ناس تايفيقو بكل طاقة و حيوية و نشاط و لكن لا ،صباح هاد ليوم كي لخرا كيف لعادة
- ليوم صابح عيان بحالا كنت تانجري ف نعاسي كملها عليا وجه لحبس د خويا طالق عليا لمزيكه فوق وذني ، والله وتعرفو شحال من ذنب ديتو حيث عذبتوني ، امتا غايجي نهار لي نتهنى من صداعهم ، فقت عيان نضت لطواليط تلاقيتها عامرة كنت بيت نموت حيت الى مشات ختي تا دخلات خصك تمشي لمقاطعة تݣاليزي ليها شاهدة سكنة وترجع وهي مازال ماخرجات هادشي كامل او هي تاتزوق باش تمشي فين؟؟ تمشي لمدرسة او فاش تتقرا؟ سانكيام !!! ، بقيت جالس حدا لباب د طواليط حاقد لي داز تانخنزر فيه. صباحت لله باينا ليوم كي غا يدوز ، بقيت جالس حتى تفكرت بلي عندي 2 سوايع تاع لماط تابعو 2 سوايع د الفيزيك تفرشت ف الارض و بديت نتغبن و نغوت.
(اختي انا بغا غا نغوت ويك ويك اعباد الله ويك ويك، راه تانتقطع مرة مرة )
جات عندي ماما بدات تضرب فيا نسكت او نتجمع من الارض ولكن لا حياة لمن تنادي ، او مشات او خلاتني نتغبن بحدي ، نضت تبعتها الكوزينة نسيت طواليط ، ملي دخلت لقيت ماما تاتعمر اتاي قلت ليها.
- ماما يا احسن ام ف دنيا و الا...
- طلقني اش بيتي
حصلت، تتبان معصبة ولكن المحاولة ماتضرش ياكو
-احم تي ضحكي مالك مامعيداش
مع دويت مع دارت فيا واحد تخنزيرة ندمت على دقيقة لي فكرت نتغيب ،
- ماما تايضرني راسي او فيا تقيا مابيتش نمشي
بديت تانتلوا قدامها و نعبس و نزيف دموع و نقنع فالخر قالت ليا ...
- الله امسخوط الوليدين او مامشيتي تقرا حتى نزف على مك بهاد لمقلة لراس ، سير قابل قرايتك و عطيني تساع راه عندك لواطني هاد لعام ماعرت امتا ناوي تحفض
اش جاوبتها انا ؟؟ انا؟؟؟ انا هربت ملي شتها دارت عندي دخلت نشان لطواليط سديت عليا ، كنت تانسمع غواتها من هنا ، ماعلينا مع ضرت نغسل وجهي تلاقيت جنه قدامي ، *مكياج ختي* كنت انسخف بالفرحة ولكن تفكرت بلي راني غادي ل ليسي و انا نبدا نضرب رجلي فالارض و نغوت بلا صوت ملي ساليت غسلت وجهي و سناني مشطت شعري و قاديتو درت قلوس خفيف و بوماضة د شمس و خرجت باش نلبس ،لبست سروال بيض واسع و تيشيرت كحل و سبرديلة بيضة ،
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نضت هزيت كارطابلي و ضربت الباب درت الكاسك ديالي او بديت نتمزك تانحس براسي مخنوق غادي لحبس برجلي ، كنت تانتمشى و انا حاقد على دنيا او هو يدخل فيا واحد لحيط انا متأكدة حيط هاداك ماشي بنادم ، بديت تانخنزر فيه او وانا نقول :
-ابشوية عليك العشير ، ماعرت قاع كي بنت لك انا دبا، سير دوز على عينيك انا قد هكا او ماشتينيش اوا سير الله يمسخك
دويت بجهد او فدقة و حده ناس وقفو تايتفرجو تقول واقعة حرب اهلية ، هاداك خونا طلع فيا و هبت و هو يكمل طريقو انا تعصببببت زدت حقدت على العالم مع ضرت لقيت واحد خونا مقابلني بحالة بحدي لي كاين ف هاد شارع ولكن مانكرش بلي كان زوييين و بوقوس , كان لابس كلشي كحل او يديه عامرين بالوشام و طوييل و شعرو رطب او طول كثر من حياتي و هاز ف يدو بيرا ولا مانعرف ، كي دار ليها بعدا مع بونور؟؟ ، مهم سيد عندو عضلات كنت انطيح على راسي من كثرت ما كان تيتيييز ، هاداك هو ستيل ديالي ف دراري معرت منين خرج داير بحال الانيم ، ولكن مانكرش بلي خلعني ب دوك شوفات لي تايدير فيا ...
(هاهو كي داير ولا تخيلوه كما بيتو)
، مهم رجعت داكشي ل زك عقلي و كملت طريقي ل داك لحبس و لكن على من تنكذب ماقديتش نساه ولا نخرجو من عقلي... . . . . . . . . . . . ___________________________
كي جاكم هاد لعجب لي قررت ندير 🤭 ،
هاد لفكرة ديال نكتب رواية ب داريجة شفتها عند واحد جوج بنات وحدة جزائرية سميتها ريم❤️ : rimmmmmm17
