: ابوي رافض ازورها
التفتت له وناظرته برجاء
: تكفى يا راشد روح اقنعه ازور اختي مشتاقه لها ابيها ابي اشوفها تكفى ، راشد تكفى اسألك بالله تروح تتفاهم مع ابوي
راشد: دامه رافض تزورينها ما رح يوافق اذا كلمته
بسمه: بس انت زوجي انت الي تقرر اروح ولا ما اروح مو ابوي الي يقرر
راشد: بسمه لا تخرجين عن المألوف تراه ابوكِ
بسمه: وش اسوي تعبت من تسلطه علي حتى وانا متزوجه يرمي قراراته علي
راشد بنفسه: (اخخخخ يالشايب ما جا وراك الا وجع الراس قاعد يضيع بناته بسبب هالقرارات)
ناظرها وهي تمسح دموعها
: يلا تجهزي وجهزي العيال معك باخذكم للمطعم
بسمه ببتسامه: الله يسعدك ريحتني من الطبخ
راشد: بسم الله عليك اسم على مسمى لا عاد اشوف الكشره هذي

.........................

تاليا: شفيكم
صقر: ملل
تاليا: اممم طيب شرايكم أقول لكم نكتة
آدم: يلا هاتي
تاليا: في سمكة طلعت من البحر مستحية ليه؟
الشباب: ليه؟!!
تاليا: شافت قاع البحر
فيصل بضحك: حلوة حلوة
آدم: سمعتها بس ضحكتني هههه (يسلك)
صهيب بضحك: تفهمين في النكات
تاليا: وأنتم ليه ما تضحكون
مشعل: الصراحة ما فهمتها
ياسر: الصدق حتى أنا
عمر: فهمونا
زياد: احس السعوييين يعيشون في عالم ثاني مو معانا
تاليا: والله مو مشكلتي
مشعل: صدق فهمونا
فيصل: موضوع النكتة مو كويسه
زياد: يعني قلة أدب؟!! ما توقعتك يا تاليا
صقر: طيب قولوها
آدم: أنا أقولها لكم قاع البحر يعني أ**** البحر كلها ثلاث حروف
شهقو الشباب: تاليا وش ذا الكلام ، اخص يا تاليا ، والله النكتة عجبتني
تاليا: ليه مستغربين عادي نقولها
صهيب: إيه عادي
زياد: كلام كله قلة أدب وين العادي
فيصل: ما عندنا شي فيه قلة أدب
آدم: بالضبط
صقر: طيب أنا بقول لكم نكتة
تاليا: يلا
صقر: في نكتة كانت متخبية ليه؟
الشباب: ليه؟
صقر: قتلت ناس من الضحك
تاليا: هههههههه
آدم: تاليا مسكينة قلبها طيب ما تحب تكسر بخاطر احد
تاليا: ليه في احد خاطره مكسور
زياد: إيه صقر
مشعل: النكتة ما تضحك
صقر: والله انها حلوة بس انتم نفسيات
تاليا: والله ضحكتني
ياسر: واضح انك مكتئبة لدرجة تبين تضحكين على أي شي
تاليا: والي يقعد معاكم ما يكتئب!!
مشعل: افا؟!
تاليا: امزح امزح
عمر بهمس: محد يخليها تتراجع في كلامها إلا مشعل
ياسر: صادق
زياد: أنا عندي نكته ، فيه سلحفاة راحت مطعم وطردوها رجعت لهم بعد سنتين وقالت والله اشتكي عليكم ليه طردتوني
صمت ......
زياد: شفيكم
صهيب: يعني الحين لازم نضحك؟
زياد: إيه
الشباب بتسليك: هههههههههههههههههه
ياسر: النكتة قليلة الأدب الي قالتها لنا تاليا احسن
عمر: تاليا قولي لنا نكتة ثانيه
تاليا: تحبون قلة الأدب
صقر: الصراحة مافي شي يضحكنا إلا قلة الأدب
تاليا: ما أعرف إلا هذي النكتة
آدم: طيب و الحل مع الطفش
مشعل: إلا وين عزام من يوم رجعنا من البحرين وهو ماله حس
تاليا: الله البحرين كانت افضل أسبوعين مع انها فيها منغصات
ياسر: من هذي السفره اكتشفنا أشياء ما كنا رح نكتشفها إذا ما سافرنا
تاليا: إيه مثل يوم اكتشفنا ان مناف ولد عم فلان
عمر: محد اكتشف إلا أنتي كلنا عارفين
صقر: إيه اكتشفنا أشياء بعد مثل فلانة عندها ولد عم
تاليا: عاد عبود الجلسة معه افضل منكم
مشعل: اساساً ما اكتشفنا شي كل الي تقولون عنه اكتشاف كله من ورا راس مناف مثل يوم حط لنا قنبلة في السيارة
فيصل: إيه ويوم كان بيرمي فوق راسي مادة حارقة فوق  لولا الله ثم تاليا كان أنا الحين مشوة أو ميت
صهيب: وأنا كان بيرميني من العمارة
آدم بزعل: وأنا خطفني
ياسر: ولما كان بيطيح البناية علينا
تاليا: ذا المناف كل ما زعل حط حرته فينا
صقر: تاليا هذا أصلا كله عشانك
تاليا: وأنا شكو
صقر: من بعد الصور الي سرقناها حط عينه عليك
تاليا: طيب إذا حط عينه علي انتم شدخلكم ، المهم أنا جوعانة
زياد: جوعانة أونانا هههه
تاليا بقهر: زياد يا بايخ
التفتو على دخول عزام
عزام: اصبحنا وأصبح الملك لله خير اول مرة تشوفون واحد مز
كشرو الشباب بقرف
تاليا: لا في أوسم منك و أجمل من أخلاقك
عزام: عاد أنتي تعرفين وش يصير لك إذا اخلاقي تغيرت أحمدي ربك إني مروق
تاليا: حتى في روقانه مكشر فك وجهك شوي ابتسم في الأفراح مكشر في الاحزان مكشر ارحم وجهك المز الي تقول عنه
مشعل: حياته مبنية على تكشير
زياد: ما يرتاح إذا ما كشر
صقر: عشقه التكشير
تاليا: اول مرة شفتك تبتسم لما جيت هنا حتى كانت بدون نفس
فيصل: اكلتوه بقشوره خلوه على راحته
تاليا: احن من فيصل مافي
آدم: الحقي عليه لا تاخذه بنت منك
تاليا: ما يحتاج هو موجود جنبي
فيصل: احرجتوني
ياسر: محد مدحك إلا هي
عمر بضحك: شفيكم اليوم تزبدون لبعض كله طحن خواطر
زياد: تاليا تطحن خواطرنا و حنا ساكتين لها محد طحن خاطرها
مشعل ببتسامة: تاليا ما فيها عيب عشان نزبد لها
تاليا: بروح اطفح
عزام: خلصي بعدهها الحقيني لغرفتي
آدم: لازم أكون مرافق لها تحسبا لأي غلط
عزام: محد طلب منك
تاليا: وخرو بموت جوع
مشعل: تاليا بقول لك شي
تاليا: وش
مشعل: ااا الثلاجة فاضية مافيها أكل
تاليا فيها البكية: طيب أنا جوعانة
عزام: الحقيني للغرفة وأنا بطلب لك أكل
قربت تاليا لزياد و همست له
: تتوقع يسوي شي و لا بس عنده شي
زياد: يمكن مشتاق ويبيك تجلسين عنده
تاليا: نعم؟ هذا الإنسان يشتاق؟! هذا يكرهني كيف يشتاق
زياد: أتوقع انه مشتاق أصلا من سافرنا للبحرين وهو متغير و هادئ
تاليا: الله يستر وش وراه
زياد: إذا مو عاجبك لا تروحين
تاليا: بروح بشوف وش يبي إذا جات ساعة و مانزلت من غرفتة وقتها أنا في خطر تعال ساعدني
زياد: ابشري ماطلبتي شي
التفتت تدور على عزام و مالقته
صعدت الدرج متوجهة لغرفته ، وقفت بهدوء و طقت الباب
عزام: ادخلي
تاليا دخلت رأسها: عندك سالفة؟!
عزام: إيه تعالي
دخلت وهي متوترة ماتثق فيه
تاليا: يلا قول وش عندك
عزام: اول شي بسألكِ سؤال
تاليا: اوكي
عزام: وش علاقتك ب مناف
تاليا: مييين!!
عزام: مناف
تاليا: وش علاقتي فيه يعني غير يبي يسوي لي مشاكل
عزام طلع صور: طيب هذي الصور وش معناها
ناظرت الصوربصدمة من وين له هذي الصور و متى صارت
تاليا: كيف كذا
عزام: شوفة عيونك ، طول وقتك مغافلتنا ومسوية بريئة و مالك اي علاقة ب مناف بس الحقيقة توضح
تاليا: عزام انت غبي تحكم علي من صور
عزام: مو بس صورة وفيديو و مو اي فيديو الفيديو الي وصلني أسوء من الصور
تاليا: اوكي لنفترض انه هذي الصور حقيقية و لي ليه مناف بيفضحني دامني اشتغل معاه
سكت عزام لان كلامها منطقي
تاليا: مناف رح يسوي اي شي عشان استسلم له مو بس هذي الصور موجودة ، عندي صور أرسلها لي ، صور لي في غرفتي صور وأنا في الحمام صور كثيرة بس يخسى لو يسوي الي يسويه ما رح استسلم
عزام: هذي الصور واضح انها حقيقية و أنتي بحضنه
تاليا: انت يبي لك رابط 2024 ما تعرف شي اسمه فوتشوب!!
عزام: تبين تشوفين الفيد؟
تاليا بتردد: ااا ايه

(انتهى🤎).

إذا تبوني اكتب الأحداث الي صارت لهم في البحرين اكتبو في التعليقات اذا ما شفت احد كتبها مارح اكتب لان ما أتوقع احد يبي يعرفها بس الأحداث هذي تكملة لبارت (الحفل🎉) اكتبو إذا تبونها

سيو