نهوة الضابط« غيث»

البارت الثالث

نزلت سارة:  السلام عليكم شلونك عمو 😚😚(باوسته)
شلونج عمه 😚😚
مالك:  هلا بيج عمو انتي اشلونج شو ما تجينا
سارة: الحمدالله والله امتحانات وما الحك
ام غيث:   شلونج ولج شخبارج صايرة مرة تخبلين
سارة:  الحمدالله عمه عيونج الحلو
شلونك ابن عمي(غيث) 
غيث:  هلا بيج بت عمي الحمدالله انتي شلونج
سارة الحمدالله
طبعا انه ما ردت اسلم بس امي كرصتني
انه اموت منه لا يتحكم بيه عبالك مرته
الشيخ مالك:  والله يابو حسين احنه اليوم جايينك بطلب
ابو حسين:  امر خويه كول
الشيخ مالك: ما يامر عليك ضالم بس احنه رايدين نطلب ايد سراوي لغيث على سنه الله ورسوله بعد هوة ابن عمها اولا بيها
ابو حسين:  صدك جذب  خويه كبع واخذ وانت
تعلمني بغيث غيث وليدي
الشيخ مالك  : لا ابو حسين انه رايد اسمع الموافقه منها
ابو حسين:  شدكولين بويه سراوي
سارة: همه يحجون وانه مصدومه واباوع غيث مدنك ومتوتر يهز برجله
بس بابا انه ما اريد اتزوج
ابو حسين:  ليش بويه وغيث مابي شي كامل والكامل الله
سارة:  بابا انه اريد اكمل دراستي وانه ما غيث ما احبه انه حاسبته مثل حسين
ابو حسين:  من رخصتك ابو غيث راح اخذ سارة احجي وياها
الشيخ مالك: اخذ راحتك خويه
سارة: بابا جر ايدي واخذني الغرفته
ابو حسين:  انتي شلون اتخجليني كدام اخوي
سارة:  بابا انت طلبت رائيي وانه انطيتكياه انه حاسبه غيث مثل حسين
ابو حسين:  اشو اله توافقين برضاتج او لا
سارة: بس بابا انه ما اريد غيث
ابو  حسين: ليش عندج واحد
سارة:  اول مرة بابا يحجي وياي بهاي الطريقه ويريد يغصبني لا ويكلي عندج واحد غرغرت الدمعه بعيني
هوة كال
ابو حسين:  راح اطلع اردله الموافقه وغصبا عليج توافقين
عافني وطلع
سارة صعدت الغرفتي
كعدت عالجربايه وانفجرت بالبجي اول مرة اشوف بابا يعاملني بهاي الطريقه ويغصبني ويشك بيه
صعدت ماما تحاجيني وادكلي مابي شي وحلو واخلاق ومن هاذ الحجي واسمع صوتهم بعدهم نزلت بكل سرعتي
انه ما اريد اتزوج ومو موافقه وما راح اوفق بعمري كله وزواج ما راح اتزوج

غيث احسه يريد ينفجر بالعصبيه وعيونه حمر
غمض عيونه ورجع فتحهن وكال بهدوء: نشوف منو الما يتزوج
وطلعو كلهم
ابو حسين:  ولج انت شلون اتخجليني كدام اخوي ولج تصيحين علي كدام عمج مالك ولا ما عاجبج
طبعا يحجي ويضرب بيه دفرات وراشديات ونزع الحزام راد يضربني بي بس ماما وكفت كدامه وهدته وطلعته من الغرفه ضليت بمكاني واحس الوجع مو طبيعي صح هاي مو اول مرة انضرب بس مو مثل هيج ضرب اخير دفره اجت على بطني وانه علي العاده الشهريه بحيث الالم احسه عبالك مال اسقاط
كمت واجرجر بروحي وسبحت ونضفت الغرفه ونمت
~~~~~♡♕♡~~~~~ //
شلونكم يا حلوين طبعا انه حاليا عندي ظروف فه يمكن انقطع فتره بس انشالله ارجع

لا تنسون التصويت بلييييييز
احبكم ♥❤♥❤♥❤