🌹بيان النصر 🌹 بقلمي انا 😍شمس الغريب😍
البارت الواحد والتسعون
فائزة" اييه صافي نقلبو عليه نوووضي ا هاجر نقلبو عليه
هاجر صغرات فيها عينيها وبحال ايلا عاقت بلي البيسي هو لي خشات فالفاز" خويا اااه نسيت ههههه(كضحك ديك الضحكة الصفرة)ويلي كيفاش حتى نسيت لبيسي راه انا ديتو للبيت قبيلات خفت لا يقيسو الماء ولا يطيح راه فالبيت
هو خرج متبع هضرتهم واخا بانت ليه فائزة ماشي هي هاديك يعني مخبية شي حاجة غير سد الباب طارت هاجر عليها
هاجر" ما تقوليش ليا ا فائزة بلي هو لي فالفاز
فائزة كضرب جنابها" والله والله ما درتها بلعاني ما عرفتش كيفاش قستو وطاح ما شتوش ما شفتوش(كتبكي 10للعين)الله يا ربي ما عندي زهر ديما كندير المصائب
هاجر" صافي ما تبكيش ا فائزة نوضي نخرجوه من هنا قبل لايجي ويلقاه فداك الفاز يهرسو لينا على راسنا
ما يدخل حاتم غير مع اخر جملة
حاتم" كيفاش كييفاش فين البيسي اينا فاز بلاتي بلاتي(خرج حاتم للبالكون ساس داك الفاز حيت هو الوحيد لي كاين فالبيت حتى كيلقى البيسي ديالو مسكين ولا بياس ديطاشي جمعو وخدا كلي يو ايس بي لي كان مخليها فالبيسي ولي فيها كاع داكشي المهم ديالو ورجع دخل معصب)
حاتم معصب" انا غادي نمشي ولكن هاد الموضوع ما تسدش هنا جمعو روينة
جا خارج سمع صوتها مغنغن بالبكا علاش لا وهي دموعها سابقينها وكتنخصص" حاااا حاااتم انا لي طاح ليا ماشي هاجر سمح ليا الله يخليك
هاجر شوية وتبكي معاها كتبقى فيها فائزة واخا فيها تخراج العينين ولكن كتنهار من بعد" صافي ا فائزة انا لي حطيتو تما انا لي غالطة نتي ما شفتيهش
حاتم خرج وخلاهم تما كل وحدة كتقول انا السبب خرج لقا رحيمة يالاه جايا لعندهم بان ليها ماشي هو هاداك ملي جا
رحيمة" مالك ا وليدي ياك لباس بنتي ليا ماشي تال تما
حاتم خدا يديها بين يديه باسهم تحت نظراتها لي مبتسمين" الحنانة ماتمشيو فين انا نجيب العشاء واجد خاصني نهضر معاكم فموضوع مهم انشاء الله
رحيمة" انشاء الله ا لحبيب الغالي(مشا حاتم تحت نظراتها ودعواتها لي ديما مرافقا وليداتها كاملين وحتى بنات ختها)
اما عند هاجر وفائزة راه دايرين مندبة فداك البيت
هاجر" شوفي والله ما تقلق منك كن تقلق كن حيح علينا راه انا لي كنعرفو
فائزة" اهءهءهءهاهءهء اهء نتي قلتي بلي هو ماكيبغي حتى شي واحد يخسر ليه حاجتو اءهءههءهء انا هرست ليه الحاسوب ديالو الخاص
هاجر طلقاتها بضحكة حتى خلعات فائزة وعرفتو ديك الضحكة لي كتكون مخلطة مع البكية والخنونة" عرفتي الخرية فكرتيني فولاد واحد جارتنا حدا الميمة كانو ولادها من دوك لي كيخشيو كلمات باللغة العربية الفصحى مع الدارجة دبا ملي قلتي الحاسوب فكرتيني فيهم كنا كنضحكو عليهم ساعة دبا عرفنا بلي هاديك طريقة زوينة باش نفاتحو على اللغة ديالنا ونوليو نتقنوها ودبا صافي راه غير بيسي وزايدون هو راه عندو الفلوس لي يشريني انا وياك بيهم عاد زيد بان ليا هاز كلي باينة فيه خدمتو وصافي يالاه مسحي دموعك تحل عليهم الباب بجهد
